MAATEWOOSI 28:17 - Qullaawa Maxaafa

¹⁷ Iso affe magansidhusi; gamu kayinni huluullantu.

MAATEWOOSI 28:17 ပူးပေါင်းရင်းမြစ်များ

FAARSO 2:12

Hanqisi rahe daye hunanno'nekki gedenna, ki'neno hedeweelcho ba'inannikki gede isira kumbuulle. Iso golo assidhannori baraadhinoreeti.

FAARSO 45:11

Moote xummekki baxino; isi mootichakkiitina ayirrisisi.

MAATEWOOSI 16:28

Halaale kuleemmo'nena, Manchi Beetti Gashshootisi ayirrinyinni daanna la'a geeshsha konniicho uurrite noori giddonni reyitannokkiri no» yii.

MAATEWOOSI 28:9

Yesuusi doogote ha'ranni noore afe, «Keeru ki'ne ledo hee'ro!» yiinsa. Insano isiwa shiqqi yee, lekkasira uwe kumbuuli.

MAARQOOSI 16:11

Maariyaami, Yesuusi lubbotenni nootanna iseno illesenni affinota kultunsa yannara insa diammantino.

MAARQOOSI 16:13

Insano galagalte higge, wole rosaanosira kultunsa; hakkuri yitinotano diammantino.

MAARQOOSI 16:14

Hakkunni gedensaanni, Yesuusi tonaamitunku ofolte sagale ittanni heedheenna leellinsa. «Yesuusi lubbotenni no; illenkenni anfoommo» yee kulinonsa manni coye adha hoogansara, kulloonninsare ammana hoogansaranna wodaninsa dillaawara rufinsa.

YOHAANNISI 5:23

Hatto assinohu mannu baalu Anna ayirrisannonte gede, Beettono ayirrisanno gedeeti. Beetto ayirrisannokkihu Beetto soyinoha Annano diayirrisanno.

SOQQAMAASINETE LOOSO 1:3

Lowo qarra adhe reyihu gedensaanni batinye hige daanni, heeshshonniha ikkasi leellishinonsa. Shoyilloo barra wo'ma leellanninsa Maganu gashshootire rosiisinonsa.

UMI QORONTOOSI 15:6

Hakkunni gedensaannino onte xibbe roortino rosaanora mitte hige leellino. Insa giddonni haammatu xaa geeshsha lubbotenni no. Mitu mitu kayinni reyitino.