MAATEWOOSI 27:32 - Qullaawa Maxaafa

³² Gashshaanchu hoowenni fultanni heedhe, Simiooni yinanniha Qereenu gobba mancho affe, Yesuusi masiqala duhanno gede qarrissusi.

MAATEWOOSI 27:32 ပူးပေါင်းရင်းမြစ်များ

UMI MOOTOOLLA 21:10

Hakkunni gedensaanni, ‹Maganonna moote shollishootto› yitannore 2 yawaawuloota qixxeesse. Isono katamaho gobbaanni fushshitine kinnatenni gantine shiiyye» yitannote.

UMI MOOTOOLLA 21:13

Lamunku yawaawulootu naqaashshe Naabute mule ofoltu. Mannu baalunku albaanni ka'e, «Naabute Maganonna moote shollishino» yitu. Hakkunni gedensaanni Naabute katamaho gobbaanni fushshite kinnatenni gante shitusi.

LEEWAAWOOTA 4:12

kakkalote seeri garinni, qachaho gobbaanni langoonni darga buluulo tunganniwa masse gamba yiino buluuli aana haqqe wore giirona.

LEEWAAWOOTA 4:21

Hakkunni gedensaanni, middicha qachaho gobbaanni fushshe, umisi cubbira shilqishi middichi gede asse shilqishona. Tini gosate cubbo hoolate shiqinshanni kakkalooti.

LEEWAAWOOTA 4:3

qeesootu qarino cubbo loose mannu aana sao abbiro, loosino cubbira mitto muso afi'rinokki middicha abbe cubbisi daafira, anera kakkalo asse shiqishona.

MAATEWOOSI 16:24

Hakkunni gedensaanni Yesuusi rosaanosi, «Ane hoode ha'ra hasi'rannohu umosi kaado; masiqalasino duqqe hoode'ya dayo!

MAATEWOOSI 5:41

Qoleno mittu manchi, «Kai ane ledo mito geeshsha ha'nona» yee qarrisihero, ati kayinni ero ledde ledosi ha'ri.

MAARQOOSI 15:21

Hadhanni heedheenna, Qereenu gobba mancho Alekisaanderinna Rafoosi anna Simiooni katamaho gobbayidinni daanna affe, Yesuusi masiqala duhanno gede qarrissusi.

LUQAASI 23:26

Hakkunni gedensaanni Yesuusa haadhe hadhanni heedheenna Qereenu gobba manchi Simiooni, katamu gobbayidinni daanna affe, Yesuusi masiqala duhisiisse hoodesi ha'ranno gede assitu.

YOHAANNISI 19:17

Hakkunni gedensaanni Yesuusi masiqalasi duqqe, «Umu Qooncho» yinanni darga mari. Hakkonne darga Ibiraawootu afiinni, «Golgoota» yinanni.

SOQQAMAASINETE LOOSO 11:20

Ikkollana Qophiroosinna Qereenunni dagginori mite mite ammanaano Antsookiya daggu yannara, Giriikete manni nafa gatikkinni Mootichu Yesuusiha Dancha Duduwo dudubbino.

SOQQAMAASINETE LOOSO 13:1

Antsookiyaho noo beetekiristaanera himanaanote yinanni rosiisaanonna qaale kultannori no. Insano Barnabaasi, kolishshu yinanni Simiooni, Qereenichu Lukiyoosi, shoolki anga gashshinohu Heeroodisi ledo lophinohu Maanahenna Saawuli no.

SOQQAMAASINETE LOOSO 2:10

Firigiyu, Phinfiiliyu, Gibitsete, Qereenu mule Liibiyu gobbara hee'neemmo mannaati. Roomu gobbanni dangoommo Ayihudootinna dagate giddonni fulle Ayihudete widira hingoommorino hee'noommo.

SOQQAMAASINETE LOOSO 6:9

Hatte yannara, wolaphote xaadi mini mannaati yinanniri, Qereenunna Alekisaanderiyu manni, Kiliqiyunna Issiyunni daggannori mitu mitu ka'e Isxifaanoosi ledo yekkeerantu.

SOQQAMAASINETE LOOSO 7:58

Katamu gobbaanni fushshite kinnatenni awwaaltusi. Naqqassannori uddannansa Saawuli yinanni wedellichi lekka mule wodhitu.