MAATEWOOSI 27:30 - Qullaawa Maxaafa

³⁰ Anja tuffanni, siqqono angasinni haadhe umo gantusi.

MAATEWOOSI 27:30 ပူးပေါင်းရင်းမြစ်များ

ISAYAASI 49:7

«Daga mishshinohehuranna gibbinohehura, gashshaanote soqqamaancho ikkoottohura atera, ani gatisaanchu Israeelete Qullaawi Kaaliiqi yeemmore macciishshi: Ani Maganikki Kaaliiqi assoommohere affe, mootoolla ate ayirrisse ofoltinowiinni ka'anno; gashshaanono ate ayirrisse umo heeshshi yitanno» yii.

ISAYAASI 50:6

Gantannoerira badhe'ya oommo; ereeda'ya cirtannorira baqqaalla'ya qoloommo; xontannoerinna malxifattannoeriwiinni alba shawwu diyoommo.

ISAYAASI 52:14

Dana soorrame manna lawannokkiha ikkino daafira, la"anno manni baalu lowo geeshsha masanno.

ISAYAASI 53:3

Mannu mishinosihonna giwinosiho; xissonna qarru amadinosi. Mannu mishe alba shawwu yiinosi; ninkeno diayirrinsoommosi.

ISAYAASI 53:7

«Iso gadadunna qarru amadinosi; ikkeennano cuqqi curuqqi diyiino. Gorrinara haa'ne ha'nanni wilii'lichinna, orda hanxanni ge'rechi gede, afoo fa'nannokkiha sammi yiino.

MIKIYAASI 5:1

Ki'ne Yerusaalamete manna! Kuneeti diinu gaangeesse noonkena, Israeelete gashshaanchi baqqaallasi siqqotenni ganaraatina, olanto'ne mitteenni qixxeessidhe.

MAATEWOOSI 26:67

Hatte yannara anja tuffanni, tuttugganni, qawaaddanni,

MAARQOOSI 10:34

Insano qacifattannosi; anjano tuffannosi; lichetenni gantannosi; shitannosi. Ikkollana sasu barri gedensaanni ka"anno» yii.

MAARQOOSI 14:65

Mitu anja tuffanni, alba guggushshite gantanni, «Hanni masaali! Ganihehu ayeti?» yitusi. Agaraasineno qawaaddanni haadhe hadhusi.

MAARQOOSI 15:19

Siqqotenni umo gantanni, anja tuffanni, balalsitannisi heeshshi yite albasiinni kumbuultu.