MAATEWOOSI 27:2 - Qullaawa Maxaafa

² Hakkunni gedensaanni, Yesuusa usurte haadhe hadhe gashshaanchu Philaaxoosira sayisse uyitu.

MAATEWOOSI 27:2 ပူးပေါင်းရင်းမြစ်များ

KALAQAMA 22:9

Maganu kulinosi darga iillituta, Abirihaami hakkiicho kakkalote darga seekki; haqqeno duuni; beettosi Yisihaaqi usure kakkalote darga haqqete aana haawiisse kari.

MAATEWOOSI 20:19

Dagate angara sayisse uyitannosi; insano qacifattannosi; lichetenni gantannosi; shitannosi. Ikkollana sasu barri gedensaanni reyotenni ka"anno» yii.

MAATEWOOSI 28:14

Konne coye gobbate gashshaanchi macciishshiro, ki'ne affinoonnikki gede assine kulleemmona yaaddinoonte» yitunsa.

LUQAASI 13:1

Hatte yannara gamu manni Yesuusiwa dagge, Philaaxoosi Galiilu manna shiinotanna mundeensano kakkalonsa ledo karsiisinota kultusi.

LUQAASI 20:20

Kunnira, injiitanno yanna galaalchitanni no. Mite sao coyi'reenna amadde gashshinohu roorreranna wolqara sayisse uyitara, elo labbe giddota haadhannore fushshite Isiwa sokku.

LUQAASI 23:1

Hakkiicho gamba yee noo manni baalu Yesuusa haa're Philaaxoosiwa masse,

LUQAASI 23:12

Hakko barrinni kayisse Philaaxoosinna Heeroodisi mimmitoho ilantu; hakkunnira albaanni kayinni komatenni heedhannoreeti.

LUQAASI 3:1

Roomunnihu jawu moote Xiberiyoosi moohihunni tonaa ontikki diro Phenxenichu Philaaxoosi Yihudu gobba gashshe no. Heeroodisi Galiilu gobba gashshaanchooti; rodiisi Filiphoosino Ixuriyunna Xirakondoosi gashshaanchooti. Lisaaniyoosi qole Abileene gobba gashshe no.

YOHAANNISI 18:12

Hakkunni gedensaanni olantonna olantote hajajaano Ayihudete roorrooti ledo Yesuusa amadde usurtu.

YOHAANNISI 18:24

Hakkunni gedensaanni Hanna Yesuusa usurame noo gedeenni Qeyaafawa soyi.

YOHAANNISI 18:28

Hakkunni gedensaanni Ayihude Yesuusa Qeyaafa qaenni haadhe gashshaanchu hoowe massitusi. Yannano soodo gutooti. Lagaabbe Agure Sa"ate Ayyaani jila ita hooggannokki gede, gashshaanchu hoowe giddora die'ino.

SOQQAMAASINETE LOOSO 12:6

Heeroodisi layinki soodo Pheexiroosi mannaho sayise aara hede no. Pheexiroosi hakko hashsha lame cagaagenni usurreenna lame olanto mereero goxe no. Wole olanto kayinni usuru mini waalcho agarte no.

SOQQAMAASINETE LOOSO 21:33

Olantote hajajaanchi shiqqi yee Phaawuloosi amade lame cagaagenni usurranni gede hajaji. Hakkunni gedensaanni ewelummasinna loososi kulanno gede xa'mi.

SOQQAMAASINETE LOOSO 22:25

Sunchunni wiqqi assite usurte gantara ka'uta, mulesi uurre nooha xibbuu olanto hajajaancho, «Ani Roomu qansicha ikke hee'reenna, assoommori nookkiha gana garaho?» yee xa'mi.

SOQQAMAASINETE LOOSO 22:29

Kunnira, wona qortara qixxaabbe noori ka'a shiqqi yitu. Olantote hajajaanchino cagaagetenni usurrihu Phaawuloosi Roomu qansicha ikkinota huwati yannara waajji.

SOQQAMAASINETE LOOSO 24:27

Lamu diri gedensaanni Phorqiyoosi Fisxoosi yinannihu Filikisi darga amadi. Filikisi Ayihudoota hagiirsiisara yee Phaawuloosi usuru mine keeshshiishi.

SOQQAMAASINETE LOOSO 28:20

Xa woshshoommo'nehu la"ammo'neraatinna konne coye kulammo'neraati. Ani tenne cagaagenni usuramoommohu, Israeelete uyinoonni hexxo daafira yeeti» yii.

SOQQAMAASINETE LOOSO 3:13

Annuwanke Abirihaami, Yisihaaqi, Yaiqoobi Magani, Beettosi Yesuusa ayirrisinosi. Ki'ne kayinni iso Philaaxoosi angara sayissine uyitinoonni; Philaaxoosi agurasira hasi'rita nafa, ki'ne macciishsha gibbinoonni.

SOQQAMAASINETE LOOSO 4:27

«Halaaleho Heeroodisinna Phenxenichu Philaaxoosi dagatenna Israeelete manni ledo kunni katamira gamba yite, buuraminohu Qullaawu soqqamaanchi Yesuusi aana ka'ino.

SOQQAMAASINETE LOOSO 9:2

Mootichu doogo hadhannore meyaa labbaaha amade usure Yerusaalame abbara, borro borreesse Demaasiqote noohura xaadu minira aannosi gede qeesootu roorricha xa'mi'ri.

UMI XIMOOTEWOOSI 6:13

Baalunku coyira heeshsho aannohu Maganunna Phenxenichu Philaaxoosi albaanni dancha ammanamanni farci'rinohu Yesuusi Kiristoosi albaanni hajajeemmohe.

LAYINKI XIMOOTEWOOSI 2:9

Kunni Danchu Duduwi daafira yee sao assinohu gede usurame qarra adheemmo. Maganu qaali kayinni diusuramanno.

IBIRAAWOOTA 13:3

Ledonsa usuraminohu gede ikkitine, usurantinore qaagge! Ledonsa qarra adhitinoonnihu gede ikkitine, qarrantinore qaagge.

EJJEETTO 15:12

Insano, «Kune usurre Filisxeemootaho uyinammohera dangoommo» yitusi. Samisonino, «Ki'ne shitinanniekki gedella xaarre"e» yiinsa.