MAATEWOOSI 26:63 - Qullaawa Maxaafa

⁶³ Yesuusi kayinni mittoreno qolikkinni sammi yii. Qeesootu Roorrichi lede, «Heeshshote Magani su'minni xa'meemmohena Ati Maganu Beetto, Kiristoosa ikkoottoro kulie» yiisi.

MAATEWOOSI 26:63 ပူးပေါင်းရင်းမြစ်များ

UMI MOOTOOLLA 22:16

Akiaabi kayinni, «Me"e hige kuleemmohe? Kaaliiqi su'minni coyi'ratto woyite halaalaancho himana kuliewe yoommohe!» yii.

LAYINKI DUDUWO 18:15

Akiaabi kayinni, «Me"e hige kuleemmohe? Kaaliiqi su'minni coyiratto woyite halaalaancho himana kuliewe yoommohe!» yii.

FAARSO 42:2

«Mamoote iilleemma? Magani'ya albano mamoote laeemma?» yite, lubbo'ya heeshshote Magano goodhanno.

LAWISHSHA 29:24

Lubbosi cee'minohu, mooraanchu ledo hosanno; yoote alba xa'mineenna ammanirono, qorichishamanno; halaale coyi'ra hoogiro kayinni, Maganu qorichishannosi.

ISAYAASI 53:7

«Iso gadadunna qarru amadinosi; ikkeennano cuqqi curuqqi diyiino. Gorrinara haa'ne ha'nanni wilii'lichinna, orda hanxanni ge'rechi gede, afoo fa'nannokkiha sammi yiino.

DAANIEELI 3:16

Sidiraaqi, Misaaqinna Abidinaago kayinni, «Moote, kunni coyira umonke gargadhate yine dawaro diqolleemmohe.

LEEWAAWOOTA 5:1

«Mittu manchi yoote minira woshshineenna mare, afinore woy lainore farci'ra giwiro, hakko coyira isi xa'mamanno.

MAATEWOOSI 16:16

Hatte yannara Simiooni Pheexiroosi qole, «Ati Heeshshote Magani Beetto Kiristoosaati» yii.

MAATEWOOSI 26:62

Qeesootu Roorrichi gotti yee Yesuusa, «Kuni manni ate aana coyi'ranni noo coyira qo'lattori dinoheni?» yee xa'mi.

MAATEWOOSI 27:12

Ikkollana qeesootu roorrootinna geerru bushiishshannasi mittoreno diqolino.

MAATEWOOSI 27:14

Yesuusi kayinni, gashshaanchu maala'la geeshsha yitinosi coyira mitte dawaro nafa diqolino.

MAATEWOOSI 27:40

«Qullaawa Mine diigge sasu barrinni minattohu, hanni umokki gatisissiyya! Maganu Beetto ikkoottoro, hanni masiqalu aaninni dirri!» yee arrassisi.

MAATEWOOSI 27:43

Isi Magano hexxino. « ‹Ani Maganu Beettooti› yiinona, baxinoro hanni Maganu xa gatisossisiyya!» yitu.

MAATEWOOSI 27:54

Olantote roorrichinna isi ledo Yesuusa agarte noori uulla milli yitutanna ikkino coye baala la'e lowo geeshsha waajjite, «Kuni manchi halaalintanni Maganu Beettooti» yitu.

MAATEWOOSI 4:3

Hatte yannara jifannohu Yesuusiwa daye, «Hanni ati Maganu Beettootiro, tini kinna timma ikkitanno gede hajaji!» yiisi.

MAARQOOSI 14:61

Yesuusi kayinni mittoreno qolikkinni sammi yii. Qeesootu Roorrichi lede, «Maassamino Magani Beetti, Kiristoosi ateetini?» yee xa'misi.

YOHAANNISI 1:34

Konne coye anino afoommo; kunni daafira, isi Maganu Beetto ikkinota farci'reemmo» yee coyi'ri.

YOHAANNISI 1:49

Hatto yiita Naatinaeeli, «Rosiisaancho'ya, ati Maganu Beettooti! Ati Israeelete Mooteeti!» yii.

YOHAANNISI 10:24

Hatte yannara Ayihudootu iso gaangeessite, «Ati ninke mamooti geeshsha huluullisattonke? Ati Kiristoosaatiro xawisse kulinke» yitu.

YOHAANNISI 10:30

Aninna Anni'ya mittoho» yii.

YOHAANNISI 10:36

ki'ne kayinni Maganu doodhinohanna tenne gobba mannira soyinoha, ‹Ani Maganu Beettooti› yiino daafira, ‹Magano xonootto› mayira yitinanniyya?

YOHAANNISI 18:37

Philaaxoosino, «Hakka woyiteetiro, ati mootete yaate?» yee xa'misi. Yesuusino, «Ani moote ikkoommota, atinni diyiitto! Ani ilamoommohunna tenne gobba dayommohu halaale farci'rammoraati. Halaalu widoonni uurrinohu qaale'ya macciishshanno» yee qoli.

YOHAANNISI 19:7

Ayihudootuno, «Ninkera seeru noonke; kuni manchi, ‹Ani Maganu Beettooti› yaanni coyi'ranno daafira reya hasiissannosi» yitu.

YOHAANNISI 19:9

Galagale hoowe giddoonni e"e, «Ati maminni dayotto?» yee xa'misi. Yesuusi kayinni mittoreno diqolinosi.

YOHAANNISI 20:31

Ikkirono, Yesuusi Kiristoosi Maganu Beetto ikkinota ammantinanni gedenna ammantine isi su'minni hegere heeshsho afidhinanni gede konne borreessinoonni.

YOHAANNISI 6:69

Ninkeno ati Qullaawu Magani Beetto ikkoottota anfoommo; ammannoommo» yii.

YOHAANNISI 8:25

Insano, «Ati ayeti?» yite xa'mitusi. Yesuusino, «Xaa geeshsha kulummo'ne aneeti.

LAYINKI QORONTOOSI 1:19

Ani, Silaasinna Ximootewoosi mereero'ne kullummohu Maganu Beetti Yesuusi Kiristoosi wo'manka woyite, «Ee» yinanniho ikkinnina, «Ee woy dee'ni» yinanniha di"ikkino.

UMI PHEEXIROOSI 2:23

Xontannasi qole dixonino; qarra adhanni hee're halaale coyi'ranno Maganira eeggo uyino ikkinnina, qole direewino.

UMI SAAMUEELI 14:24

Saaooli, «Hawarra geeshsha diina'ya rabbisi'rummokkinni sagale itannohu rumaminoha ikko» yee afoo fulino daafira, Israeelete manni shete hosino. Hakko barra mittuno sagale afooho diwodhino.

UMI SAAMUEELI 14:26

Dubbu giddora e'anno woyite, malawu leo cocco'anni no. Ikkollana Saaooli rumo waajjitino daafira intannire mittuno afooho dimassi'rino.

UMI SAAMUEELI 14:28

Olantote giddonni mittichu, «Annikki, ‹Techo sagale itannohu baalu rumaminoha ikko!› yee xaarotenni usurino. Mannu baalunku wolqiweelinohu iseraatiwe» yiisi.