MAATEWOOSI 26:24 - Qullaawa Maxaafa

²⁴ Manchi Beetti alba yine borreessinoonni garinni reyanno; Manchi Beetto sayise aannohura hakko manchira kayinni aanne'e! Hakku manchi ilama hoogoommero woyyannosihu baino» yii.

MAATEWOOSI 26:24 ပူးပေါင်းရင်းမြစ်များ

KALAQAMA 3:15

atenna manchote mereero, sirchikkinna sirchise mereero diinoomu hee'ranno gede asseemmo; isi umokki cancananno; atino gindesi qasatto» yii.

FAARSO 55:15

Minensanna mereeronsa bunshe noo daafira, baarigaarra'yara reyo daggonsa; yanni-male reyito insa.

FAARSO 55:23

Magano, ati kayinni bushuulle qile balera tugi; manna shitannorinna dogaasine taaloote dirono diheedhanno; ani kayinni ate hexxeemmo.

DAANIEELI 9:26

Leyayina lame lamala wo'mituro Buuraminoha shinanni; katamanna Qullaawa Minesi mittu jawu albisi gaadisanno olanto co'o assite huntanno. Goofimarchu yanna lolahu gede hedeweelcho dagganno; Maganu qixxeessino olinna bao goofimarchu geeshsha diuurritanno.

ZAKKAARIYAASI 12:10

«Daawiti sirchiranna gattinorira Yerusaalamete mannira mararrotenna huuccattote wodana qoleemmonsa; kunnira, qassinoha illetenni la'e, afi'rino mitto shii'rino manchi gede ikkite wi'litannosi; bayiru beetti reyinosi manchi gede hururante wi'litannosi.

ZAKKAARIYAASI 13:7

Olantote Mootichi Kaaliiqi, «Bise! Baqqi yite, ledo'ya nooha allaalaasincho'ya gani! Hakkawoyite, ge'reewu billaallanno; manna'ya ani umi'ya gawajjeemmo.

MAATEWOOSI 18:7

Qoleno, «Manna cubbu giddora eessitanno alamera aanne'e! So'risiisanno coyi dayikkinni digatanno. Ikkollana so'risiisannori daanno gede doogo fanannohura aanne'e!

MAATEWOOSI 26:31

Yesuusi lede rosaanosira, «‹Allaalaancho ganeemmo; ge'reewuno billaallanno› yine borreessinoonnina, techo hashsha ki'ne baalunku kaaddinannie.

MAATEWOOSI 26:54

Hatto ikkoommero, ‹Qarra adha hasiissannosi› yaannohu Qullaawu Maxaafi qaali hiitto ikke wo'manno?» yiisi.

MAATEWOOSI 26:56

Kuni baalu ikkinohu kayinni alba himanaano himantinori wo'manno gedeeti» yii. Hatte yannara rosaanosi baala Yesuusa agurte xooqqu.

MAARQOOSI 14:21

Manchi Beetti alba yine borreessinoonni garinni reyanno; Manchi Beetto sayise aannohura hakko manchira kayinni aanne'e! Hakku manchi ilama hoogoommero woyyate» yii.

MAARQOOSI 9:12

Isi kayinni, «Halaaleho, Eeliyaasi balaxe daye baalankare darga qolanno. Ikkollana Manchi Beetti qarra adhannotanna shollannota borreessinoonnihu mayiraati?

LUQAASI 22:22

Manchi Beetti alba hirqinoonni garinni reyanno; ikkollana Manchi Beetto sayise aannohura hakko manchira kayinni aanne'e!» yii.

LUQAASI 24:46

«Kiristoosira qarru iillannositanna sayikki barra reyotenni ka"annota balanxe borreessinoonni.

YOHAANNISI 17:12

Ledonsa noommo yannara, oottoehu su'mikki wolqanni keerunni agaroommonsa. Borreessinoonnihu Qullaawu Qaali wo'manno gede, baote beetto agurranna insa giddonni mittuno bainohu dino.

YOHAANNISI 19:24

Kunnira olanto, «Iillituhura iillitona, daddara agurre hixa tuqqino» yitu. Hatto ikkinohu, «Uddano'ya beeqqitu; giddoyidi uddano'yarano hixa tuqqitu» yinoonnihu Qullaawu Qaali wo'manno gedeeti. Olantono heddino gede assitu.

YOHAANNISI 19:28

Hakkunni gedensaanni Yesuusi duuchunku coyi wo'minota afe, Qullaawu Qaali wo'manno gede, «Goo'rummo!» yii.

SOQQAMAASINETE LOOSO 2:23

Hakkuno Maganu umisi balaxe hedinonna egennino garinni, ki'nera sae aamamino; ki'neno haxawarrootu angara sayissine uyitinoonni. Insano dawete aana sutte shitino.

SOQQAMAASINETE LOOSO 28:23

Xaaddanno barra amaxxite hadhe, kiirono lexxite isi noowa ka'e daggu. Isino soodinni hawarro geeshsha Maganu gashshootire farci'ranni hedosi xawise kulinsa. Insa ammanchiishate Muse Seerinna himanaanote borro giddo noo coye kulanni Yesuusire egensiisinsa.

SOQQAMAASINETE LOOSO 4:28

Kuni ikkinohuno, ati balaxxe wolqakkinna hedoottori wo'manno gedeeti.

UMI QORONTOOSI 15:3

Ani adhoommoha qara coye ki'nera sayisoommo. Hakkuno qullaawa borro giddo Kiristoosi ninke cubbi daafira ree,