MAATEWOOSI 26:15 - Qullaawa Maxaafa

¹⁵ «Yesuusa sayise uummo'nero ma uyitinannie?» yii. Insano sajjoo kinchu birra uyitusi.

MAATEWOOSI 26:15 ပူးပေါင်းရင်းမြစ်များ

KALAQAMA 38:16

Beettisi galte ikkitinota afikkinni ofoltinowa doogote gamira shiqqi yee, «Eeggatena ballo ate ledo galoni?» yee huucci'ri. Iseno, «Hedoottore wonshummahero maricho aattoe?» yitusi.

FULO 21:32

Bootu labbaaha woy meya borojjicho qase shiiro, bootu anni borojjichu annira 30 kinchu birra oona. Booto kayinni kinnatenni ganne shinona.

ISAYAASI 56:11

Insa ite duuwannokki woshshi gedeereeti; wodancha afidhinokki allaalaasineeti. Baalunku faro faronsa hadhanno; mittu mittunku uminsare calla shorritanno.

LEEWAAWOOTA 27:4

Meyata ikkituro 30 kinchu birra oona.

MAATEWOOSI 10:4

Laalaataanchu Simiooniiti, Yesuusa sayise hirihu Asiqorootichu Yihudaati.

MAATEWOOSI 26:16

Isi hatte saatenni kayise Yesuusa sayise aate, injo hasi'ranni keeshshi.

SOQQAMAASINETE LOOSO 1:18

«Kuni manchi loososi mixxino; alba hige uwe lamewa fulino; helleesino du'nantino.

UMI XIMOOTEWOOSI 3:3

dimbannokkiha, yekkeeramannokkiha, anja egemminoha, gibbo giwannoha, woxeho hagaagannokkiha,

LAYINKI PHEEXIROOSI 2:3

Kuri kaphu rosiisaano woxeho hagaagansanni, kalaqqe coyidhanno masalonni woxe'ne guddanno. Lowo yannanni kayisse insara yoo qixxaabbe no; baonsano digattannote.

EJJEETTO 16:5

Filisxeemete jajjabbi isewa marte, «Ninke mittu mittunku 1,100 kinchu birra uyineemmohena, iso usurre angankera qo'lineemmo gede aanasi noo wolqa maminni afi'rinotero dogisiisse xa'minke» yituse.

EJJEETTO 17:10

Miikano, «Anewa heedhe amaalaanchonna qeesicha ikkie; anino imaanakkinna sagalekki, diru dirunkunnino 10 kinchu birra eemmohe» yiisi.