MAATEWOOSI 25:41 - Qullaawa Maxaafa

⁴¹ «Hakkunni gedensaanni guraanni noorirano, ‹Ki'ne rumantinoonniri! Anewiinni xeertidhe! Sheexaanehonna sokkaanosira qixxeessinoonnitewa hegere giirawa hadhe!

MAATEWOOSI 25:41 ပူးပေါင်းရင်းမြစ်များ

FAARSO 119:115

Ani Magani'ya hajajo agadhammora hasi'reemmona, ki'ne cubbaataammu anewiinni faffe.

FAARSO 119:21

Hajajokki wonshitannokki boonaleeyye, ati rufoottoreetinna rumoottoreeti.

FAARSO 139:19

Magano'ya ballo, bushuulle hunattora hiitto halchoommo! Haxawarrootu muli'yanni faffoommero hiitto baxeemmo!

FAARSO 6:8

Kaaliiqi wi'la'ya macciishshinoena, ki'ne bunshe assitinanniri baalu, anewiinni faffe!

ISAYAASI 66:24

Fulte hadhanno woyite anera hajajama gibbe reyitinori reeshsha la'anno. Hakkore ittanno da'muulla direyitanno; ittannonsa giirano dixo'anno; laihu baalu shagaggi'rannonsa» yii.

ERMIYAASI 17:5

Kaaliiqi, «Ane agure manna irki'rannohunna, mannu wolqa hexxannohu rumaminoho.

MAATEWOOSI 13:40

Santaata gamba assine giirranninte gede, alamete goofimarchirano hatto assinanni.

MAATEWOOSI 13:42

Goolu giira giddo tungeenna hakkiicho wi'litanni suumensa ittanno.

MAATEWOOSI 13:50

Cubbaataamma goolu giira giddo tuggeenna hakkiicho wi'litanni suumensa ittanno» yii.

MAATEWOOSI 18:8

Kunnira, angakki woy lekkakki cubboho massitannoheha ikkiro murte huni! Lame anga woy lame lekka heedheennahe xo'annokkitera hegere giirara tugamattonkunni, mitte angaha woy mitte lekkaha ikkite hegere heeshshowa ea woyyitannohe.

MAATEWOOSI 25:42

Hudi'reenna di"itissinoonnie; goo'reenna dihayikkissinoonnie;

MAATEWOOSI 25:46

«Kunni daafira, ki'ne hegere qorrichiwa, keeraano kayinni hegere heeshshowa hadhanno» yiinsa.

MAATEWOOSI 3:12

Isi woowansinanni woowancho anga haa're no. Hatte woowanchonni ayiddummesi co'o asse fee, qamade gamba asse qaldaho woranno. Kura kayinni xo'annokki giirara tuganno» yiinsa.

MAATEWOOSI 4:10

Hatte yannara Yesuusi, «‹Mootichu Maganikkira kumbuuli; iso calla magansi'ri!› yine borreessinoonnina, ati Sheexaanu anewiinni fafi!» yiisi.

MAATEWOOSI 5:22

Ani yeemmo'neti kayinni: rodiisira hanqanno baalira yoo yinanni. Qoleno rodoosi, ‹Tidhoottori nookkihu› yee xonannohu baalu songote albira shiqeenna aanasi yoo yinanni. ‹Mullu gowwi› yee xonannohano gaannaamete giira agartannosi.

MAATEWOOSI 7:23

Hatte yannara ani kayinni, ‹Horonta diegennoommo'ne; ki'ne bunshe assitinanniri, anewiinni faffe!› yeemmonsa» yii.

LUQAASI 13:27

«Isi daware, ‹Maminni dagginoonniro diegennoommo'nena, ki'ne bunshe loossinoonniri baalu anewiinni faffe!› yaanno'ne» yiinsa.

LUQAASI 16:24

Qoonqosi naggi asse, ‹Anna'ya Abirihaami! Eeggatena mararie; konniicho giirate buwani giddo fooggalanni noommona, qubbichisinni waa kise arrawo'ya qiissannoe gede Aliaazaari soyie› yiisi.

YOHAANNISI 8:44

Ki'ne anni'ne Daawuloosi oosooti. Anni'ne hedinore wonshitinara hasidhinanni. Isi bi're hundanni manna shiinoho. Halaalu isiwa hoongohura, halaalu ledo horonta xaadu dinosi. Isi kaphaanchonna kaphu anna ikkinohura, kapho coyi'ranno woyite rosinorella assanno.

LAYINKI TESELONQE 1:7

Xa qarra adhitinannirira ninke ledo fooliishsho aanno'ne. Hatto assannohu, Mootichu Yesuusi wolqaataame sokkaasinesi ledo wala yitanno giiranni gordunni daanno warooti.

LAYINKI TESELONQE 1:9

Insa Mootichu albinninna wolqaataamu ayirrinyisiwiinni baxxite, hegere qoricha adhitanno.

IBIRAAWOOTA 6:8

Utanna kokko'le fushshituro kayinni, mittoreno dikaa'litanno; rumamateno gamba yitanno. Goofimarchiseno giiramate.

LAYINKI PHEEXIROOSI 2:4

Maganu cubbo loossino sokkaasine nafa mararikkinni tunsichu qile giddo heedhe yoote barra agadhitanno gede, gaannaamete tuginonsa.

UMI YOHAANNISI 3:10

Maganu oosonna Daawuloosi ooso bande anfannihu kunninniiti; keeraanchimma assannokkihunna rodoosi baxannokkihu baalu Maganu ila di"ikkino.