MAATEWOOSI 25:34 - Qullaawa Maxaafa

³⁴ «Hatte yannara Moote qiniitesiinni noore, ‹Ki'ne Anni'ya maassi'rino'neri! Amme! Alame kalaqantuhunni kayise qixxaawino'neha Gordu Gashshoote ragidhe!

MAATEWOOSI 25:34 ပူးပေါင်းရင်းမြစ်များ

FAARSO 2:6

«Tsiyooni Ilaali qullaawu aana moote'yano moohisi'roommo» yii.

LAWISHSHA 11:17

Wolootaho shaqqa meessanaa kaa'litanno; mararro hooga kayinni anna umosi gawajjitanno.

ISAYAASI 33:22

Coyenke afannohu Kaaliiqaati; gallanni seera kulannonkehu mootenke isooti; gatisannonkehuno isooti.

ISAYAASI 6:5

Anino, «Suume battaabbinoehu suume battaawino manni ledo hee're Moote Olantote Mooticha Kaaliiqa ille'yanni afoommona baoommo! Ane hunsha!» yoommo.

ISAYAASI 9:7

Wolqasira gawalo dino; gashshootisira hegere keeri wo'mino. Isino Daawiti mootimma amade, taashshe halaalunni gashshanno. Olantote Mootichi Kaaliiqi laala, konne coye assitanno.

DAANIEELI 9:25

Konne coye wodana assi. Yerusaalame gatamarrara hajajo fultuhunni kayise, Buuraminohu daa geeshsha 7 hige 7 dirinna 7 hige 62 diri sa"anno. Yerusaalameno gatamarranni; doogganna qiishose baala seekkinanni. Ikkollana kuni baalu qarru diro ikkanno.

SOFFOONIYAASI 3:15

Ki'ne aana abboommo qoricha aguroommo; diinna'neno hooloommo. Ani Israeelete moote Kaaliiqi, mereero'ne noommo daafira, kunni ka'a waajjishanno'nehu bushu coyino dihee'ranno» yii.

MAATEWOOSI 13:35

Hatto assinohu himanaanchu, «Coye'ya masalsanni xawiseemmo; alame kalaqantunkunni kayise go'linore coyi'reemmo» yee borreessinori wo'manno gedeeti.

MAATEWOOSI 19:29

Ane daafira yee minna woy labbaa roduuwa woy meyaa roduuwa woy ama woy anna woy ooso woy gate agurannohu baalu xibbe ero adhanno; hegere heeshshono afi'ranno.

MAATEWOOSI 20:23

Yesuusino, «Addanka ani adheemmo qarra adhitinanni. Ikkollana, manna qiniite'yaanninna gura'yaanni ofollanno gede asseemmohu ane di"ikkoommo. Konne darga uyinannihu Anni'ya qixxeessino manniraati» yii.

MAATEWOOSI 21:5

«Tsiyooni Katamira, ‹Kuneeti Mootekki jooge, harrichonna ilmatticho gulufe, atewa daanno› yitine kullese!» yee borreessino himani wo'manno gedeeti.

MAATEWOOSI 25:21

Mootichisino, ‹Dancha assootto! Ati ammanamoottohonna dancha soqqamaanchooti. Shiimurira ammanamoottona, loworira shoomeemmohe. Amo Mootichikki hagiirre gutami!› yiisi.

MAATEWOOSI 25:23

«Mootichisino, ‹Danchaho! Ati ammanamoottohonna dancha soqqamaanchooti. Shiimurira ammanamoottona, loworira shoomeemmohe. Amo Mootichikki hagiirre gutami!› yiisi.

MAATEWOOSI 25:40

«Mooteno, ‹Halaale kuleemmo'nena, kuri maa'nuullu roduuwi'ya giddonni mittoho nafa assitinoonnihu baalu anera assitinoonniho yaate› yee qolinsa.

MAATEWOOSI 25:41

«Hakkunni gedensaanni guraanni noorirano, ‹Ki'ne rumantinoonniri! Anewiinni xeertidhe! Sheexaanehonna sokkaanosira qixxeessinoonnitewa hegere giirawa hadhe!

MAATEWOOSI 27:37

Yesuusi sutaminohu mayiraatiro kultanno borro, «Kuni Yihudu Moote Yesuusaati» yite borreessite umosiinni wortu.

MAATEWOOSI 3:2

Himanaanchu Isayaasi, «Kuneeti gordu Gashshooti gambisinona, cubbo'ne aagintaabbe!

MAATEWOOSI 5:19

Tenne hajajo giddonni mitte hooffayidita diigannohunna woleno hunanno gede rosiisannohu baalu, gordu Gashshootira hooffayidiha ikkanno. Hajajo baalanta wonshannohunna wolu mannino wonshanno gede rosiisannohu kayinni, gordu Gashshootira roore ikkanno.

MAARQOOSI 10:17

Yesuusi hakkiinni fule wolewa ha'ranna mittu manchi dodanni daye, albasiinni guluphe, «Dancha Rosiisaancho, hegere heeshsho afi'rammora ma asso?» yee xa'mi'ri.

MAARQOOSI 10:40

Ikkollana, qiniite'yaanninna gura'yaanni ofolla qixxaabbinorite ikkinnina ofoshshiisheemmohu ane di"ikkoommo. Hatto assannohu Maganoho; hakko ofoshshiishannonsarino qixxaabbinoreeti» yii.

LUQAASI 11:28

Yesuusi qole, «Maassantinori Maganu qaale macciishshite hajajantannoreeti» yii.

LUQAASI 11:50

Kalqe kalaqantuhunni kayise himanaanote mundee du'nantinohura,

LUQAASI 12:32

«Ki'ne shiima hoshsha, Anni'ne gashshootesi aa'nera hasi'rinona waajjitinoonte.

LUQAASI 19:38

«Mootichu su'minni daanno moote maassaminoho. Keeru gordo, ayirrinyu aliidi gordo iillo!» yitu.

YOHAANNISI 1:49

Hatto yiita Naatinaeeli, «Rosiisaancho'ya, ati Maganu Beettooti! Ati Israeelete Mooteeti!» yii.

YOHAANNISI 12:13

Kunnira saattu daro haa're Yesuusa haa'rara fule, «Galata Maganoho; Mootichu su'minni daannohu Israeelete Moote maassaminoho» yaanni qeexaa'li.

YOHAANNISI 17:24

«Anna'ya, tini gobba kalaqantukkinni baxoottoe daafira, kuri ayirrinye'ya la'ara oottoeri ani noommowa ledo'ya heedhara hasi'reemmo.

YOHAANNISI 19:15

Insano, «Hoolinke! Hoolinke! Sutte aguri!» yitanni cancitu. Philaaxoosino, «Moote'ne sutoni?» yiinsa. Qeesootu roorrootino, «Qeesaari agurranna wolu moote dinonke» yite qoltu.

SOQQAMAASINETE LOOSO 15:18

Konne coye bi're hundanni kuloommohu, ani Maganu, togo yoommo› yiino.

SOQQAMAASINETE LOOSO 3:26

Maganu Soqqamaanchosi doore soyinohu balaxe ki'neraati. Hatto assinohu mittu mittunku bunshete doogonni higgineenna maassi'ra'neraati» yii.

ROOMU SOKKA 8:17

Maganu ooso ikkinummoro, Maganu ragi'raasineeti; Kiristoosi ledo ragi'neemmoreeti. Kiristoosi qarra beeqqinummoro, gedensaanni ayirrinyesi beeqqineemmo.

UMI QORONTOOSI 15:50

Roduuwa'ya, ani kuleemmo'neti, maalunna mundee Maganu Gashshoote diragidhanno. Reyannohu reyannokkiha diragi'ranno.

UMI QORONTOOSI 2:9

Ikkollana, «Ille la'inokkiha, macca macciishshitinokkiha, mannu wodani hedinokkiha, Maganu baxxannosirira qixxeessino» yine borreessinoonni.

UMI QORONTOOSI 6:9

Haxawarrootu Maganu Gashshoote e'annokkita diaffinoonni? Sodhinoonte! Saalimalootu woy kaphu maganna magansidhannori woy foortannori woy labbaahu ledo akkimaltannori woy

GALATIYU SOKKA 5:21

dhiibbete, manna shaate, dimbate, sirbatenna woluno kore lawannoho. Balaxe kulummo'nente gede xaano lede yeemmo'nena, hattoo coye assitannori Maganu gashshoote diragidhanno.

EFESOONI SOKKA 5:5

Foorannohu, woy saalsiisanno coye assannohu, woy hafuuraamu (hattoo manchi kaphu magano magansi'ranno), Kiristoosinna Maganu Gashshootira dargu hee'rannosikkita affe.

UMI TESELONQE 2:12

Wo'manka woyite jawaachinshanni'nenna sheshifachinshanni'ne, gashshootesinna ayirrinyesi beeqqitinara woshshino'ne Magani hagiidhanno garinni heedhinanni gede xixxiimbeemmo'neta egentinoonni.

LAYINKI XIMOOTEWOOSI 2:12

Cincine hee'nummoro, isi ledo moonkeemmo. Badhe wodhinummosiro kayinni, isino badhe wodhannonke.

LAYINKI XIMOOTEWOOSI 4:8

Xaate kunni ka'a, keeraanchimmate ba'latto agarte nooe; tenne ba'latto halaalaancho yoo yaanno Mootichi hakko barra aannoe. Aannohuno ane callaho ikkikkinni, isi daa baxxannorira baalahooti.

IBIRAAWOOTA 1:14

Sokkaasine maatiyya? Maganoho soqqantannorenna gato ragidhannore kaa'late Maganu soyino ayyaanna di"ikkitino?

IBIRAAWOOTA 11:16

Xa kayinni roore gordoho noo gobba halchitanno. Kunnira Maganu katama qixxeessinonsa daafira, «Maganonke» yite woshshidhannosita difokkanno.

IBIRAAWOOTA 4:3

Maganu loosi kalqe kalaqi yannanni kayise loosame goofinoha ikkiro nafa, isi, «‹Ani eemmonsata fooliishshote gobba horontanni die'anno› yee hanqi'yanni xaaroommo» yiino. Ninke amma'ninoommori kayinni, Maganu aannonketa fooliishshote gobba e'neemmo.

IBIRAAWOOTA 9:26

Hatto ikkoommero, alame kalaqantunkunni kayise batinye hige qarra adha hasiisse hoogginosi. Xa kayinni yannate goofimarchira cubbo hunate isonoo kakkalo asse layinkita lendannikki garinni leellino.

YAIQOOBI 2:5

Baxantinoonni roduuwa'ya! Macciishshe, Maganu ammanatenni dureeyye ikkitanno gedenna iso baxxannorira uyinonsa hexxo garinni gashshoote ragidhanno gede, tenne gobba buxane didoorino?

UMI PHEEXIROOSI 1:9

Ammana'nenni agadhitinannita lubbo'ne gatono afidhinanni.

UMI PHEEXIROOSI 3:9

Maassidhe ikkinnina, bunshe bunshetenni, xonono xonotenni qoltinoonte. Ki'ne woshshinoonni'nehu hakko garinni maasso ragidhinaraati.

YOHAANNIS AJUUJA 13:8

Kalqe kalaqantara albaanni, gorramino Ge'rechi maxaafi heeshshonnihu giddo su'mansa borreessinoonnikkiri, baattote aana heedhannori baalu moyicho magansidhanno.

YOHAANNIS AJUUJA 17:8

Laitto moyichi bashshonni nooho; xa kayinni dino. Gedensaanni diimete giddonni fule baosi dargira ha'ranno. Kalqe kalaqantara albaanni su'mansa heeshshote maxaafi giddo borreessinoonnikkiri baattote aana heedhannori, moyichu bashsho nooha, xa kayinni nookkiha, gedensaanni qole daannoha ikkinota affanno woyite maala'litanno.

YOHAANNIS AJUUJA 19:16

Uddanosinna giwoodisi aana, «Mootoollate Mootenna Mootoollete Mootichi» yinanni su'mi borreessame no.

YOHAANNIS AJUUJA 21:7

Qeelannohu konne baala ragi'ranno; ani Maganosi ikkeemmo; isino beetto'ya ikkanno.

YOHAANNIS AJUUJA 5:10

Maganinkera soqqantanno gede, qeesootu gashshoote assoottona; gobbano gashshitanno» yitanni tenne haaro faarso faarsitu.