MAATEWOOSI 24:39 - Qullaawa Maxaafa

³⁹ Baote wayi daye baalanka fee haa're ha'ra geeshsha diaffino. Manchi Beetti daanno yannano hattoota ikkitanno.

MAATEWOOSI 24:39 ပူးပေါင်းရင်းမြစ်များ

KALAQAMA 7:23

Baattote aana noohu lubbo afi'rinohu baalu mannunni kayise saadate geeshsha, godowunni ha'rannori baalu ceate geeshsha co'o yee goofi. Nohinna ledosi markaawete giddo noori callu gattu.

LAWISHSHA 23:35

«Gannoonnieha ikkanno; kayinnilla diqaageemmo. Awwaaltinoeha ikkanno; kayinnilla leellinoeri dino. Kunnira kae agatto hasi'ro ikka?» yaatto.

LAWISHSHA 24:12

«Ani diafoommo» yiittoro, wodana la"anno Magani diafanno? La"anni noohehu diegennino? Mannaho loosisi garinni aannohu di"isooti?

LAWISHSHA 29:7

Keeraanchu manchi buxanete daafira coyi'ramanno; bushu manchi kayinni hattoore diegennino.

ISAYAASI 42:25

Kunnira Waajjishanno ola soye, buwannoha hanqosi aananke dirrisino. Hanqisi giira doyissite noonke; ninke kayinni dihuwantoommo; diinowodanchinoommo.

MAATEWOOSI 16:27

Manchi Beetti Annisi ayirrinyinni sokkaasinesi ledo daanno woyite, mittu mittunkura loosisi garinni aanno.

MAATEWOOSI 24:3

Yesuusi Ejedhete Ilaali aana ofolle hee'reenna rosaanosi calluwinsa isiwa shiqqi yite, «Kuni coyi ikkannohu mamarooti? Ate daaranna diru goofimarchira malaatu maati?» yite xa'mitusi.

MAATEWOOSI 24:30

«Hakkunni gedensaanni Manchi Beettihu daasi malaati gordoho leellanno. Hatte yannara gobbate aana noo manni baalu wi'lanno. Manchi Beettino wolqatenninna lowo ayirrinyinni gomichu aana daanna la"anno.

MAATEWOOSI 24:37

Nohi yannara ikkinte gede, Manchi Beetti daanno yannano hattoota ikkitanno.

MAATEWOOSI 24:40

Hatte yannara lamu manni mitteenni gate looso loosidhanno. Mitto haa'neenna mittu hakko gatanno.

LUQAASI 19:44

Atenna giddokki noota oosokki tugge cancantanno; Maganu towatahera dayi yanna diafoottana, diiggukkinni mitto kinchono diagurtanno» yii.

YOHAANNISI 3:20

Busha looso loosannohu baalu xawaabba giwanno. Bushu loosisi leellannota afe, xawaabbunniwa didaanno.

SOQQAMAASINETE LOOSO 13:41

‹Ki'ne qacifataasine, la'e; maala'le! Ba'e! Ayino coyi'reenna ammantinannikki coye yanna'nera looseemmo› yine himanaanote widoonni kulloonni coyi daanno'nekki gede agadhe» yii.

ROOMU SOKKA 1:28

Mannu Magano afate hasi'rinokki daafira, saalsiisanno coye assanno gede, tidhitinokki hedo giddo facci asse agurinsa.

LAYINKI PHEEXIROOSI 3:5

Kuni manni lowo yannara albaanni gordu Maganu qaalinni kalaqaminotanna baattono wayinni xaadde wayi mereero noota affanni heedhenni, afinokkihu gede ikkitanno.

EJJEETTO 20:34

Hakkunni gedensaanni, Israeelete giddonni xinqisiisante fultinori 10,000 olanto Gibia qassu. Oluno wolqisi. Biiniyaamootu kayinni goofo iillitanni noonsata diaffino.