MAATEWOOSI 24:30 - Qullaawa Maxaafa

³⁰ «Hakkunni gedensaanni Manchi Beettihu daasi malaati gordoho leellanno. Hatte yannara gobbate aana noo manni baalu wi'lanno. Manchi Beettino wolqatenninna lowo ayirrinyinni gomichu aana daanna la"anno.

MAATEWOOSI 24:30 ပူးပေါင်းရင်းမြစ်များ

DAANIEELI 7:13

Hashsha ajuujatenni mannu ila lawannohu gomichunni dukkisame daanna afoommo. Isono hegerera hee'rannohuwa haa'ne abbini.

ZAKKAARIYAASI 12:10

«Daawiti sirchiranna gattinorira Yerusaalamete mannira mararrotenna huuccattote wodana qoleemmonsa; kunnira, qassinoha illetenni la'e, afi'rino mitto shii'rino manchi gede ikkite wi'litannosi; bayiru beetti reyinosi manchi gede hururante wi'litannosi.

ZAKKAARIYAASI 12:11

Hatte yannara, Yerusaalamete macciishshinanni wi'la Megido Xawira Hadaadiremoonira wi'lini wi'la gedeeta ikkitanno.

MAATEWOOSI 24:3

Yesuusi Ejedhete Ilaali aana ofolle hee'reenna rosaanosi calluwinsa isiwa shiqqi yite, «Kuni coyi ikkannohu mamarooti? Ate daaranna diru goofimarchira malaatu maati?» yite xa'mitusi.

MAATEWOOSI 24:37

Nohi yannara ikkinte gede, Manchi Beetti daanno yannano hattoota ikkitanno.

MAATEWOOSI 24:39

Baote wayi daye baalanka fee haa're ha'ra geeshsha diaffino. Manchi Beetti daanno yannano hattoota ikkitanno.

MAATEWOOSI 26:64

Yesuusino, «Ati yiitto gedeeti. Ikkollana kunni ka'a Manchi Beetti Wo'manka Dandaanno Maganira qiniiteenni ofollinoha affinanni; hattono gordu gomichinni dukkisame daanna la'inanni» yiinsa.

MAARQOOSI 13:26

Hakkunni gedensaanni, mannu Manchi Beetti gomichu giddo hee're, lowo wolqanninna ayirrinyunni daanna la"anno.

MAARQOOSI 13:4

«Kuni coyi ikkannohu mamarooti? Kuni baalunku coyi ikkara malaatu maatiro kulinke» yite xa'mitusi.

LUQAASI 21:27

Hakkunni gedensaanni Manchi Beetti, lowo wolqanninna ayirrinyunni gomichu giddo daanna mannu la"annosi.

LUQAASI 22:69

Xaanni kayise kayinni Manchi Beetti wolqaataamu Magani qiniiteenni ofollanno» yiinsa.

SOQQAMAASINETE LOOSO 1:11

«Ki'ne Galiilu manna, iima higgine la'inanni kawiicho mayira uurritinoonni? Iima hige ha'ranna la'ini Yesuusi, iima hige ha'ranna la'ini garinni galagale daanno» yitunsa.

LAYINKI TESELONQE 1:7

Xa qarra adhitinannirira ninke ledo fooliishsho aanno'ne. Hatto assannohu, Mootichu Yesuusi wolqaataame sokkaasinesi ledo wala yitanno giiranni gordunni daanno warooti.

YOHAANNIS AJUUJA 1:7

Kuneeti, gomichunni daanni no! Qassusiri nafa gattukkinni, mannu baalu ille la"annosi; baattote aana noo manni baaluno, iso lae hururame wi'lanno. Yinoonnirino ikkanno. Hamii'ni!

YOHAANNIS AJUUJA 12:1

Hakkunni gedensaanni jawunna dhaggete malaati gordu iima leelli: Arrishsho uddidhinoti, lekkatenni agana kaxxitinoti, 12 beeddahe ba'lattote gede umoho wodhitinoti mitte mancho leeltu.