MAATEWOOSI 24:24 - Qullaawa Maxaafa

²⁴ Kaphaano kiristoosootinna kaphaano himanaano dagganno. Insa dandiitoommero Maganoho doorantinore nafa so'risiissara lowo dhaggenna maalale leellishshanno.

MAATEWOOSI 24:24 ပူးပေါင်းရင်းမြစ်များ

ISAYAASI 9:15

Umoho yinanniri geerrahonna roorrootansaati; farroho yinannirino kapho rosiissanno himanaanooti.

MAATEWOOSI 22:14

Yesuusi lede, «Kunnira, woshshantinori batinyeho; dooraminohu kayinni shiima mannaati» yii.

MAATEWOOSI 24:11

Batinye kaphu himanaano ka'anno; lowo mannano so'risiissanno.

MAATEWOOSI 24:22

Hatte barruwa hara'ma hooggeemmero, mittu manchino gata didandaanno. Dooramino manni daafira yineenna hatte barruwa hara'mitanno.

MAATEWOOSI 24:25

Kune konne coye umo asse kuloommo'ne.

MAATEWOOSI 24:31

Xurumba lowo geeshsha luushshitanno sokkaasine soyanno; insano shoolenka raga hadhe, gordunna gobbate qaccenni Maganu doodhinore gamba assitanno» yii.

MAATEWOOSI 24:5

Lowo manni, ‹Ani Kiristoosaati› yaanni su'mi'yanni daanno. Lowo mannano so'risiisanno.

MAATEWOOSI 7:15

Yesuusi, «Kaphaano himanaanowiinni umo'ne agadhe! Insa ge'reewu lande uddidhe dogganno'ne; giddoyidonsa kayinni bibbiddanno hiyyeeyyeeti.

MAARQOOSI 13:22

Kaphaano Kiristoosootinna kaphaano himanaano dagganno. Insa dandiitoommero, doorantinore nafa so'risiissara dhaggenna maalale leellishshanno.

LUQAASI 18:7

Maganu hashsha barra Isiwa higge raartannorira roorse halaalu yoo diyaannonsa? Lashshi asse agureenna kaa'lo keeshshitannonsani?

YOHAANNISI 4:48

Yesuusi qole, «Ki'ne malaatenna maalale la'inikkinni diammanitinanni» yiisi.

YOHAANNISI 6:37

Anni'ya aannoehu baalu anewa daanno. Anewa daannoha horonta fushshe dihuneemmo.

YOHAANNISI 6:39

Soyinoehu hedono, uyinoeha mittono hunummokkinni goofimarchu barra reyotenni kayiseemmo gedeeti.

SOQQAMAASINETE LOOSO 20:16

Phaawuloosi Issiyaho yanna huna giwe, sae Efesooni ha'rara hasi'ri. Tenne hedinohu, Phenxeqosxete Ayyaana Yerusaalamete ayirrisara halcheeti.

ROOMU SOKKA 12:18

Dandiitiniha ikkiro, ki'ne widiidita mannu baalu ledo keere heedhe.

GALATIYU SOKKA 4:15

Kunni albaanni noo'ne hagiirri baalu hiikka higi? Dandiitinoommero, noo'nere baala woy ille'ne nafa fushshitine aate marartinannikkire ikkitinoonnita farci'reemmo.

MARRO 13:1

«Himanaanchu woy haaqii'raanchu mereeri'nenni kae, malaate woy dhagge asseemmo yii'nero,

LAYINKI XIMOOTEWOOSI 2:19

Ikkollana, «Mootichu isire ikkitinore afino» qoleno, «Mootichu su'ma ganannohu baalu bunshetewiinni xooqo» yitannoti shashshafantannokkiti Maganu safo sigiigge heedhanno.

UMI PHEEXIROOSI 1:5

Ki'neno goofimarchu barra xawo fultara noo gato adhitinanni gede, ammanate widoonni Maganu wolqanni agarantinoonni.

LAYINKI PHEEXIROOSI 3:17

Jaalla'ya! Ki'ne kayinni konne coye balaxxine affinoonni daafira, haxawarrootu so'ronni goshooshantine murte'newiinni ba'inannikki gede qorophe!

UMI YOHAANNISI 2:18

Shiimmaadda ooso! Tini goofimarchu yannaati; Kiristoosi qoxxisaanchi daannota macciishshitinoonni. Kune xa nafa iso qoxxissannori ka'e no; kunninni goofimarchu yanna ikkitinota anfeemmo.

UMI YOHAANNISI 2:22

Yesuusi Buuramino Moote ikkinota ammana giwannoha agurranna, kaphaanchu wolu nooni? Magano Annanna Beetto ammanannokkihu hakku, Kiristoosi qoxxisaanchooti.

UMI YOHAANNISI 5:18

Maganu ila ikkinohu baalu cubbo diloosanno; Maganu Beetti agarannosi daafira, bushuno digawajjannosi.

YOHAANNIS AJUUJA 19:20

Ikkollana moyichu amadami; isi albaanni malaatta loosanni noohu kaphaanchu himanaanchino amadami. Isi moyichu malaati noonsarenna isi misile magansidhanni noore malaatta loosanni so'risiisanni no. Insa lamenka ruqanunnihura giirate baarira lubbotenni heedheennanni tungi.