MAATEWOOSI 24:14 - Qullaawa Maxaafa

¹⁴ Gosa baalate naqaashshe ikkanno gede kuni Maganu Gashshootihu Danchu Duduwi gobba baalate kulamanno; hatte yannara goofimarchu daanno» yee qolinsa.

MAATEWOOSI 24:14 ပူးပေါင်းရင်းမြစ်များ

HIZIQEELI 7:10

«Israeelete aana baote barri daa rahino; barshu, haxawarrimmanna boo'na gobba wo'mitino.

MAATEWOOSI 10:7

Hadhine, ‹Gordu Gashshooti gamba yiino› yitine kulle.

MAATEWOOSI 18:19

Qoleno kuleemmo'nehu, ki'ne giddonni lamu uullate aana ayereno sumuu yitine huuccidhiniro, gordoho hee'rannohu Anni'ya wonshanno'ne.

MAATEWOOSI 24:3

Yesuusi Ejedhete Ilaali aana ofolle hee'reenna rosaanosi calluwinsa isiwa shiqqi yite, «Kuni coyi ikkannohu mamarooti? Ate daaranna diru goofimarchira malaatu maati?» yite xa'mitusi.

MAATEWOOSI 24:6

Olu luulonna olu duduwo macciishshitinanni; kuni ikkikkinni gatannokkihona massinoonte. Goofimarchu kayinni albillittete.

MAATEWOOSI 4:23

Yesuusi Ayihudete xaadi mine rosiisanninna gordu Gashshootiha Dancha Duduwo kulanni, addi addi dhibbinni amadamino manna hursanni Galiilu gobba baala tuqi.

MAATEWOOSI 9:35

Yesuusi xaadu minna giddo rosiisanni, gordu Gashshootiha Dancha Duduwo kulinsa. Addi addi dani dhibbinni amadamino mannano hursanni, katammatenna qachuwa baalate ha'rami.

MAARQOOSI 13:10

Kuni baalu ikkara albaanni Danchu Duduwi gosa baalate kulama hasiissanno.

LUQAASI 2:1

Hatte yannara Roomu gashshooti giddo noo manna baala kiirranni gede Jawu Moote Awugisxoosi hajajo fushshi.

LUQAASI 24:47

Su'misinni aagintaambannitanna cubbu maaro afi'nannita, Yerusaalametenni kayinse gobba baalate mannira kullannita coyi'noonni.

LUQAASI 4:5

Hakkunni gedensaanni, Sheexaanu Yesuusa gotti yiino darga masse gobbate gashshoote baala shiima yanna giddo leellishisi.

SOQQAMAASINETE LOOSO 1:2

gordo fuli barri geeshsha nooreeti. Gordo fulinohu, doodhinonsa soqqamaasinera Qullaawu Ayyaaninni hajajo uyinsahu gedensaanniiti.

SOQQAMAASINETE LOOSO 11:28

Insa giddonni mittu Agaboosi yinanni manchi Qullaawu Ayyaaninni gobbate aana wolqaataame hude ubbanno yaanni kae, gobba baalate coyi'ri. (Kuni ikkinohu Roomu Moote Qelawudewoosi yannaraati.)

SOQQAMAASINETE LOOSO 17:31

Isi doodhino manchi widoonni qole manna baalaho halaalu yoo yaanno barra hirqino. Konne coye manna baalaho egensiisinohu, isi doodhinoha reyotenni kayiseeti» yii.

SOQQAMAASINETE LOOSO 17:6

Insa hoogguti kayinni, Iyasooninna wole roduuwa amadde goshooshshanni katamu gashshaanowa massite, «Gobba baala huntinori xa kuneeti kawa daggino.

SOQQAMAASINETE LOOSO 19:27

Kunni garinni ninke looso calla ikkikkinni Issiyahonna gobba baalate egennaminohu Arxemiisi galmi mullare ikke gataraati; Arxemiisi ayirrinyino ba"araati» yii.

SOQQAMAASINETE LOOSO 20:25

«Xaa geeshsha ki'ne mereero Maganu gashshootire kulanni keeshshoommo. Kunni ka'a kayinni ki'ne giddonni mittuno afannoekkita afoommo.

ROOMU SOKKA 10:18

Ani mitto coye xa'meemmona, insa dimacciishshitino? Macciishshitinowe! «Qoonqonsa gobba baalate leeltu; sokkansa gobbate qacce geeshsha iillitu» yinoonni.

QOLASIYAASI SOKKA 1:23

Kuni ikkannohu, xintantinenna sigiiggine, Danchu Duduwinni daggino hexxowiinni miliqqi yitinikinni ammanatenni kaajjitine heedhinirootilla. Kuni Danchu Duduwi, ki'ne macciishshitinoonnihonna kalqe baalate kulloonniho. Ani Phaawuloosino soqqamaancho ikkoommohu kunni Danchu Duduwiraati.

QOLASIYAASI SOKKA 1:6

Ki'ne Dancha Duduwo macciishshitinihunna Maganu elto halaale ikkitinota huwattinihunni kayise giddo'ne hee'rinte gede, kuni Danchu Duduwi alame baalateno guma laalanninna lophanni no.

IBIRAAWOOTA 1:6

Maganu bayira Beettosi tenne gobba soyara kai yannara, Maganu sokkaasine baala magansidhannosi gede hajajino.

IBIRAAWOOTA 2:5

Maganu albillitte daggara noo gobbara sokkaasine mookkanno gede diassino.

YOHAANNIS AJUUJA 14:6

Hakkunni gedensaanni baattote aana noo gosara, ga'retenna addi addi afiinni coyi'ranno manni baalaho lallawate hegereti Danchu Duduwi sokka noosiha wole sokkaasincho gordu mereero buuwanna afummo.

YOHAANNIS AJUUJA 16:14

Insa maalale loossanno ayyaanna durriisunnite. Kuri sasunku battete ayyaanna Wo'manka Dandaanno Maganihura bati'ru barri olira gosa baalate mootoolla gamba assate hadhanno.

YOHAANNIS AJUUJA 3:10

Cincatto gede kuloommohe coye agadhootto daafira, anino tenne baatto aana noo manna baala jifate kalqe baalate aana daara noohu qarru barrinni gatiseemmohe.