MAATEWOOSI 23:8 - Qullaawa Maxaafa

⁸ Ki'ne kayinni rosiisaanchi'ne mitto calla ikkinohuranna ki'neno roduuwa ikkitinoonni daafira, ‹Rosiisaancho› yine woshshinoonke'ne.

MAATEWOOSI 23:8 ပူးပေါင်းရင်းမြစ်များ

MAATEWOOSI 10:25

Kunni daafira, rosaanchu rosiisaanchisi gedeeha, soqqamaanchuno biilisi gedeeha ikkiro ikkannosi. Minu anna, ‹Be"eeli Zebuuli› yituro, ayiddesi hiitto hakkiinni roore yaa hoogganno!» yii.

MAATEWOOSI 17:5

Pheexiroosi hatto yee coyi'ranni hee'reenna, xawanno gomichi daye golinsa; gomichu giddonni, «Hagiirsiisannoehu, baxeemmohu Beetti'ya konneeti; isi yaannota macciishshe!» yitanno huuro daggu.

MAATEWOOSI 23:10

Rosiisaanchi'ne Kiristoosa calla ikkino daafira, ‹Rosiisaancho› yine woshshinoonke'ne.

MAATEWOOSI 23:7

Gudumaaleho mannu baalu keere haa'ransaranna, ‹Rosiisaancho› yee woshshansara hasidhanno.

MAATEWOOSI 26:25

Sayise aannohu Yihudi, «Rosiisaancho'ya, aneetini?» yii. Yesuusino, «Atinni yootto» yiisi.

MAATEWOOSI 26:49

Yihudi hakkawoyintenni Yesuusiwa daye, «Rosiisaancho'ya, keereho?» yee sunqisi.

MAARQOOSI 10:51

Yesuusi, «Ma assammohera hasi'ratto?» yee xa'misi. Illiweeluno, «Rosiisaancho'ya, la"ammora hasi'reemmo» yii.

MAARQOOSI 11:21

Pheexiroosi be'ro coye qaage Yesuusa, «Rosiisaancho, kune rumitto balase mooltino» yii.

MAARQOOSI 14:45

Yihudi Yesuusiwa daanni hee'renni, «Rosiisaancho'ya» yee sunqisi.

MAARQOOSI 9:5

Hakka woyite Pheexiroosi Yesuusa, «Rosiisaancho'ya, ninkera konniicho hee'ra danchate. Kunnira, sase daase, mitto atera, mitto Musera, mitto Eeliyaasira qansoni?» yii.

LUQAASI 22:32

Ikkollana ammanakki ba'annokki gede ate daafira huucceemmo. Galagalte daatto woyite roduuwakki kaajjishi!» yii.

YOHAANNISI 1:38

Yesuusino caaqqi yee lae hoodesi noota afe, «Ma hasidhinanni?» yee xa'minsa. Insa qolte, «Rabii, ati hiikko hee'ratto?» yitu.

YOHAANNISI 1:49

Hatto yiita Naatinaeeli, «Rosiisaancho'ya, ati Maganu Beettooti! Ati Israeelete Mooteeti!» yii.

YOHAANNISI 11:8

Rosaanosino, «Rosiisaancho, tenne mule Ayihudootu ate kinnatenni gantahera hasidhino. Xaa galagalte hakkiira ha'ratto?» yitu.

YOHAANNISI 20:16

Yesuusino, «Maariyaami» yee woshshise. Iseno isi widira caaqqi yite Ibiraawootu afiinni, «Rabuuni» yitusi. Hatto yaa, «Rosiisaancho» yaate.

YOHAANNISI 3:2

Kuni manchi hashsha Yesuusiwa daye, «Rosiisaancho'ya, Maganu ledo hee'ra hoogiro tenne ati assatto maalale asse afannohu mittuno dino. Kunnira, ati Maganuwiinni dayotto rosiisaancho ikkoottota anfoommo» yii.

YOHAANNISI 3:26

Yohaannisi rosaano Yohaannisiwa marte, «Rosiisaancho, Yordaanoosira widoonni tenne ate ledo noohu ati isire farci'rittohu manna cuuanni no; mannu baaluno isiwa maranni no» yitu.

YOHAANNISI 4:31

Konne mereero rosaano Yesuusa, «Rosiisaancho, mitore afooho wodhi!» yitusi.

YOHAANNISI 6:25

Yesuusa baara widoonni affe, «Rosiisaancho, kawa mamoote dayitto?» yite xa'mitusi.

YOHAANNISI 9:2

Rosaanosi Yesuusa, «Rosiisaancho, kuni manchi illiweele ilaminohu ayi loosino cubbinniiti? Isinso iltinosiri loossino cubbooti?» yite xa'mitu.

LAYINKI QORONTOOSI 1:24

Kaajjitine uurritinoonnihu ammanatenni ikkinohura, hagiidhitinanni gede ledo'ne loonseemmo ikkinnina ammana'ne aana duha dilendeemmo'ne.

LAYINKI QORONTOOSI 4:5

Yesuusi Kiristoosi Mooticha ikkinota kulleemmo ikkinnina ninke umonke dikulleemmo. Yesuusira yine ninke ki'nera borojje ikkineemmo.

EFESOONI SOKKA 3:15

Gordohonna baattote aana hee'rannohu mittu mittunku mini manni halaalaancho su'ma afi'rannohu Maganuwiinniiti.

FILIMOONA 1:16

Kunni ka'a ate ledo borojjichu gede ikkikkinni, ayirradu rodii gede ikke hee'ranno. Isi anera ayirrado rodoo'yaati; ikkollana maalunni atera soqqamate kaa'lannohe daafiranna Ayyaanunni qole Kiristoosinni rodookki ikkino daafira, roorenka atera ayirrado rodoo ikkanno.

YAIQOOBI 3:1

Roduuwa'ya! Ninke rosiisaano ikkinoommorira roore yoo agartannonketa affinoonnina, ki'ne giddonni lowo manni rosiisaano ikkoonke.

UMI PHEEXIROOSI 5:3

Hoshshate dancha lawishsha ikke ikkinnina, eeggo uyinoonni'nere gadadissine wolqatenni gashshitinoonte.

YOHAANNIS AJUUJA 1:9

Ki'ne ledo Yesuusi qarra, gashshootesinna cincasi beeqqeemmohu ani rodii'ne Yohaannisi, Maganu qaaliranna Yesuusi naqaashshimma daafira Fiximo yinanni giddichora noommo.

YOHAANNIS AJUUJA 19:10

Ani sokkaasincho magansi'rammora lekkasira woroonni kumbuulummo. Isi kayinni, «Qorophi togo ikkitooti! Anino atenna Yesuusi uyino halaale amaddinori roduuwikki ledo soqqamaanchootina, Magano magansi'ri! Yesuusi xawisino halaali, himanaano jawaachishannoho» yiie.

YOHAANNIS AJUUJA 22:9

Sokkaanchu kayinni, «Qorophi! Togo ikkitooti! Anino atenna himanaano roduuwikki ledo, kunni maxaafi giddo noo qaale agadhitannori ledo soqqamaanchohona, Maganoho kumbuuli!» yiie.