MAATEWOOSI 23:37 - Qullaawa Maxaafa

³⁷ Yesuusi qole, «Yerusaalame, Yerusaalame! Ati himanaano shaattati! Atewa sonkoonnire kinnatenni awwaalattati! Lukkicho caacurrese qoolise giddo gamba assidhannonte gede, anino oosokki mitteenni gamba assammora me"e hige hede hoogummo! Ki'ne kayinni dihasidhinoonni.

MAATEWOOSI 23:37 ပူးပေါင်းရင်းမြစ်များ

NEHIMIYA 9:26

«Mannikki kayinni atera haxawarre, qaalikkira hajajama giwino; seerakkino macciishsha giwate badhe wodhino. Qorophisiisse atewa higganno gede kultinonsata himanaanokki shiino; yanna yannantenni ate su'ma xonsiisatenni dieemaramino.

FAARSO 17:8

Illete diikkichi gede assite agarie; qoolikki giddo maaxie.

FAARSO 36:7

Kaaliiqa'ya, bagamannokkihu baxillikki maala'linanniho; mannu baalunku qoolikki caalira fooliishshi'ranno.

FAARSO 57:1

Lubbo'ya ate addaxxitinona mararie; Magano ballo, mararie; qarru dambali sa"a geeshsha, qoolikki giddo maaxameemmo.

FAARSO 63:7

Ati wo'manka woyite kaa'loottoena, qoolikki caalira hee're faarseemmohe.

FAARSO 91:4

Qoolisinni golannohe; towatannohe daafira keere hee'ratto; halaalisi ha'lannohe; agarannohe.

ISAYAASI 5:4

Ani kunni dargira assoommokkiri nooni? Asseemmori gatinoni? Dancha guma laashshanno yee agadhe hee'reenna, qaraaranno guma mayira laashshieyya?

ISAYAASI 50:2

Dayummo woyite ki'ne dargaho mayira hooggini? Woshshummo yannara yee yaannohu mayira hoogi? Ani gatisa didandeemmoho? Gatisate wolqa dinoeni? Ani rufummoro baaru moolanno; ha'ranno waa moola baattora soorreemmo; qulxu'mu waa hooge ree bowanno gede asseemmo.

ERMIYAASI 2:30

Seejjantinannikkire ikkitinoonnihura, ani ki'ne qorichisha'ya haafaho. Himanaano'ne, hanqino doobbiichi gede ikkitine shitinoonni.

ERMIYAASI 26:23

Insano Ooriyo Gibitsetenni abbite moote Iyoaaqeemiwa massiteenna, shee doogote aana madaarranni gede assino.

ERMIYAASI 32:31

Kuni katami xintaminkunni kayise techo geeshsha giddosi hee'ranno manni hanqise aarsinoe daafira, katama hunate murci'roommo.

ERMIYAASI 35:15

Qoleno, ki'ne mittu mittunku busha doogo'nenni higgine dancha coye assitinanni gede, soqqamaano'ya himanaano marro marro hige soommo. Insano wole maganna hoode hadhine magansidhinannikki gede qorophisiissino'ne. Ki'neranna annuwa'nera oommo baattora heedhinanni gede kultino'ne. Ki'ne kayinni yoommo coye macciishshatenna haja assate dihasidhinoonni.

ERMIYAASI 36:26

Hakkunni gedensaanni, moote beettosi Yirahime"eeli, Azirieeli beetti Serayinna Abidieeli beetti Shelemiya ledo ane Ermiyaasinna borreessaancho'ya Baarooki amaddanno gede hajaji. Kaaliiqi kayinni affannonkekki gede assi.

ERMIYAASI 4:14

Yerusaalame, gata hasi'rittaro wodanikki giddonni bunshe huni; sao giddo wodhite mageeshshi geeshsha keeshshatta?

ERMIYAASI 44:4

Ani giweemmoha hakkonne busha coye assitinannikki gede kulta'nera soqqamaano'ya himanaano marro marro hige soommo'ne.

ERMIYAASI 6:8

Ki'ne Yerusaalamete manna, kuni qarri ki'nera qorophishiishsha ikko'ne; gibbiniro kayinni badhe wodheemmo'ne; katama'ne onche ayino hee'rannokkiha asseemmo» yii.

HOOSEI 11:2

Kayinnilla manna'ya Israeele, anewa gamba yaanno gede woshshummo deerrinni, roorenka anewiinni fafino. Ba"aalira kakkalo shiqishatenninna, misillasirano hixaana giira diagurtino.

HOOSEI 11:7

Manni'ya anewiinni fafate murici'rino daafira, kadamate qambara hogombeenna iima hige raaranno. Ikkeennano hakkonne qambara haxonsa aaninni kayise hoolansara ayino didandaanno.

HOOSEI 7:13

«Anewiinni faffe hadhino daafira, insara aanne'e! Anera mokkookkitinoehura bao daggannonsa. Wonara ani gatisammonsara hasi'roommo. Insa kayinni ane kaphunni magansidhinoe.

ZAKKAARIYAASI 1:4

Akaakka'ne ha'ruma hadhinoonte; insa albi himanaano, busha doogonsanninna bushu loosinsanni higganno gede qorophisiissinonsa; insa kayinni, qaale'ya dimacciishshitino; hajajo'yano diwonshitino.

MAATEWOOSI 22:3

Moote woshshinoonni manni jilaho daanno gede qaagiissitara soqqamaanosi insawa soyi. Mannu kayinni jilasi daa dihasi'rino.

MAATEWOOSI 22:6

Wolootu qolte soqqamaano gante shollishshe shitu.

MAATEWOOSI 23:30

‹Alba annuwanke yannara hee'noommoro, himanaanote mundee dunate insa ledo dikarsammeemmo› yitinanni.

MAATEWOOSI 23:31

Himanaano shituri ooso ikka'ne ki'ne umi'ne farcidhinoonni.

MAATEWOOSI 5:12

Gordu gashshootira lowo waaga afidhinanni daafira tashshi yoo'ne; hagiidhe. Ki'nera albiidi himanaanono hatto xiiwamanna qarra iillishshinonsa» yaanni rosiisa hanafi.

LUQAASI 15:28

«Bayiriidi beettino lowo geeshsha hanqe, minira ea giwi; annuno fule minira eanno gede huuccisi.

UMI TESELONQE 2:15

Ayihude, Mooticha Yesuusanna himanaano shite, ninkeno shorrite gobbatenni fushshitinonke. Insa Magano dadillissannoreetinna manna baala gibbannoreeti.

YOHAANNIS AJUUJA 17:6

Tini mancho qullaawu manni mundeenninna Yesuusi farci'raasine mundeenni dimbite noota afummo. Afummo yannara lowo geeshsha maala'lummo.

RUUTI 2:12

Assootta coyi baalunkura Kaaliiqi maassi'rohe; qoolisi giddo amadahera dayottahu Israeelete Magani Kaaliiqi ba'raa'ra oohe» yiise.