MAATEWOOSI 23:34 - Qullaawa Maxaafa

³⁴ Kuneeti ani himanaano, egennaammanna rosiisaano ki'newa soyemmo. Insa giddonni mito mito shitinanni; mito suttinanni; mito xaadu mini giddo gantinanni katamunni katama shorritinanni.

MAATEWOOSI 23:34 ပူးပေါင်းရင်းမြစ်များ

LAYINKI MOOTOOLLA 21:10

Kaaliiqi soqqamaanosi himanaanote widoonni qole,

LAYINKI DUDUWO 24:21

Insa kayinni isira gano gantu. Moote hajajeenna Zakkaariyaasi Qullaawu Mini nafara kinnatenni gante shitu.

LAWISHSHA 11:30

Keeraanchimma heeshsho uyitanno; haxawarrimma kayinni barra haransitanno.

ERMIYAASI 26:8

Kaaliiqi kulinoere baala coyi're gudanni hee'reennanni, «Ati shinanniho!

ERMIYAASI 36:26

Hakkunni gedensaanni, moote beettosi Yirahime"eeli, Azirieeli beetti Serayinna Abidieeli beetti Shelemiya ledo ane Ermiyaasinna borreessaancho'ya Baarooki amaddanno gede hajaji. Kaaliiqi kayinni affannonkekki gede assi.

MAATEWOOSI 10:23

Mittu katamira qarrissu'nero, wole katama xooqqe. Halaale kuleemmo'nena, Manchi Beetti galagale higa geeshsha Israeelete katamma baala dituqqinanni.

MAATEWOOSI 13:52

«Xa Gordu Gashshootire rosiinsoonnihu seeru rosiisaanchi baalu, miinju mininni haaronna akkala jajja haa're fushshanno mancho lawanno» yee qolinsa.

MAATEWOOSI 23:31

Himanaano shituri ooso ikka'ne ki'ne umi'ne farcidhinoonni.

LUQAASI 24:47

Su'misinni aagintaambannitanna cubbu maaro afi'nannita, Yerusaalametenni kayinse gobba baalate mannira kullannita coyi'noonni.

YOHAANNISI 16:2

Xaadu mininni fushshite huntanno'ne; shaanno'nehu baalu Maganoho soqqamannoha lawannositi yanna dagganno.

YOHAANNISI 20:21

Yesuusi xaano lede, «Keeru ki'ne ledo hee'ro. Anni'ya ane soyie gede, anino ki'ne soyemmo'ne» yiinsa.

SOQQAMAASINETE LOOSO 1:8

Ikkollana Qullaawu Ayyaani ki'ne aana dirranno yannara wolqa adhitinanni. Hakka woyite Yerusaalamete, Yihuda baalaho, Samaariyahonna gobbate qacce geeshsha naqaashshe'ya ikkitinanni» yiinsa.

SOQQAMAASINETE LOOSO 11:27

Hatte yannara mite mite himanaano, Yerusaalametenni Antsookiya hadhu.

SOQQAMAASINETE LOOSO 12:2

Yohaannisi rodoo Yaiqoobi bisetenni shiishiishi.

SOQQAMAASINETE LOOSO 13:1

Antsookiyaho noo beetekiristaanera himanaanote yinanni rosiisaanonna qaale kultannori no. Insano Barnabaasi, kolishshu yinanni Simiooni, Qereenichu Lukiyoosi, shoolki anga gashshinohu Heeroodisi ledo lophinohu Maanahenna Saawuli no.

SOQQAMAASINETE LOOSO 14:19

Ayihudootu kayinni Antsookiyunninna Iqooniyunni ka'e dagge manna kakkayisse, Phaawuloosi kinnatenni awwaallanni gede assitu; reyinoha laweennansa goshooshshe katamaho gobbaanni fushshitu.

SOQQAMAASINETE LOOSO 15:32

Yihudinna Silaasi himanaano ikkitinohura, roduuwa lowo geeshsha seejjite jawaachishshunsa.

SOQQAMAASINETE LOOSO 5:40

Hakkunni gedensaanni soqqamaasine insawa woshshite lichetenni gansiisse, layinkita Yesuusi su'minni coyidhannokki gede hajajje agurtunsa.

UMI QORONTOOSI 2:6

Ayyaanaame heeshshonni lophitinorira egennote qaale kulleemmo. Kulleemmo qaali kayinni tenne gobba egenno woy gedensaanni ba'annoriha tenne gobba gashshaano egenno di"ikkino.

UMI QORONTOOSI 3:10

Maganu uyinoe elto garinni anino ogeessu manchi gede safo safummo. Wolu ani safoommo safo aana minanno. Mittu mittunku hiitto asse minannoro xunse afo!

QOLASIYAASI SOKKA 1:28

Mittu mittunku Kiristoosinni guuta ikkanno gede assine shiqishate, manna baalaho hayyo baala rosiisatenninna seejjatenni Kiristoosire kulleemmo.

UMI TESELONQE 2:16

Daga gattanno qaale kulleemmokki gede nafa hooltannonke. Kunni garinni cubbu aana cubbo lexxitanni heedhanno. Kunnira xa goofimarchoho Maganu hanqi dayinonsa.

IBIRAAWOOTA 11:37

Kinnatenni gannoonninsa; magaazetenni darroonninsa; bisetenni shinoonninsa; ge'reewunna meu lande uddidhe ka'anna kawa raataabbino; buxxe, gadadantenna hawaaxante heedhino.

YOHAANNIS AJUUJA 11:10

Kuri lamenti himanaano baattote noo manni aana lowo qarra abbitino daafira, mannu insa reyora hagiidhanno. Hagiirru jila ji'lanno; mimmitohono afansha uyi'ranno.