MAATEWOOSI 23:2 - Qullaawa Maxaafa

² «Seeru rosiisaanonna Farisootu rosiissara Muse darga ofoltino.

MAATEWOOSI 23:2 ပူးပေါင်းရင်းမြစ်များ

IZIRA 7:25

«Izira, atino Maganikki uyinohe ogimma garinni, Efiraaxisira Awuraajji Galchimihura hee'ranno manni baalunkura, gashshaanonna coye affannore worinsa. Insano Maganikki seera egentinore ikka hasiissannonsa; egenninokkihu hee'riro ati umikki rosiisi.

IZIRA 7:6

Kuni Izira Baabilooninni kae Yerusaalame dayi. Isi Israeelete Magani Kaaliiqi Musera uyino seera seekke egennino rosiisaanchooti. Maganisi Kaaliiqi anga ledosi noo daafira, xa'mi'rinore baala moote fajjinosi.

MILKIYAASI 2:7

Qeese ane Olantote Mootichi Kaaliiqi sokkaano ikkitino daafira, arrawinsa egenno coyi'rannoha ikka hasiissanno; hajajo'ya macciishshate mannu insawa daannore ikka hasiissannonsa.

MAATEWOOSI 23:3

Kunni daafira, insa yitanno'nere baala asse; agadhe. Coyidhannore diwonshitannoreetina, insa assitannore kayinni assitinoonte.

MAARQOOSI 12:38

Yesuusi rosiisanni, «Seeda uddano uddidhe, ka'anna kawa ha'rantanni dikkote ayirrinyunni keere haa'nansara hasidhannore, Muse Seeri rosiisaano agadhe!

LUQAASI 20:46

«Seeda uddano uddidhe ka'anna kawa ha'rama, dikkote keere haa'nansara, xaadu mineno woyyaawino barcimira ofollanna jilu mineno ayirrado darga ofolla baxxannore Seeru rosiisaano agadhe.

MARRO 33:3

Halaaleho, manna baxattohu ateeti; qullaawootu baalunku angakki no. Baalunku lekkakki hunda kumbuultanno; atewiinni hajajo adhitanno.