MAATEWOOSI 23:13 - Qullaawa Maxaafa

¹³ Qoleno, «Mannu Gordu Gashshoote eannokki gede waalcho cuffinanniri lawisiisaano, Seeru rosiisaanonna Farisootu, ki'nera aanne'e! Ki'ne die'inanni; ea hasidhannoreno e'annokki gede assitinanni.

MAATEWOOSI 23:13 ပူးပေါင်းရင်းမြစ်များ

ISAYAASI 33:14

Tsiyooni heedhanno cubbaataammi waajjitanno; maganiweelo gosano qece yite huxidhanno. Insano, «Xo'annokki giira Kaaliiqi hanqite ledo, hee'ra dandaannohu ayeti» yitanno.

ZAKKAARIYAASI 11:17

«Ge'reewo towatannokkihura tidhinokki allaalaanchira aanne'e! Bise cigilesinna qiniiticho illesi qasso! Cigilesi co'o yite laanshaabbo! Qiniiticho illesino co'o yite ballito!» yiie.

MAATEWOOSI 23:16

«Ki'ne illiweeltinoonni massagaano, ki'nera aanne'e! ‹Mannu Qullaawu Mininni xaariro ikkannori dino› yitinanni. ‹Qullaawa Mine noo culkinni xaariro kayinni, xaarino xaaro amaddannosi› yitinanni.

MAATEWOOSI 23:23

«Ki'ne lawisiisaano, Seeru rosiisaanonna Farisootu, ki'nera aanne'e! Afuduudunniha, sunkurtunnihanna qimamenniha tonnunni mitto uyitinanni. Seeru giddo nooha qara qara coye kayinni facci assitine agurtinanni. Hattino taashshate, maarotenna ammanamate. Hakkoreno agurtinikkinni koreno wonsha hasiissanno'nehu gatino.

MAATEWOOSI 23:25

«Kine lawisiisaano, Seeru rosiisaanonna Farisootu, ki'nera aanne'e! Finiinchonna xilte iimiido seekkitine biifissinanni; giddo'ne kayinni xagarronna ufunimma wo'mitino.

MAATEWOOSI 23:27

«Kine lawisiisaano, Seeru rosiisaanonna Farisootu, ki'nera aanne'e! Giddo reyino manni miqqanna bowanye wo'mite heedheenna, gobbayido kayinni sorsa buurre biifinsoonni moogga labbinanni.

MAATEWOOSI 23:29

«Ki'ne lawisiisaano, Seeru rosiisaanonna Farisootu, ki'nera aanne'e! Himanaanote moogga seekkitinanni; keeraanote moogga aaniido borreessitine biifissinanni.

MAATEWOOSI 3:7

Yohaannisi kayinni lowo Farisootinna Saduqootu cuuantara isiwa dagganna lae, «Ki'ne buutete ooso, daanno hanqinni gattinanni gara ayi kuli'ne?

LUQAASI 11:52

Ki'ne Seeru rosiisaanora aanne'e! Ki'ne egennote waalcho fannanniricho adhitine ho'litinoonni. Ki'neno die'inoonni; e'annoreno hooltinoonni» yii.

YOHAANNISI 9:22

Iltinosiri hatto yitinohu Yesuusa, «Kiristoosaati» yaannoha xaadu mininni fushshine hunnanni gede kulloonni daafira Ayihudete roorroota waajjiteeti.

YOHAANNISI 9:24

Hakkonne illiweele ilame huri mancho layinkimeeshsho woshshite, «Ati halaale coyi'ratenni Magano ayirrisi; kuni manchi cubbaataamo ikkinota ninke anfoommo» yitu.

YOHAANNISI 9:34

Insa qolte, «Cubbunni sona ba'e ilamoottohu kuni, ninke rosiisattoraatini?» yite xaadu mininni fushshite huntusi.

SOQQAMAASINETE LOOSO 13:8

Ikkollana Giriikete afiinni, «Elimaasi» yini kiilaanchi kuni, gobbate gashshaanchi ammanannokki gede hasi're, Barnabaasinna Saawuli giwi.

SOQQAMAASINETE LOOSO 5:28

«Yesuusi su'minni rosiissinannikki gede seekkine kulloommo'ne. Ki'ne kayinni kune Yerusaalame rosi'nenni wonshitinoonni. Kunni manchi reyora ninke xa'mammeemmo gede assitinankera hasidhinanni» yiinsa.

SOQQAMAASINETE LOOSO 5:40

Hakkunni gedensaanni soqqamaasine insawa woshshite lichetenni gansiisse, layinkita Yesuusi su'minni coyidhannokki gede hajajje agurtunsa.

SOQQAMAASINETE LOOSO 8:1

Saawuli Isxifaanoosi shaate sumuu yiino. Isxifaanoosi reyi barra, Yerusaalamete noo beetekiristaanera lowo xiiwama iillitu. Soqqamaasine calla agurranna ammanaano baala Yihudunna Samaariyu gobba billaallitu.

LAYINKI XIMOOTEWOOSI 3:8

Iyyaaneesinna Iyyaanibereesi Muse qoxxissunte gede, kuni manni wodana soorraminohanna ammana anganni ba'inoha ikkino daafira halaale giwanno.

LAYINKI XIMOOTEWOOSI 4:15

Isi ninke coyi'neemmo coye lowo geeshsha giwanno daafira seekkite agadhi.