MAATEWOOSI 23:12 - Qullaawa Maxaafa

¹² Umosi gotti assannohu shollanno; umosi heeshshi assannohu kayinni ayirranno» yiinsa.

MAATEWOOSI 23:12 ပူးပေါင်းရင်းမြစ်များ

IYYOOBI 22:29

Maganu boonaleeyye shollishanno; jooguulle kayinni gatisannonsa.

FAARSO 138:6

Wo'munkura Aliidiha ikkite heedhenni jooguulle towatatto; bonaleeyyeno albikkinni go'litara didandiitanno.

LAWISHSHA 15:33

Kaaliiqa waajja egenno rosate; umo heeshshi assano ayirrinye abbitanno.

LAWISHSHA 29:23

Boonaleessu manchi shollanno; umosi heeshshi assannohu kayinni ayirranno.

ISAYAASI 57:15

Rooriidihunna wo'munkura aliidihu, hegerera hee'rannohu Qullaawu, «Ani iima qullaawa darga hee'reemmo. Qoleno umonsa heeshshi assitannorihanna saonsa aagintaabbannori wodana haaroonseemmo.

DAANIEELI 4:37

«Kuneeti ani Nabukadanatsoori Gordu Mootera galata, ayirrinyenna guwishsha shiqisheemmo; isi assano coyi baalu taaloho; doogosino suwashshote; boo'nitannore baala shollisha dandaanno» yii.

MAATEWOOSI 18:4

Kunni qaaqqi gede umosi heeshshi assannohu, gordu gashshootira roore ikkanno.

MAATEWOOSI 5:3

«Ayyaanunni buxxinori ba'raadhinoreeti; gordu gashshooti insahona.

LUQAASI 14:11

Isonoo gotti assannohu, heeshshi yaanno; isonoo heeshshi assannohu, gotti yaanno.

LUQAASI 18:14

Kuleemmo'nena, keeraa'me minisira higinohu hakkonne qaraxaasinchooti ikkinnina Farisicha di"ikkino. Umosi gotti assannohu baalu heeshshi yaanno; umosi heeshshi assannohu kayinni gotti yaanno» yiinsa.

YAIQOOBI 4:6

Ikkirono Qullaawu Maxaafi, «Maganu boonaleeyye giwanno; jooguulleho kayinni eltosi aanno» yaanno daafira, Maganu aanno elto baalunkurinni roortanno.

UMI PHEEXIROOSI 5:5

Ki'ne wedelluno, cimeeyyete hajajamme. Baalunku joongille uddanote gede uddidhine mimmitoho soqqamme. «Maganu boonaleeyye giwanno; jooguulleho kayinni elto aanno» yine borreessinoonni.

UMI PHEEXIROOSI 5:6

Yannasinni gotti assanno'ne gede, wolqaataame Maganu anga woroonni umo'ne heeshshi asse.