MAATEWOOSI 22:3 - Qullaawa Maxaafa

³ Moote woshshinoonni manni jilaho daanno gede qaagiissitara soqqamaanosi insawa soyi. Mannu kayinni jilasi daa dihasi'rino.

MAATEWOOSI 22:3 ပူးပေါင်းရင်းမြစ်များ

FAARSO 68:11

Mootichu hajajo uyi; lowo meenti duduwosi gobba tuqisi.

ISAYAASI 30:15

Israeelete Qullaawa ikkinohu Mootichu Kaaliiqi, «Higgine sammi yitine ane calla hexxitiniro, jawaantenna gato afidhinanni. «Ki'ne kayinni, ‹Gimboommo.

ERMIYAASI 25:4

Kaaliiqi marro marro hige borojjesi himanaano ki'newa soyennano, ki'ne kayinni wodana assiti'ne dimacciishshitinoonni.

ERMIYAASI 35:15

Qoleno, ki'ne mittu mittunku busha doogo'nenni higgine dancha coye assitinanni gede, soqqamaano'ya himanaano marro marro hige soommo. Insano wole maganna hoode hadhine magansidhinannikki gede qorophisiissino'ne. Ki'neranna annuwa'nera oommo baattora heedhinanni gede kultino'ne. Ki'ne kayinni yoommo coye macciishshatenna haja assate dihasidhinoonni.

HOOSEI 11:2

Kayinnilla manna'ya Israeele, anewa gamba yaanno gede woshshummo deerrinni, roorenka anewiinni fafino. Ba"aalira kakkalo shiqishatenninna, misillasirano hixaana giira diagurtino.

HOOSEI 11:7

Manni'ya anewiinni fafate murici'rino daafira, kadamate qambara hogombeenna iima hige raaranno. Ikkeennano hakkonne qambara haxonsa aaninni kayise hoolansara ayino didandaanno.

SOFFOONIYAASI 1:7

Kaaliiqi yoo barri gambisinona, Mootichu Kaaliiqi albaanni sammi yiiyye. Kaaliiqi manna, kakkalote gorrinanni saada gede gorrara qixxaawanni no. Wosinasino kakkalote sagalera keereensino.

MAATEWOOSI 21:34

Laalo gamba assinanni yanna iillituta, beehachosi abbitannosi gede soqqamaanosi gutanyootunniwa soyi.

MAATEWOOSI 23:37

Yesuusi qole, «Yerusaalame, Yerusaalame! Ati himanaano shaattati! Atewa sonkoonnire kinnatenni awwaalattati! Lukkicho caacurrese qoolise giddo gamba assidhannonte gede, anino oosokki mitteenni gamba assammora me"e hige hede hoogummo! Ki'ne kayinni dihasidhinoonni.

MAATEWOOSI 3:2

Himanaanchu Isayaasi, «Kuneeti gordu Gashshooti gambisinona, cubbo'ne aagintaabbe!

MAATEWOOSI 9:15

Yesuusi daware, «Seenne adhannohu ledonsa hee'reenna albisootu qatuntannoni? Adhannoha insawiinni haa'ne hoollanni yanna dagganno; hakka waro kayinni qatuntanno.

LUQAASI 13:34

«Yerusaalame, Yerusaalame, himanaano shaattati, atewa sonkoonnireno kinnatenni awwaalattati, lukkicho caacurrese qoolise giddo hanqafidhannohu gede, oosokki me"e hige hanqafammora hasi'rummo. Atinna mannikki kayinni dihasidhinoonni.

LUQAASI 15:28

«Bayiriidi beettino lowo geeshsha hanqe, minira ea giwi; annuno fule minira eanno gede huuccisi.

LUQAASI 19:27

Insa gashshaancho ikkeemmota gibbinore hakkore baarigaarra'ya abbitine alba'yaanni shiiyye!› yiino» yiinsa.

YOHAANNISI 5:40

Ikkollana, ki'ne heeshsho afidhinara anewa didagginanni.

SOQQAMAASINETE LOOSO 13:45

Hatte yannara Ayihude konne fulino manna la'e hinaassu. Coyi'rannore gibbe Phaawuloosi xontu.

ROOMU SOKKA 10:21

Israeelete daafira coyi'ranni, «Hajajantannokkirenna haxawarra gosa barra wo'ma anga'ya fane agaroommo» yaanno.

IBIRAAWOOTA 12:25

Coyi'rannohura gara gibbinannikki gede qorophe. Uullate aana coyi'reenna gibbinori gattinokkiha ikkiro, gordoho hee're coyi'rannohura badhe wodhine hiitto ikkine ganteemmo?

IBIRAAWOOTA 9:15

Woshshantinori Maganu hexxotenni uyinonsaha hegere iqqa ragidhanno gede, Kiristoosi haaru gondoorira mereerima ikkino. Kuni ikkinohu manna umi gondoori anga hee're loosino cubbinni wode gatisara yee isi reyinohuraati.

YOHAANNIS AJUUJA 22:17

Qullaawu Ayyaaninna idayicho, «Amo!» yitanno. Macciishshannohu baaluno, «Amo!» yoo. Goo'rinohu baalu dayo; hasi'rihu baalu heeshshote waa mittoreno baatikkinni calla adho.

UMI SAAMUEELI 9:13

Kakkalo isi, ‹Alla assi› yaa hasiissannosi daafira, isi mara geeshsha mannu di"itanno. Katama e'inanni woyite, koyinsoonni manni ledo itara kakkallanni gaara fulikkinni xaaddinannina rakkine marre» yiinsa.