MAATEWOOSI 22:16 - Qullaawa Maxaafa

¹⁶ Rosaanonsa Heeroodisi manni ledo Yesuusiwa sokke, «Rosiisaancho, ati halaalaancho ikkoottotanna Maganu doogo halaalunni rosiisattota egenninoommo. Manna waajjite assatto coyi dino; mannahono godowa dihosatto» yituhu gedensaanni,

MAATEWOOSI 22:16 ပူးပေါင်းရင်းမြစ်များ

UMI MOOTOOLLA 22:14

Mikaya qole, «Kaaliiqi halaaleeti. Kaaliiqi kulannoere calla coyi'reemmo» yee dawarisi.

FAARSO 12:2

Baalunku mimmitonsa dogganno; lamu arrawinni coyidhanno.

FAARSO 5:9

Baarigaarra'ya afiira halaalu dinona, wodaninsanni bao calla heddanno; kokkensa fa'nantino waamma gedeete; arrawinsannino manna dogganno.

FAARSO 55:21

Afiisi buuroho; wodanisira kayinni koma wo'mitino; qaalisi owaataho; kayinnilla bisete gede murannoho.

LAWISHSHA 29:5

Jaalasi afuunni dogannohu, lekkasira woshshaado wodhanno.

MILKIYAASI 2:6

Isino halaale ikkinnina so'rote coye dirosiisino; ane ledo keerunninna sumbetenni hee'rino; lowo mannano cubbuwiinni qolino.

MILKIYAASI 2:9

Ane seera agadha giwa'nenni halaale dawissinanni daafira, mannu baalu albaanni mishantinanninna shollitinanni gede asseemmo'ne» yii.

MAATEWOOSI 22:24

«Rosiisaancho! Muse, ‹Mittu manchi galte adhe ooso ilikkinni reyiro, rodiisi galtesi ragi're sircho sayisosi› yiino.

MAATEWOOSI 22:26

Layinkihuno, sayikkihuno, lamalkihu geeshsha aante aantetenni adhite sircho sa'ukkinni reyitino.

MAATEWOOSI 26:18

Isino, «Katama e'inanni yannara balaxxine affinanni manchi minira martine minu anna, ‹Rosiisaanchu yanna iillitinona rosaano'ya ledo Agure Sa"ate Ayyaaniha hashshi hurbaate iteemmo mini hiikkiichooti?› yiino yiiyye» yiinsa.

MAATEWOOSI 26:49

Yihudi hakkawoyintenni Yesuusiwa daye, «Rosiisaancho'ya, keereho?» yee sunqisi.

MAARQOOSI 10:17

Yesuusi hakkiinni fule wolewa ha'ranna mittu manchi dodanni daye, albasiinni guluphe, «Dancha Rosiisaancho, hegere heeshsho afi'rammora ma asso?» yee xa'mi'ri.

MAARQOOSI 12:13

Hakkunni gedensaanni, Yesuusa coyi'ranno coyinni woshshaada hasidhe, Farisootanna Heeroodisi widi manna sokku.

MAARQOOSI 12:14

Insano marte, «Rosiisaancho, ati halaalaancho ikkoottota egenninoommo; manna waajjitenna woleho golante assatto coyi dino. Maganu doogo halaalunni rosiisattoho. Maahoyyena, jawaho Roomu mootera Qeesaarira giwire baata seerahonso seerimalete? Uyinonso agurro?» yite xa'mitusi.

MAARQOOSI 3:6

Hakkawoyintenni Farisootu Yesuusa huntanno gara Heeroodisi manni ledo amaalantu.

MAARQOOSI 8:15

Yesuusi insara, «Farisootunna Heeroodisi gamaancho seekkitine qorophe!» yiinsa.

LUQAASI 20:21

Hakkuri marte Yesuusa, «Rosiisaancho, kulattonkerinna rosiisattonkeri halaale ikkinota anfoommo. Mallaadittokkinni taashshite Maganu doogo mannaho rosiisatto.

LUQAASI 7:40

Yesuusi, «Simiooni, mittu kuleemmohe coyi no» yiisi. Isino, «Rosiisaancho'ya maahoyye kuliexa» yii.

YOHAANNISI 14:6

Yesuusi qole, «Doogono, halaaluno, heeshshono aneeti. Ane widoonni ikka hoogiro, ayino Anni'yawa daannohu dino.

YOHAANNISI 18:37

Philaaxoosino, «Hakka woyiteetiro, ati mootete yaate?» yee xa'misi. Yesuusino, «Ani moote ikkoommota, atinni diyiitto! Ani ilamoommohunna tenne gobba dayommohu halaale farci'rammoraati. Halaalu widoonni uurrinohu qaale'ya macciishshanno» yee qoli.

YOHAANNISI 7:18

Umisinni coyi'rannohu umisi ayirrinye hasi'ranno; soyinosihu ayirrinyira yee loosannohu kayinni halaalaanchoho; kaphuno dinosi.

LAYINKI QORONTOOSI 2:17

Lowo manni Maganu qaalinni dadda'le qiniite afi'rara hasi'ranno. Ninke kayinni Maganu soyino manni gede taalotenni Kiristooosinni hee'ne Maganu albaanni coyi'neemmo.

LAYINKI QORONTOOSI 4:2

Saalfachishannoha go'le noo coye facci assine agurroommo; dixagarreemmo; Maganu qaale diqadaawulleemmo. Halaale xawinse kulankenni, mannu baalu tii"ira yine umonke Maganu albaanni reqecci assineemmo.

LAYINKI QORONTOOSI 5:16

Kunni ka'a ayeno mannu hedanno garinni dihendeemmo. Kiristoosano hakko garinni hendoommoha ikkiro, kunni ka'a hakko garinni dihendeemmo.

GALATIYU SOKKA 1:10

Xa ani mannunso Maganu galataera hasi'roommo? Woy manna hagiirsiisa hasi'roommoha lawino'ne ikka? Manna hagiirsiisa hasi'reemmoha ikkoommoro Kiristoosi borojjicho ikka didandeemmo.

GALATIYU SOKKA 2:6

Maganu mannu alba lae golamannoha ikkinokki daafira, insanaa albisootu gede assite kiirtannori daafira haja dinoe. Kuni manni ani kuleemmo sokka aana ledinori dino.

MARRO 33:9

Anni'nenna ama'ne daafira coyidhinanni, ‹Ninke insa daafira diqarrammeemmo› yitinoonni. Roduuwa'nenna ooso'ne dihasidhinoonni; Kaaliiqira hajajantinoonni; gondoorisirano ammanantinoonni.

UMI TESELONQE 2:4

Coyi'nanni hee'noommohu, Maganu Dancha Duduwo ninke hexxe eeggo uyi'rinonke daafiraati. Hakkuno wodananke fane la"anno Magano hagiirsiisateeti ikkinnina, manna hagiirsiisate di"ikkino.

YAIQOOBI 3:17

Gordu egenno kayinni umonni xalalate. Qolteno keere baxxannote, ga'labbittete, owaatate, sao agurtannote, danchu gumi giddo wo'minote, godowa hosanna awaawurshu nookkite.

UMI YOHAANNISI 5:20

Maganu Beetti dayinotanna halaale anfeemmo gede wodancha uyinonketa egenninoommo. Beettisi Yesuusi Kiristoosi widoonni halaalaanchu Magani ledo mittimma afi'noommo. Yesuusi Kiristoosino halaalaancho Maganootinna hegere heeshshoho.