MAATEWOOSI 21:34 - Qullaawa Maxaafa

³⁴ Laalo gamba assinanni yanna iillituta, beehachosi abbitannosi gede soqqamaanosi gutanyootunniwa soyi.

MAATEWOOSI 21:34 ပူးပေါင်းရင်းမြစ်များ

ISAYAASI 5:4

Ani kunni dargira assoommokkiri nooni? Asseemmori gatinoni? Dancha guma laashshanno yee agadhe hee'reenna, qaraaranno guma mayira laashshieyya?

ERMIYAASI 35:15

Qoleno, ki'ne mittu mittunku busha doogo'nenni higgine dancha coye assitinanni gede, soqqamaano'ya himanaano marro marro hige soommo. Insano wole maganna hoode hadhine magansidhinannikki gede qorophisiissino'ne. Ki'neranna annuwa'nera oommo baattora heedhinanni gede kultino'ne. Ki'ne kayinni yoommo coye macciishshatenna haja assate dihasidhinoonni.

MAATEWOOSI 21:35

Gutanyootu kayinni soqqamaanosi amadde mitto gantu; mitto shitu; wole qolte kinnatenni awwaaltu.

MAATEWOOSI 21:38

Gutanyootu kayinni beetto affu yannara, ‹Kuni ragi'rannohona, amme shinona; iqqasino ninke ragi'neemmo› yitu.

MAATEWOOSI 21:40

«Maahoyyena, woyinete kaashshi anni daanno yannara kore gutanyoota ma assannoha lawanno'ne?» yiinsa.

MAATEWOOSI 21:41

Insano, «Kuri bushuullunnita geedonsa hunanno. Woyinete Kaashshi dargano loossinoha yanna yannantenni uyitanno gutanyootira gutisanno» yitu.

MAATEWOOSI 22:3

Moote woshshinoonni manni jilaho daanno gede qaagiissitara soqqamaanosi insawa soyi. Mannu kayinni jilasi daa dihasi'rino.

MAARQOOSI 12:1

Lede Yesuusi, «Mittu manchi woyinete kaashsho kaasi'ri; gaangeesse huxxa huxxe, woyine huuncinanni baleno ume qixxeessi; woyine agarrannita seeda shaeno kinchunni seekki. Hakkunni gedensaanni gatesi loossannorira guto ee, xeerto gobba ha'ri.

MAARQOOSI 12:7

Gutanyootu kayinni insa insanaawa, ‹Kuni ragi'raanchohona, amme shinona; baatto ninketa ikkitannona› yite ma'litu.

MAARQOOSI 12:9

«Kunnira, woyinete gati anni ma assa hasiissanno? Annu umisi daanno; gutanyoota shee gudanno; woyinete uullano wolu mannira aanno.

LUQAASI 20:9

Hakkunni gedensaanni Yesuusi mannaho, «Mittu manchi woyinete haqqe kaasi'ri; loossannorira kiraho ee lowo yanna keeshshara fule wole gobba ha'ri.