MAATEWOOSI 21:19 - Qullaawa Maxaafa

¹⁹ Mitte balasete haqqicho doogote gama afe shiqqi yee mari; ikkollana darote ka'a aanase mittoreno diafino. Kunnira, «Kunni ka'a ate aana gumu hee'roonke!» yii. Haqqichono hakkawoyintenni mooltu.

MAATEWOOSI 21:19 ပူးပေါင်းရင်းမြစ်များ

ISAYAASI 5:2

Baatto loose, kinchono xinqe hoole, doorroonniha woyinete kaashsho kaasi'rino. Agarranni shae ganino; woyinete laalo huuncinanni kooffichuwano ume seekkino. Hakkunni gedensaanni dancha guma laaltanno yee agadhino; ise kayinni qaraaranno guma calla laaltino.

ERMIYAASI 8:13

Kaaliiqi, «Loosi'rinohu jajjasi gamba assi'rannonte gede, ani manna'ya gamba assi'rammora hasi'roommo. Insa kayinni laalo afidhinokki woyine, guma afidhinokkitenna daro qoortino haqqicho gedeere ikkitino. Kunni daafira oommonsa baatto, allaggu adhanno gede asseemmo» yii.

MAATEWOOSI 21:20

Rosaanosi konne coye la'e, «Tini balase hiikkite anga aana mooltu?» yite maala'litu.

MAARQOOSI 11:14

Kunnira Yesuusi balase, «Xaanni kayise hegere geeshsha laalokki ayino itoonke!» yii. Hatto yii woyite, rosaanosi macciishshitanni no.

MAARQOOSI 11:20

Layinki soodo guto hattenne doogo higge sa'anni, balase rumushsho iillite mooltinota affu.

LUQAASI 3:9

Xa meesane haqqete rumushshi hunda no. Kunnira, dancha guma laalannokki haqqa baala karre giirate tunganni» yiinsa.

YOHAANNISI 15:2

Ane aana hee're guma laalannokki sina baala Anni'ya mure hunanno; guma laalannoha lede guma aanno gede qonqolche seekkanno.

YOHAANNISI 15:6

Anenni hee'rannokkihu, gobbara tunge agurreenna moolanno sini gedeeho. Hattoo sinna gamba assine giirate tungeenna giirantanno.

LAYINKI XIMOOTEWOOSI 3:5

Magano Magansi'rannoha lawanno; maganimmate wolqa kayinni diammaninoho. Hattoo manniwiinni xooqi.

TIITO 1:16

«Magano egenninoommo» yitanno. Loosinsanni kayinni isira badhe wodhitinoreeti. Insa giwissannoreeti; hajajantannokkireetinna mittono dancha coye assa dandiitannokkireeti.

YIHUDA 1:12

Kuri ledo'ne jilaho ofolturo, saalimale ikkitonsanni ittinanni sagale lageessitanno. Insa umonsa calla baxxannoreeti. Bubbe haadhe hadhannoha xeenu nookki gomicho labbanno. Gumu nookkireeti; lame higge reyitinoreeti; rumushshunkunni arro buqqinsoonni haqqe gedeereeti.

YOHAANNIS AJUUJA 22:11

Bunshe assannohu bunshesi assolla; batte loosannohuno battaawolla; dancha loosannohuno loosolla; qullaawuno qullaawa ikke hee'rolla» yii.