MAATEWOOSI 21:12 - Qullaawa Maxaafa

¹² Hakkunni gedensaanni Yesuusi Qullaawu Minira e"e, hakkiicho hirtanninna hidhitanni noore fushshe shorri. Woxe soorridhannori xarapheeyyenna lemboola hirtannori barcimma galchi.

MAATEWOOSI 21:12 ပူးပေါင်းရင်းမြစ်များ

FULO 30:13

Kiirote giddora einohu baalu Qullaawu Mini'ya keenaasinchi garinni, hendoonnire anera fushshaate asse oona.

LEEWAAWOOTA 1:14

«Anera shilqote kakkalora shiqishanno fushshaati ceanniha ikkiro, bukukkaama woy lemboola haa're abbona.

LEEWAAWOOTA 12:6

«‹Mitte mancho labbaaha woy meyata ilturo, keeraa'mitanno yannara, mittu diriha ge'rechu goco shilqote kakkalora, lemboolcho woy bukukkaama cubbu kakkalora haadhe Xaadu Dukkaniwa abbite qeesichaho uyitona.

LEEWAAWOOTA 12:8

Mancho ge'rechu goco abbitanno wolqa hoogguro, 2 lemboolcho woy 2 bukukkaama haadhe, mitte shilqote kakkalora, mitte cubbu kakkalora shiqishshona. Qeesichu haa're lagose hoolate woga wonsheenna, seeru garinni keeraa'mitanno› yiinsa» yii.

LEEWAAWOOTA 14:22

Wolqasi assitu garinni 2 lemboolcho, woy 2 bukukkaama, 1 cubbo agursiisate, 1 shilqote kakkalora shiqishona.

LEEWAAWOOTA 14:30

Hakkunni gedensaanni, qeesichu manchu wolqasi deerrinni shiqishi'rinoha lemboolcho woy bukukkaama kakkalona.

LEEWAAWOOTA 15:14

Settikki barra 2 bukukkaamanna 2 lemboolcho haa're, Xaadu Dukkani nafara ane albira abbe qeesichaho oona.

LEEWAAWOOTA 15:29

Settikki barra 2 lemboolcho woy 2 bukukkaama haadhe, Xaadu Dukkani nafara ane albira abbite qeesichaho uyitona.

LEEWAAWOOTA 5:11

«Manchu 2 lemboolcho woy 2 bukukkaama shiqishate wolqa hoogiro, mitto safaraasincho liiqo bullee cubbu kakkalora haa're abbona. Tini kakkalo cubbo agursiinsannite ikkinnina gidu fushshaate ikkitinokki daafira, zayite woy hixaana aanaho worroonke.

LEEWAAWOOTA 5:7

«Manchu loosino cubbira ge'recho shiqishanno wolqa hoogiro, 2 lemboolcho woy 2 bukukkaama kakkalote anera shiqishona. Mitte cubbu kakkalora, layinkita shilqote kakkalora shiqishona.

MAARQOOSI 11:11

Yesuusi Yerusaalame iilli woyite, Qullaawu Minira e"e baalankare gaangaawe lai. Yanna hawarritino daafira, tonaa lamunku rosaanosi ledo fule Biitaaniya ha'ri.

LUQAASI 2:24

Qolleno Maganu Seerira, «Lame lemboola woy lame bukukkaama kakkalote shiqisha hasiissanno» yine borreessinoonni.

YOHAANNISI 2:13

Ayihudennihu Agure Sa"ate Ayyaani iillino daafira, Yesuusi Yerusaalame ha'ri.