MAATEWOOSI 20:30 - Qullaawa Maxaafa

³⁰ Doogote gama ofolte noori lamu illiweelooti hakkaanni hige sa"anni noohu Yesuusa ikkinota macciishshite, «Mooticha, Daawiti Beetto ballo mararinke!» yite raartu.

MAATEWOOSI 20:30 ပူးပေါင်းရင်းမြစ်များ

FAARSO 146:8

Ballootaho ille fananno; ubbinore kayisanno; halaalaancho manna baxanno.

ISAYAASI 29:18

Hatte yannara macciweelootu nabbambanninsa maxaafa macciishshitanno. Tunsichoho heedhanno illiweelooti illensa fa'niteenna la'anno.

ISAYAASI 42:16

Balloota hadhe egentinokki doogo, affe egentinokki faro qole haa're ha'reemmonsa. Albansaanni noo tunsicho xawaabba asseemmo; gudaagundo ikkino darga taashsheemmo. Konne coye baalanka coyi'roommohu aneetina, wonshummokkinni diagureemmo.

ISAYAASI 42:18

Kaaliiqi lede, «Ki'ne macciweelootu macciishshe! Ki'ne ballootu buuxxine la'e!

ISAYAASI 59:10

Illetenni afannokki manni gede babbaattinanni ha'neemmo; tunsote noohu gede barra xawoho sarraaqammeemmo; ree jeennaateho noohu gede ikkinoommo.

MAATEWOOSI 13:4

Wixa wixi'ranni hee'reenna, mitu mitu gumi doogote gama uwi; ceano dagge xinqite ittu.

MAATEWOOSI 15:22

Hakkiicho mitte Kana"aanitte mancho Yesuusiwa dagge, «Daawiti Beetto Mooticha, beetto'ya bushu ayyaani amadeenna shette noona ballo mararie!» yite huuccidhu.

MAATEWOOSI 20:31

Mannuno, «Sammi yiiyye!» yee rufinsa. Insa kayinni, «Mooticha Daawiti Beetto ballo mararinke!» yitanni albinni roorsite raartu.

MAATEWOOSI 21:14

Yesuusi Qullaawa Mine hee're illiweelootunna naafootu isiwa daggeenna hursinsa.

MAATEWOOSI 21:9

Albasiinninna badhesiinni ha'ranni noo manni, «Hosaina! Daawiti Beettira galata ikko; Mootichu su'minni daannohu maassaminoho! Hosaina! Galatu Gordoho hee'rannohura Maganoho ikko!» yaanni qeexaa'li.

MAATEWOOSI 22:42

«Kiristoosire ma yitinanni? Isi aye beetto lawanno'ne?» yee xa'minsa. Insano, «Daawiti Beettooti» yite qoltusi.

MAARQOOSI 10:46

Hakkunni gedensaanni Iyyaarkote Katama daggu. Yesuusi rosaanosinna lowo manni ledo Iyyaarkote Kataminni fulanno woyite, illiweelu Xemoosi beetti Berxemoosi doogote gama ofolle no.

LUQAASI 4:18

«Mootichu Ayyaani ane aana no; buxanete Dancha Duduwo duduwate shoominoe; usurantinori tidhantannota kulate, illiweelootu la'annota lallawatenna, kadantinore kadotenni fushshate soyinoe.

LUQAASI 7:21

Hattenne yannara Yesuusi addi addi dhibbinni amadamino manna hursi; bushu ayyaani amadinoreno hursi; lowo illiweelootano ille fani.

SOQQAMAASINETE LOOSO 2:30

Ikkollana Daawiti konne coyi'rinohu, himanaancho ikkinohuraatinna Maganu, ‹Sirchikki giddonni mitto ate darga amadanno gede asseemmo› yiinoha hexxote qaale egennino daafiraati.