MAATEWOOSI 20:28 - Qullaawa Maxaafa

²⁸ Manchi Beettino soqqamaranna lowo manna wode gatisate lubbosi sayise aara dayino ikkinnina soqqammasira didayino» yii.

MAATEWOOSI 20:28 ပူးပေါင်းရင်းမြစ်များ

IYYOOBI 33:24

Sokkaasinchuno, iso marare Maganoho, ‹Jeennaate dirrannokki gede agarisi; anino wondannisire afoommona› yaanno.

FAARSO 49:7

Mannu umosi gatisa didandaanno; lubbosi woxxate Maganoho ee afannori dino.

ISAYAASI 53:5

Isi qasaminohu kayinni saonke daafiraati; ganaminohu ninke assinoommo sarxiraati. Ninke gantoommohu isi qorichishameennaati; hurroommohuno isi madi'reennaati.

ISAYAASI 53:8

Qarrinse halaaleno beeshshine haa'ne ha'noonnisi; manninke cubbi daafira yeenna shinoonnisita, ilamate giddonni coyi'rannohu nooni?

MAATEWOOSI 20:27

Giddo'ne albiidiha ikka hasi'rannohuno, borojjicho'ne ikko.

MAATEWOOSI 26:28

Tini lowo manni cubbo agursiisate du'nantannoti haaru gondoori mundee'yaati.

MAATEWOOSI 8:20

Yesuusi qole, «Yeedaallate bale noonsa; buubbanno cearano minu noonsa. Manchi Beettira kayinni umo worannowi nafa dinosi» yee qolisi.

MAARQOOSI 10:45

Manchi Beettino soqqamaranna lowo manna wode gatisate lubbosi sayise aara dayino ikkinnina, soqqammasira didayino» yii.

MAARQOOSI 14:24

Yesuusi, «Lowo manni daafira du'nantannoti tini, gondooru mundee'yaati.

LUQAASI 22:27

Ofolle itannohunna uurre soqqamannohu woyite jawu hiikkonneeti? Jawaho yinannihu ofolle itannoha di"ikkino? Ani kayinni ki'ne mereero soqqamaanchu gedeeti.

YOHAANNISI 10:15

Ani insa egennoommohu, Anni'ya ane egenninoenna anino Anna'ya egennoommo garinniiti. Lubbo'ya ge'reewi'yara yee sayise eemmo.

ROOMU SOKKA 4:25

Mootichinke Yesuusino, cubbinke daafira sae aamaminohonna ninkeno keereensate reyotenni kainoho.

LAYINKI QORONTOOSI 8:9

Ki'ne Mootichinke Yesuusi Kiristoosi elto egentinoonni; isi dureessa ikke hee'renni buxe, ki'ne duroo'mitinanni gede ki'ne daafira yee buxicho ikkino.

GALATIYU SOKKA 3:13

Maganu qaali, «Haqqu aana sutame reyinohu baalu rumammoho» yiinonte gede, Kiristoosi ninkera yee rumaminoha ikke, Seeru rumo giddonni wodinonke.

EFESOONI SOKKA 1:7

Maganu elto wo'ma ikkitinohura, Beettisi Yesuusi mundeenni wodamme, cubbinkera maaro afi'noommo.

EFESOONI SOKKA 5:2

Kiristoosi baxinonkenna Maganoho tanni yite su'niitanno kakkalo asse umosi ninke daafira sayise uyinonte gede, ki'neno baxillunni heedhe.

UMI XIMOOTEWOOSI 2:6

Manna baala cubbuwiinni gatisate, umosi wodote sayise uyinohu isooti. Kuni coyi ikkinohu, agarroonni yanna iillitanno woyite, Maganunniha gatisate looso leellishate naqaashshete.

TIITO 2:14

Kiristoosi bunshe baalatewiinni gatisankeranna dancha looso loosate diinaggaamboommorenna Isira baxxinoommore fayyaaleeyye manna ikkineemmo gede keereensankera isonoo sayise uyinonke.

IBIRAAWOOTA 2:10

Lowo manna heeshshote widira haa're massannohu Yesuusaati. Baalankare kalaqinohunna irkisanno Magani, reyote qarri widoonni qole Yesuusa guuta assa maltinosiho.

IBIRAAWOOTA 5:8

Maganu Beetto ikkirono, iillinosi qarri widoonni hige hajajama rosi.

IBIRAAWOOTA 9:28

Kiristoosi lowo manni cubbo hunara mitte hige kakkalamino. Qoleno cubbo duqqara ikkikkinni, iso agadhitannore gatisara layinkimeeshsho daanno.

UMI PHEEXIROOSI 2:24

Cubbuwiinni baxxine keeraanchimmatenni hee'nammora, cubbonke manninatisinni masiqalu aana duqqino; isi madanni ki'ne hurtinoonni.

UMI PHEEXIROOSI 3:18

Kiristoosino ninke Maganunniwa shiqishara yee, keeraancho ikke hee'renni, keeraanchimma afi'noommokkirira cubbinkenni kainohunni mitte hige qarra adhe reyino. Isi manninatunni ree, ayyaanunni kayinni heeshshonniha ikkino.

UMI YOHAANNISI 2:2

Isi cubbonke agursiisanno; ninke cubbo calla ikkikkinni gobba baalate cubbi diigamannohuno isi widoonniiti.

YOHAANNIS AJUUJA 1:5

reyotenni ka"atenni umiha ikkinohu, ammanamino naqaashshenna uullate mootoolla gashshaancho ikkinohu Yesuusi Kiristoosiwiinni eltonna keeru iillo'ne. Baxannonkehura mundeesinni cubbonke hayishshinonkehura,