MAATEWOOSI 2:5 - Qullaawa Maxaafa

⁵ Insano, «Himanaanchu borreessinonte gede, Kiristoosi ilamannohu Yihudu gobbara Beetelihemete Katamiraati.

MAATEWOOSI 2:5 ပူးပေါင်းရင်းမြစ်များ

KALAQAMA 35:19

Raaheeli reyiteenna, Efiraata massitanno doogo qaccera xa Beeteliheme yinanni katamira madaarrise.

MAATEWOOSI 2:1

Heeroodisi moohe noo yannara, Yesuusi Yihudu gobbara Beetelihemete Katamira ilami. Hatte yannara beeddahe la'anno ayyaanto soojjaatinni ka'e Yerusaalame dagge,

MAATEWOOSI 2:4

Kunni daafira Heeroodisi qeesootu roorroota baalanna Seeru rosiisaano woshshe, Kiristoosi hiikko ilamannoro xa'mi.

YOHAANNISI 7:42

Kiristoosi Daawiti sirchi giddo ilamannotanna Beetelihemetenni Daawiti kataminni fulannota Qullaawu Maxaafi dikulanno?» yitu.

IYYAASU 19:15

Tini baatto Qaxaati, Nahalali, Shimirooni, Yidaalanna Beeteliheemi yinannire 12 katammanna gaangaawinsara noore shiimmaadda katamma mitteenni amaddanno.

EJJEETTO 17:7

Yihudaho Beetelihemete hee'rannohu, mittu Leewaawichu wedellichi no.

RUUTI 1:1

Israeelete gobbara mootoolla mookkara albaanni gobbate aana hude ubbino. Kunninni kainohunni ilama Efiraatichu Yihudu gobbara Beetelihemete Katamira hee'rannohu Elimeleeki yinanni manchi galtesi Naoominna 2 labballi oososi Mahilooninna Kelewooni yinannire anga adhe hude sa'a geeshsha yee Moaabi gobba fule bai. Hakko heedheenna,

RUUTI 1:19

Kunnira, lamenti mitteenni Beeteliheme ha'ri. Beeteliheme iilli woyite katamu manni baalunku maala'li. Hakkiicho noo meentino dhaggeeffatanni, «Halaalinta tini Naoomiinti?» yii.

RUUTI 2:4

Shiima yanna gedensaanni Boeezi umisi Beetelihemetenni kae gatisira dayi. Middanni nooreno, «Keerunni hossini! Maganu maassi'ro'ne!» yiinsa. Insano, «Maganu ateno maassi'rohe!» yitusi.

RUUTI 4:11

Songote darga ofolle noo geerrinna wolu manni, «Ee, ninke kunni coyira naqaashshete. Kaaliiqi tenne galtekki Yaiqoobira lowo ooso ilinori Raaheelinna Liya gedeeta assohe. Kaaliiqi Efiraataho duroonsohe; Beetelihemete maccaha assohe.

UMI SAAMUEELI 16:1

Kaaliiqi Saamueeli, «Israeelete moohe hee'rannokki gede giwoommohura Saaoolira mamooti geeshsha wi'latto? Zayite buudaho wonshite Beeteliheme Isseyiwa mari; oososi giddonni mitto moote ikkanno gede layi'roommo» yiisi.