MAATEWOOSI 2:4 - Qullaawa Maxaafa

⁴ Kunni daafira Heeroodisi qeesootu roorroota baalanna Seeru rosiisaano woshshe, Kiristoosi hiikko ilamannoro xa'mi.

MAATEWOOSI 2:4 ပူးပေါင်းရင်းမြစ်များ

LAYINKI DUDUWO 34:13

Gamisu Leewaawooti uduunne guratenna addi addi looso loosate worroonni manna annimmatenni towattannoreeti. Gattino Leewaawooti kayinni borreessaasinetenna agaraasinete.

LAYINKI DUDUWO 34:15

Isino, «Seeru Maxaafa kawiichinni Qullaawu Mininni afoommo» yee borreessaanchu Saafaanira uyi.

LAYINKI DUDUWO 36:14

Qeesootu roorrootinna mannu kaphu maganna magansi'ratenni qooxeessinsara noo gosaha busha ha'ruma hadhanni Kaaliiqira ammanama gibbu. Kaaliiqi keereensinoha Qullaawa Mineno batteessitu.

IZIRA 10:5

Izirano kae umo umo ikkitino qeesoota, Leewaawootanna Israeele baala tenne shiqqino hedo wonshitanno gede xaarsiisi. Insano xaartu.

IZIRA 7:6

Kuni Izira Baabilooninni kae Yerusaalame dayi. Isi Israeelete Magani Kaaliiqi Musera uyino seera seekke egennino rosiisaanchooti. Maganisi Kaaliiqi anga ledosi noo daafira, xa'mi'rinore baala moote fajjinosi.

FAARSO 2:2

Tenne baatto mootoolla ka'e, roorrootuno Kaaliiqanna Buuramino Moote, assitanno gara ma'litanni,

ERMIYAASI 8:8

«Ki'ne, ‹Kaaliiqi seera anfoommo daafira, ninke egennaammaho› yitinanni. Rosiisaano'ne ane qaale, kaphoho soorritinota diaffinoonni?

MILKIYAASI 2:7

Qeese ane Olantote Mootichi Kaaliiqi sokkaano ikkitino daafira, arrawinsa egenno coyi'rannoha ikka hasiissanno; hajajo'ya macciishshate mannu insawa daannore ikka hasiissannonsa.

MAATEWOOSI 13:52

«Xa Gordu Gashshootire rosiinsoonnihu seeru rosiisaanchi baalu, miinju mininni haaronna akkala jajja haa're fushshanno mancho lawanno» yee qolinsa.

MAATEWOOSI 2:3

Moote Heeroodisi konne duduwo macciishshe masi; Yerusaalamete manni baaluno isinte gede masi.

MAATEWOOSI 2:5

Insano, «Himanaanchu borreessinonte gede, Kiristoosi ilamannohu Yihudu gobbara Beetelihemete Katamiraati.

MAATEWOOSI 21:15

Qeesootu roorrootinna Seeru rosiisaano kayinni, Yesuusi assino dhagge la'inohuranna qaaqquulluno Qullaawa Mine, «Hosaina, Daawiti Beettira galatu ikko!» yite godo'litanna macciishshitino daafira hanqitu.

MAATEWOOSI 21:23

Yesuusi Qullaawu Minira e"e rosiisanni hee'reenna qeesootu roorrootinna gobbate geerri isiwa shiqqe, «Konne coye assattohu mayi roorreenniiti? Woy kayinni togoo coye assate roorre uyinohehu ayeti?» yite xa'mitusi.

MAATEWOOSI 26:3

Qeesootu roorrootinna geerru Qeesootu Roorrichi Qeyaafa yinannihu nafara gamba yitu.

MAATEWOOSI 26:47

Yesuusi coyi'ranni hee'reenna, tonaa lame rosaanosi ledohu Yihudi kae dayi. Isi ledo bisenna dulla anga adhinohu lowo manni dayi. Insano qeesootu roorrootiwiinninna geerruwiinni sonkeenna dagginoreeti.

MAATEWOOSI 27:1

Soodo guto qeesootu roorrootinna geerru baalu Yesuusi aana reyote yoo yiisiissara amaalantu.

MAATEWOOSI 7:29

Yesuusi Muse Seeri rosiisaano gede ikkikkinni Gashshootu mootoolla gede ikke rosiisinonsa.

MAARQOOSI 8:31

Yesuusi rosaanosira, «Manchi Beetti qarra baala adhanna geerru, qeesootu roorrootinna Seeru rosiisaano alba mishama hasiissinosi. Hakkunni gedensaanni insa shitannosi; ikkollana sayikki barra ka"anno» yee rosiisinsa.

LUQAASI 20:19

Hatte yannara, Seeru rosiisaanonna qeesootu roorrooti, maammaashshu insa kisannoha ikkinota affe, hakkawoyintenni Yesuusa amaddara hasidhu. Ikkollana manna waajjitino.

LUQAASI 23:10

Qeesootu roorrootinna Seeru rosiisaano hakkiicho uurrite Iso duudhe bushiishshanni no.

YOHAANNISI 18:3

Kunnira Yihudi gamisa gaaddonna qeesootu roorrootinna Farisootu sokkino olanto hoodete adhe hakkiichira dayi. Insa caabbiyye, faanoosenna bagado anga adhite no.

YOHAANNISI 3:10

Yesuusi, «Ati Israeelete rosiisaancho ikkite heedhe konne coye diafootto?

YOHAANNISI 7:32

Farisootu, mannu Yesuusire hashaashamanna macciishshitu. Kunnira qeesootu roorrootinna Farisootu Yesuusa amaddanno gede gaaddo sokku.

YOHAANNISI 8:3

Muse Seeri rosiisaanonna Farisootu foortanna amaddino mancho haadhe abbite mannu mereero uurrissu.

SOQQAMAASINETE LOOSO 23:9

Hatte yannara lowo canci kai. Farisootu widiri gamu Muse Seeri rosiisaano ka'e, «Ninke kunni manchi aana busha coye dianfoommo. Mayi afino? Sokkaasinchu woy ayyaanu kulinosiha ikkanno» yite moromantu.

SOQQAMAASINETE LOOSO 4:5

Layinki barra Yihudu roorrootinna geerru, seeru rosiisaano Yerusaalamete songitu.

SOQQAMAASINETE LOOSO 6:12

Kunni garinni manna, geerranna Seeru rosiisaano kakkayissu. Isxifaanoosino haadhe abbite songote albira shiqishshu.