MAATEWOOSI 2:22 - Qullaawa Maxaafa

²² Ikkollana Heeroodisi reenna isi darga beettisi Arkeloosi Yihudu gobbara moohe noota macciishshe, hakkiira ha'ra waajji. Kunnira haaqeete biddishsha uyineennasi Galiilu gobba ha'ri.

MAATEWOOSI 2:22 ပူးပေါင်းရင်းမြစ်များ

FAARSO 121:8

Kaaliiqi eakkinna fulakki, xaanni kayise hegere geeshsha agarannohe.

FAARSO 73:24

Amaalekkinni massagoottoe; gedensaannino ayirrinyunni atewa gamba assittoe.

ISAYAASI 30:21

Doogo sodhine gurara woy qiniitira higgine hadhinirino badhe'neenni, «Doogo tenneetina ise higgine hadhe!» yaanno qaale macciishshitinanni.

MAATEWOOSI 1:20

Konne coye wodanaho wodhe hee'reenna, Mootichu sokkaasinchi haaqeete leelle, «Daawiti Beetto Yooseefi, ati huucci'roottoti Maariyaami godobbinohu Qullaawu Ayyaaninniitina ise adha waajjitooti.

MAATEWOOSI 2:1

Heeroodisi moohe noo yannara, Yesuusi Yihudu gobbara Beetelihemete Katamira ilami. Hatte yannara beeddahe la'anno ayyaanto soojjaatinni ka'e Yerusaalame dagge,

MAATEWOOSI 2:19

Heeroodisi reyihu gedensaanni, Mootichu sokkaasinchi Gibitsete gobbara noohuwa Yooseefiwa haaqeete mare,

MAATEWOOSI 2:21

Yooseefino kae qaaqqo amate ledo haa're Israeelete gobba higi.

MAATEWOOSI 3:13

Hatte yannara Yesuusi Galiilunni kae Yohaannisi cuuasira Yordaanoosi Laga dayi.

LUQAASI 2:39

Yooseefinna Maariyaami, Maganu Seeri giddo borreessinoonnire baala wonshituhu gedensaanni Galiilaho noota qaensa Naazirete higgu.

YOHAANNISI 7:52

Insa qolte, «Atino Galiilunni dayottoho? Galiilunni himanaanchu fulannokkita Qullaawa Maxaaffa giddo buuxxe lai» yitu.

UMI SAAMUEELI 16:2

Saamueeli kayinni, «Konne coye hiitto asseemmo? Saaooli afiro dishaannoe?» yii. Kaaliiqino, «Mitticho adde haadhe hadhe, ‹Kaaliiqira kakkalammora dayommo› yii.