MAATEWOOSI 2:13 - Qullaawa Maxaafa

¹³ Beeddahe la'anno ayyaanto hadhuhu gedensaanni, Mootichu sokkaasinchi Yooseefiwa haaqeete daye, «Heeroodisi qaaqqo shaara hasi'ranni noona, ka'e amate ledo haadhe Gibitse xooqi! Kulammohe geeshsha hakko keeshshi!» yiisi.

MAATEWOOSI 2:13 ပူးပေါင်းရင်းမြစ်များ

UMI MOOTOOLLA 11:17

Hatte yannara gattinori xooqqe Gibitse hadhinori Hadaadinna annisi mine soqqamannohu Edoomi manni shiimu callu gatino. Hakka waro Hadaadi shiimaho.

UMI MOOTOOLLA 3:5

Hakko hashsha Kaaliiqi Selemoonira haaqeete, «Ma aammohera hasi'ratto?» yee xa'misi.

IYYOOBI 33:15

Hashsha mannu takki yee goxe hee'reenna, Maganu haaqeetenninna ajuujatenni coyi'ranno.

IYYOOBI 33:17

Kunni garinni, Maganu mannu cubbo loosannokki gede assanno; boo'nano mannuwiinni hunanno.

FULO 1:22

Hakkunni gedensaanni Feriooni mannasi baala, «Ibiraawootunniha ilamannoha labbaa qaaqquulle baala massitine Abbayi Wayi giddo tugge; meya qaaqquulli kayinni lubbotenni hee'rona agurre» yee hajaji.

MAATEWOOSI 1:20

Konne coye wodanaho wodhe hee'reenna, Mootichu sokkaasinchi haaqeete leelle, «Daawiti Beetto Yooseefi, ati huucci'roottoti Maariyaami godobbinohu Qullaawu Ayyaaninniitina ise adha waajjitooti.

MAATEWOOSI 10:23

Mittu katamira qarrissu'nero, wole katama xooqqe. Halaale kuleemmo'nena, Manchi Beetti galagale higa geeshsha Israeelete katamma baala dituqqinanni.

MAATEWOOSI 2:12

Galagalte Heeroodisiwa martannokki gede Maganu haaqeete qorophisiiseennansa, wole doogo higge gobbansa hadhu.

MAATEWOOSI 2:14

Yooseefino hashsha kae qaaqqonna ama haa're Gibitsete gobba ha'ri.

MAATEWOOSI 2:16

Heeroodisi soojjaatinni daggino ayyaanto dogginosita afe lowo geeshsha hanqi. Beetelihemetenna qooxeessisera noore labbaa qaaqquulle lamu dirirenna lamu diri kawire baala shiishiishe gudi. Hatto assinohu ayyaanto kultinosi yanna hedeeti.

MAATEWOOSI 2:22

Ikkollana Heeroodisi reenna isi darga beettisi Arkeloosi Yihudu gobbara moohe noota macciishshe, hakkiira ha'ra waajji. Kunnira haaqeete biddishsha uyineennasi Galiilu gobba ha'ri.

SOQQAMAASINETE LOOSO 10:22

Insano, «Ninke xibbu roorrichi Qornelewoosi soyennanke dangoommo. Iso Ayihudete manni baalu ayirrisannosi; keeraanchohonna Magano waajjanno manchooti. Ate minisira woshshi're ati yaattore macciishshanno gede Maganu sokkaasinchi kulinosi» yitu.

SOQQAMAASINETE LOOSO 10:7

Konne kulisi sokkaasinchi isiwiinni ha'rihu gedensaanni Qornelewoosi, soqqamaanosi giddonni lame mannanna olantosi garo giddonni mitto Magano waajjannoha woshshe,

SOQQAMAASINETE LOOSO 12:11

Pheexiroosira wodanu higeennasi, «Maganu sokkaasincho soye Heeroodisinna Ayihudete manni agarte noo coyiwiinni gatisinoeta addinta xa afummo» yii.

SOQQAMAASINETE LOOSO 12:7

Hatte yannara Maganu sokkaasinchi leellisi. Usuru mini giddono caabbichu xawi. Sokkaasinchu Pheexiroosi midaado kise kayise, «Rakke gotti yii!» yiisi. Cagaageno angasi aaninni uulla ubbu.

SOQQAMAASINETE LOOSO 16:36

Usuru mini agaraanchino Phaawuloosira, «Roorrootu ki'ne ‹Tirre hadhona› yite manna sokkinona, keerunni mini'nera hadhe!» yiinsa.

SOQQAMAASINETE LOOSO 5:19

Maganu sokkaasinchi kayinni hashsha usuru mini cufana fane fushshensa,

SOQQAMAASINETE LOOSO 7:19

Kuni haaru moote manninkera gano gane annuwanke gadadisino. Qaaqquullinsa reyara fushshite gobba huntanno gede annuwanke qarrisino.

IYYAASU 3:13

Baatto baalante Mootichiha Kaaliiqiha Gondooru Taaboota dukkino qeesooti lekkuwa waa kissanno yannara, Yordaanoosi Wayi ha'ra aguranno. Aliidinni lolahanni daanno wayino mittowa gamba yee eelanno» yii.

IYYAASU 3:17

Mannu baalunku moola baatto kaxxanni fulanno yannara, Kaaliiqiha Gondooru Taaboota dukkino qeesooti mannu baalu fule ka"a geeshsha Yordaanoosi Wayi giddo moola baatto aana uurrite no.

IYYAASU 4:10

Mannaho kulanno gede Kaaliiqi Iyyaasu hajajinosi garinni, baalunku coyi ikka geeshsha qeesootu Yordaanoosi Wayi giddo uurrite keeshshitu. Muse Iyyaasura uyino hajajono tenneeti. Mannuno rahe waa tayise fuli.

IYYAASU 4:18

Qeesootuno fulte qacce iillitu yannara, wayi albinte gede qaccetenni qaccete geeshsha wo'me lolahi.

YOHAANNIS AJUUJA 12:14

Mancho halalla qixxeessinoonnise dargira buubbe hadhanno gede lowo allamurchita lame qoolla uyinise. Hakkiicho hamashshuwiinni faffe sase dironna darate dancha gede towantannase heedhu.

YOHAANNIS AJUUJA 12:4

Farrisinni beeddahete giddonni sayikki anga gordunni uulla qole waxaaxisi. Mancho iltanno woyite dhudhuufu ilamanno qaaqqo egemmara yee, manchonniwa mare albaseenni uurri.

YOHAANNIS AJUUJA 12:6

Manchono halalli gobba xooqqu; hakkiicho 1,260 barra qawaaxxinse towantannise darga Maganu qixxeessinose.