MAATEWOOSI 2:1 - Qullaawa Maxaafa

¹ Heeroodisi moohe noo yannara, Yesuusi Yihudu gobbara Beetelihemete Katamira ilami. Hatte yannara beeddahe la'anno ayyaanto soojjaatinni ka'e Yerusaalame dagge,

MAATEWOOSI 2:1 ပူးပေါင်းရင်းမြစ်များ

KALAQAMA 10:30

Insa heedhino baatto Meesha yinanniwiinni kayisse, soojjaati ragaanni noota ilaalaame Seefaari gobba geeshsha iillitanno.

KALAQAMA 25:6

Wolu meenti ilinosi oosorano lubbotenni hee're mitore uyinsahu gedensaanni wole ooso Yisihaaqiwiinni faffe soojjaato higge hadhe heedhanno gede assinsa.

KALAQAMA 41:8

Lowo geeshsha yaadino daafira, soodita kiilaanonna masaalaano baala soye woshshiishe, haaqee kulinsa; kayinnilla insa giddonni Ferioonira haaqeete tiro kula dandiinohu dino.

KALAQAMA 49:10

Yihuda, mootimmate siqqicho angakkinni difultanno; mootimmate bakali lekkakki qarrira no. Kuni ikkannohuno, gashshate malinohu daa geeshshaatinna, mannu baalu hajajamasi geeshshaati.

UMI MOOTOOLLA 4:30

Selemoonira Soojjaati gosatanna Gibitsete hayyooleta roortino hayyo noosi.

UMI DUDUWO 2:51

Huurihu layinki beetti Salima Beetelihemete Katama safino. Huurihu sayikki beetti Hareefi Beeti-Gadeeri yinanni katama safino.

IYYOOBI 1:3

Afi'rino jirono 7,000 ge'reewooti, 3,000 gaalaati, 500 handate waaxaati, 500 harreeti; qolteno lowo soqqamaano noosi. Hatte yannara, jirotenninna jawaantetenni isi geeshsha ikkanno manchi soojjaati gobbara dino.

ISAYAASI 11:10

Hakka waro, Isseyi rumushshi gosate malaate ikkanno; gosa baala isiwa tintanno; isi moohanno katami ayirrado ikkanno.

MIKIYAASI 5:2

Maganu, «Ati Efiraata baattora hee'rattati Beeteliheme! Ayee geeshshano Yihudu katammanni maa'ne ikkittarono, hundunni kayise hegerera ikkannohu Israeelete gashshaanchi atewiinni fulanno» yaanno.

MAATEWOOSI 1:25

Ikkollana qaaqqo ilta geeshsha ise ledo galtimmate xaadooshshe diassi'rino. Qaaqqohono su'ma Yesuusa yee fushshi.

MAATEWOOSI 2:16

Heeroodisi soojjaatinni daggino ayyaanto dogginosita afe lowo geeshsha hanqi. Beetelihemetenna qooxeessisera noore labbaa qaaqquulle lamu dirirenna lamu diri kawire baala shiishiishe gudi. Hatto assinohu ayyaanto kultinosi yanna hedeeti.

MAATEWOOSI 2:19

Heeroodisi reyihu gedensaanni, Mootichu sokkaasinchi Gibitsete gobbara noohuwa Yooseefiwa haaqeete mare,

MAATEWOOSI 2:3

Moote Heeroodisi konne duduwo macciishshe masi; Yerusaalamete manni baaluno isinte gede masi.

MAATEWOOSI 2:5

Insano, «Himanaanchu borreessinonte gede, Kiristoosi ilamannohu Yihudu gobbara Beetelihemete Katamiraati.

MAATEWOOSI 2:7

Hakkunni gedensaanni Heeroodisi ayyaanto badheenni qole woshshe beeddakko leeltu yanna xa'me buuxi.

LUQAASI 1:5

Heeroodisi Yihudu gobbara moohe hee'reenna, Abiya qeesooti gaamo giddo, Zakkaariyaasi yinannihu mittu qeesichi no. Isira Aarooni sircho ikkitannoti Elsaabeexi yinanni galte noosi.

LUQAASI 2:11

Kuneeti, techo Daawiti katamira Gatisaanchu ilamino'ne. Isi Mooticha Kiristoosaati.

LUQAASI 2:15

Sokkaasine insawiinni baxxite gordo fultuta, allaalaasine insa insanaawa, «Ka'e Beeteliheme ha'ne, xa ikki coyenna Maganu kulinonkere la'nona» yitu.

YOHAANNISI 7:42

Kiristoosi Daawiti sirchi giddo ilamannotanna Beetelihemetenni Daawiti kataminni fulannota Qullaawu Maxaafi dikulanno?» yitu.

EJJEETTO 17:7

Yihudaho Beetelihemete hee'rannohu, mittu Leewaawichu wedellichi no.