MAATEWOOSI 19:7 - Qullaawa Maxaafa

⁷ Farisootu qolte, «Muse mayiralla, ‹Ayiddaanni galtesi fushshe ha'risate woraqata anga wore ha'riso› yaannoyya?» yitu.

MAATEWOOSI 19:7 ပူးပေါင်းရင်းမြစ်များ

ISAYAASI 50:1

Kaaliiqi, «Galtesi fushshe hunanno manchi gede, ani ki'ne manna'ya fushshe hunoommoha lawi'ne? Hatto ikkiro fushshe ha'risa'ya kultanno taje hiikko nooyya? Mannu oososi borojjimmate hirannohu gede, anino ki'ne qafadote hire aguroommoha lawi'ne? Ki'ne qafadantinoonnihu cubbi'nenniiti; darantinoonnihuno assitinoonni saonniiti.

ERMIYAASI 3:8

Israeele anera ammanama hoogge foortino daafira, fushshe ha'risoommo. Dogaancho rodoose Yihudu kayinni diwaajjitino; ise umiseno qolte foortannota ikkitino.

MILKIYAASI 2:16

Israeelete Magani Kaaliiqi, «Ani ayiddaanninna ayiddaama babbaxxitannota giweemmo. Ani, togoo kaajjillinni galte fushshine ha'rinsannita giweemmo. Kunnira, galte'nera ammanantinanni gede e'inoonni gondooro diigginannikki gede seekkitine agadhe» yaanno.

MAATEWOOSI 1:19

Huucci're noosehu Yooseefi dancha mancho ikkinohura, Maariyaami mannu albaanni shollisha giwe, mannu afikkinni suutunni agurara hedi.

MAATEWOOSI 19:6

Kunnira, insa kunni ka'a mitto bisooti ikkinnina lame di"ikkitino. Xaate Maganu mitto assinore mannu badoonke» yii.

MAATEWOOSI 19:8

Yesuusi, «Muse galte'ne fushshitine ha'rissinanni gede fajjino'nehu, wodani'ne dillaawa ikkinohuraati; alba kayinni dihattooti.

MAATEWOOSI 5:31

Yesuusi qole, «‹Galtesi mininni fushshe ha'risannohu ha'risate woraqata oose› yinoonni.

MAARQOOSI 10:4

Insa qolte, «Muse, ayiddaanni fushshe ha'risate woraqata anga wore harisanno gede fajjino» yitu.