MAATEWOOSI 19:5 - Qullaawa Maxaafa

⁵ Qoleno, ‹Kunnira manchu annasinna amasi agure galtesi ledo karsamanno. Lamunku mitto biso ikkanno.›

MAATEWOOSI 19:5 ပူးပေါင်းရင်းမြစ်များ

KALAQAMA 34:3

Qoleno baxillisenni amadame isera wodana hagiirsiisanno coye coyi'rise.

LAYINKI SAAMUEELI 1:26

«Rodoo'ya Yoonaataani, ani atera manchitoommo; ati anera lubbote jaalaatiwe. Ate baxilli anera dhaggenniho; meyate baxillinni rooreho.

UMI MOOTOOLLA 11:2

Kaaliiqi Israeelete mannira, «Magannansa magansidhinanni gede assanno'nena, dagate seenne adhitinoonte!» yiinonsa. Selemooni kayinni Kaaliiqi hoolino daga giddonni adhino. Insa baxe higa hoogino.

FAARSO 45:10

Beetto'ya ballo! Macciishshi; maccakkino kawa qoli; kunni ka'a fiixikki amaale adhitooti.

FAARSO 63:8

Lubbo'ya ate cu'midhino; qiniiticho angakkino irkissinoe.

MILKIYAASI 2:15

Kaaliiqi ki'neranna galte'nera mitto bisonna mitto ayyaana uyino'ne. Hatto assinohuno, Maganu manna ikkitino ooso iltinara hedeeti. Kunnira ki'ne giddonni mittuno galtesi ledo eino gondooro diigannokki gede seekke agadho.

MAATEWOOSI 19:6

Kunnira, insa kunni ka'a mitto bisooti ikkinnina lame di"ikkitino. Xaate Maganu mitto assinore mannu badoonke» yii.

ROOMU SOKKA 12:9

Baxilli'ne goowi aliha ikkoonke. Busha coye gibbe; dancha coye cu'midhe.

UMI QORONTOOSI 6:16

Woy foorate ledo namoominohu ise ledo mittu bisiha ikkannota diaffinoonni? «Lamunku mitto biso ikkitanno» yine borreessinoonni.

UMI QORONTOOSI 7:2

Ikkollana adhama hooga foorre abbitannota ikkitinohura, mittu mittunkura umisi galte heedhusiro danchaho. Mitte mittenterano umise minaanni hee'risero danchaho.

UMI QORONTOOSI 7:4

Minaama manninati minaannisera gutoho ikkinnina, iseha calla di"ikkino. Minaanni manninatino minaamasira gutoho ikkinnina, isiha calla di"ikkino.

EFESOONI SOKKA 5:31

«Kunnira, mannu annasinna amasi agure, galtesi ledo mitto ikkanno; lamunku mitto biso ikkitanno» yine borreessinoonni.

MARRO 10:20

Magano'ne Kaaliiqa ayirrisse; magansidhesi. Isi ledo ammanamatenni heedhe. Isi su'mi callunni xaarre.

MARRO 11:22

«Magano'ne Kaaliiqa baxxinanni gede, doogosi aana hadhinanni gedenna isi ledo mitto ikkitine heedhinanni gede oommo'neta tenne hajajo baalanta seekkitine agadhe.

MARRO 4:4

Magani'ne Kaaliiqira ammanantinoonniri ki'ne wo'munku kayinni, kuneeti techo geeshsha lubbotenni heedhinoonni.

UMI SAAMUEELI 18:1

Daawiti Saaoolira xa'minore qolihu gedensaanni, Yoonaataani ledo lamunku lubbote jaalla ikkitu; Yoonaataanino lowo geeshsha baxisi.

UMI SAAMUEELI 25:43

Hakkunnira albaanni Daawiti Akinahoomi yinannita Iyiziraeelitte adhe no; lamenti meenti galte ikkisi.