MAATEWOOSI 19:23 - Qullaawa Maxaafa

²³ Hakkunni gedensaanni Yesuusi rosaanosira, «Halaale kuleemmo'nena, dureessaho Maganu Gashshoote ea lowo geeshsha qarraho» yiinsa.

MAATEWOOSI 19:23 ပူးပေါင်းရင်းမြစ်များ

LAWISHSHA 11:28

Durummasi addaxxanno manchi darote gede giggilanno; keeraanchu kayinni danchu kaashshi gede latanno.

MAATEWOOSI 13:22

Utu mereero uwino wixi masalo: Maganu qaale yannate geeshshira calla macciishshanno manchooti. Tenne gobba hedonna jirote baxilli wodanisi giddora e"e, macciishshino qaale beeshshe amadanno daafira gumiweele gatanno.

MAATEWOOSI 18:3

«Halaale kuleemmo'nena, higa gibbinironna qaaqquullu gedeere ikka hoogginiro, gordu gashshoote horonta die'inanni.

MAATEWOOSI 19:22

Wedellichaho lowo jiro noosi daafira, konne coye macciishshe dadillanni ha'ri.

MAATEWOOSI 21:31

«Lamunku giddo annu hedo wonshinohu hiikkonneeti?» yiinsa. Insano, «Balaxe soyiho» yitu. Yesuusino, «Halaale kuleemmo'nena, qaraxaasinenna foortannori Gordu Gashshoote ea balaxxanno'ne.

MAATEWOOSI 5:20

Kunnira, keeraanchimma'ne Seeru rosiisaanonna Farisootu keeraanchimmawiinni roora hoogguro, gordu Gashshoote horonta e'inannikkita kuleemmo'ne.

MAARQOOSI 10:23

Yesuusi rosaanosi widira caaqqi yee lae, «Dureeyyete Maganu Gashshoote ea mageeshshi qarraati!» yiinsa.

LUQAASI 18:24

Yesuusi manchu dadillinota afe, «Dureeyyete Maganu Gashshoote ea mageeshshi qarraati!

YOHAANNISI 3:3

Yesuusino qole, «Halaale kuleemmohena, mannu layinkimeeshsho ilama hoogiro Maganu gashshoote la"a didandaanno» yiisi.

YOHAANNISI 3:5

Yesuusino, «Halaale kuleemmohena, mannu wayinninna Qullaawu Ayyaaninni ilama hoogiro, Maganu gashshoote ea didandaanno.

SOQQAMAASINETE LOOSO 14:22

Martuwa baala ammanaano seejjitanninna jawaachishshanni, «Maganu gashshoote eate lowo qarra adha hasiissannonke» yitanni rosiissunsa.

UMI QORONTOOSI 1:26

Roduuwa'ya, woshshantini waro ki'ne hiittooreetiro qaagge. Mannu hedanno garinni, ki'ne giddohu rooru manni, egennaamo woy wolqaataamo woy ayirrado di"ikkino.

YAIQOOBI 2:6

Ki'ne kayinni buxane mishshinanni. Gadadissanno'nerinna yoote minira goshooshshe haadhe hadhanno'neri dureeyye di"ikkitino?