MAATEWOOSI 19:17 - Qullaawa Maxaafa

¹⁷ Yesuusi qole, «Danchu coyire mayira xa'mattoe? Danchu Mitto callaho. Hegere heeshshowa ea hasi'rittoro hajajo agadhi» yiisi.

MAATEWOOSI 19:17 ပူးပေါင်းရင်းမြစ်များ

NEHIMIYA 9:29

Seerikkiwa higganno gede qorophisiisoottonsa; seerakki agadha heeshshote doogo ikkituro nafa, insa kayinni, boo'natenninna haxawarrimmatenni seerakki wigidiidde tuggino. Atera badhe wodhite, wodanansano mokkookkisse macciishsha gibbinohe.

FAARSO 119:68

Ati lowo geeshsha shooshaqahonna shaqqadohona, wogakki rosiisie.

FAARSO 52:1

Ati wolqaataamo mancho! Bunshekkinni mayira naaxxatto? Wo'manka woyite mayira sao assatto?

HIZIQEELI 20:21

«Ikkollana, hatti ilamano ane gibbinoe; agadhanno baalira heeshsho aannoha seera'yanna hajajo'ya diayirrissino. Fooliishshote Barrano batteessitino; halallitte baattora heedheenna hanqo'ya insara leellishe baalanka hunammora kaoommo.

LEEWAAWOOTA 18:5

Woga'yanna seera'ya agadhe; konne assitiniro, lubbotenni heedhinanni. Ani Kaaliiqi Magano'neeti.

ROOMU SOKKA 10:5

Seera agadhatenni afi'nanni keeraanchimma daafira Muse borreessinohu, «Seera agadhannohu lubbotenni hee'ranno» yaanno.

YAIQOOBI 1:17

Dancha eltonna wo'mu atooti baalu Maganuwiinniiti. Kuni daannohu caalu gede doyannokkihu woy soorramannokkihu xawaabbu Anni Maganuwiinniiti.

UMI YOHAANNISI 4:16

Ninkeno Maganu baxannonke baxille egenninoommo; ammannoommono. Maganu baxilleho; baxillu giddo hee'rannohu Maganu giddo hee'ranno; Maganuno isi giddo hee'ranno.

UMI SAAMUEELI 2:2

Kaaliiqa, ate gedeehu qullaawu ayino? Ate gedeehu wolu dino; ate Maganinke gedeehu golu dino.