MAATEWOOSI 19:16 - Qullaawa Maxaafa

¹⁶ Mitto barra mittu manchi Yesuusiwa daye, «Rosiisaancho, hegere heeshsho afi'rate danchare ma asso?» yee xa'mi.

MAATEWOOSI 19:16 ပူးပေါင်းရင်းမြစ်များ

DAANIEELI 12:2

Balaxe reyino manni giddonni haammatu kae lubbotenni hee'ranno; insa giddonni gamu hegere heeshsho afidhe hagiidhitanna, gama kayinni hegere saalinna gadadu amade shetisannonsa.

MAATEWOOSI 19:15

Anga aanaho worinsahu gedensaanni hakkiinni kae ha'ri.

MAATEWOOSI 19:26

Yesuusi insa widira hige lae, «Konne coye mannu didandaanno. Maganu kayinni baalankare dandaanno» yiinsa.

MAATEWOOSI 19:29

Ane daafira yee minna woy labbaa roduuwa woy meyaa roduuwa woy ama woy anna woy ooso woy gate agurannohu baalu xibbe ero adhanno; hegere heeshshono afi'ranno.

MAATEWOOSI 25:46

«Kunni daafira, ki'ne hegere qorrichiwa, keeraano kayinni hegere heeshshowa hadhanno» yiinsa.

YOHAANNISI 10:28

Ani insara hegere heeshsho eemmo; horonta diba'anno. Anga'yanni ayino dihawulukannonsa.

YOHAANNISI 12:25

Lubbosi baxannohu hu'nanno; tenne gobbara lubbosi giwannohu hegere heeshshora wodhanno.

YOHAANNISI 3:15

Hatto ikkannohu, iso amma'nannohu baalu hegere heeshsho afi'ranno gedeeti.

YOHAANNISI 4:14

Ani eemmo waa agannohu kayinni hegere geeshsha digoo'ranno; ani eemmo waa agannohu, hegere heeshsho uyitanno buicho giddosinni fultannoha ikkanno» yii.

YOHAANNISI 5:39

Ki'ne Qullaawa Borro la"atenni hegere heeshsho afi'nanniha laweenna'ne, wo'manka woyite ise la'inanni. Hatti Qullaawa Borro kayinni anere farcidhannote.

YOHAANNISI 6:47

Halaale kuleemmo'ne; ammanannohura hegere heeshsho noosi.

YOHAANNISI 6:68

Simiooni Pheexiroosi, «Mooticha'ya, ayenkewa ha'neemmo? Atera hegere heeshsho qaali noohe.

SOQQAMAASINETE LOOSO 16:30

Insa gobbara fushshe, «Mootoolle'ya, gateemmo gede ma asso?» yii.

ROOMU SOKKA 2:7

Dancha looso jaatte loosatenni galata, ayirrinyenna ba'annokki heeshsho hasidhannorira, Maganu hegere heeshsho aannonsa.

ROOMU SOKKA 5:21

Kuni ikkinohuno, reyote widoonni cubbu moohinonte gede, Mootichinke Yesuusi Kiristoosi loosinni hegere heeshsho afi'rate, keeraanchimmate widoonni Maganu elto mookkaraati.

UMI XIMOOTEWOOSI 1:16

Ikkollana sao'ya agurroonnie; sao'ya agurroonniehuno, Yesuusi Kiristoosi dannu nookki garinni baalunkunni roore cubbaataamo ikkoommohure anere cince, iso ammante hegere heeshsho afidhannorira lawishsha ikkeemmo gedeeti.

UMI XIMOOTEWOOSI 6:12

Dancha ammanate ola olami; isiwa woshshamitto yannara, lowo naqaashshe albaanni halaale farci'roottota hegere heeshsho cu'mi'ri.

UMI XIMOOTEWOOSI 6:19

Kunni garinni, halaalaancho heeshsho afi'rate dagganno yannara safo sigiiggino jiro duu'nitanno.

TIITO 1:2

Tini ammanano hegere heeshsho hexxo aana xintantinote. Kaphannokki Magani tenne heeshsho aankera lowo dirira albaanni hexxo uyinonke.

TIITO 3:7

Hatto assinohu, eltosinni keeraa'mine hexxotenni agadhineemmota hegere heeshsho ragi'neemmo gedeeti.

UMI YOHAANNISI 1:2

Tini heeshsho xawo fultino; ninkeno la'noommo; farci'neemmo. Maganu Annunniwa nooterenna ninkerano leeltinotere hegere heeshshore kulleemmo'ne.

UMI YOHAANNISI 2:25

Tini isi uyinonke hexxono hegere heeshshooti.

UMI YOHAANNISI 5:20

Maganu Beetti dayinotanna halaale anfeemmo gede wodancha uyinonketa egenninoommo. Beettisi Yesuusi Kiristoosi widoonni halaalaanchu Magani ledo mittimma afi'noommo. Yesuusi Kiristoosino halaalaancho Maganootinna hegere heeshshoho.

YIHUDA 1:21

Hegere heeshshowa iillishshannota Mootichinke Yesuusi Kiristoosi maaro agadhitinanni, Maganu baxilli giddo heedhe.