MAATEWOOSI 17:23 - Qullaawa Maxaafa

²³ insano shitannosi; isi kayinni sayikki barra reyotenni ka"anno» yiinsa. Rosaanosi kunni coyira lowo geeshsha dadillitu.

MAATEWOOSI 17:23 ပူးပေါင်းရင်းမြစ်များ

FAARSO 16:10

kunnira, wodani'ya hagiidhanno; arrawi'yano hisatanno. Manninati'yano yaaddo nookkiha galanno.

FAARSO 22:15

Kokke qa'a yite mooltue; arrawi'ya ga'roho qa'mie. Shinoonnihu gede uulla tugge agurittoe.

ISAYAASI 53:7

«Iso gadadunna qarru amadinosi; ikkeennano cuqqi curuqqi diyiino. Gorrinara haa'ne ha'nanni wilii'lichinna, orda hanxanni ge'rechi gede, afoo fa'nannokkiha sammi yiino.

DAANIEELI 9:26

Leyayina lame lamala wo'mituro Buuraminoha shinanni; katamanna Qullaawa Minesi mittu jawu albisi gaadisanno olanto co'o assite huntanno. Goofimarchu yanna lolahu gede hedeweelcho dagganno; Maganu qixxeessino olinna bao goofimarchu geeshsha diuurritanno.

ZAKKAARIYAASI 13:7

Olantote Mootichi Kaaliiqi, «Bise! Baqqi yite, ledo'ya nooha allaalaasincho'ya gani! Hakkawoyite, ge'reewu billaallanno; manna'ya ani umi'ya gawajjeemmo.

MAATEWOOSI 16:21

Hatte yannanni kayise Yesuusi rosaanosira, «Yerusaalame ha'ra hasiissannoe; hakkiicho geerru, qeesootu roorrootinna Seeru rosiisaano qarra kalaqqannoe; shitannoe. Sayikki barra kayinni kaeemmo» yiinsa.

MAATEWOOSI 17:9

Ilaalu aaninni dirritanni heedheenna Yesuusi, «Konne xa la'inoonnire Manchi Beetti reyotenni ka"a geeshsha ayerano kultinoonte!» yee hajajinsa.

MAATEWOOSI 20:19

Dagate angara sayisse uyitannosi; insano qacifattannosi; lichetenni gantannosi; shitannosi. Ikkollana sasu barri gedensaanni reyotenni ka"anno» yii.

MAATEWOOSI 27:63

«Mooticha, hakku so'risiisaanchu lubbotenni hee're, ‹Sasu barri gedensaanni reyotenni kaeemmo› yiinoti qaagantinonke.

MAARQOOSI 8:31

Yesuusi rosaanosira, «Manchi Beetti qarra baala adhanna geerru, qeesootu roorrootinna Seeru rosiisaano alba mishama hasiissinosi. Hakkunni gedensaanni insa shitannosi; ikkollana sayikki barra ka"anno» yee rosiisinsa.

MAARQOOSI 9:30

Yesuusinna rosaanosi hakkiichinni ka'e, Galiilu widoonni higge hadhu. Yesuusi kayinni mannu afannosita dibaxino.

YOHAANNISI 16:6

Konne baala kuloommo'nehura wodani'ne dadillino.

YOHAANNISI 2:19

Yesuusino, «Konne Qullaawa Mine diiggineenna, ani sasu barri giddo qole mineemmona» yiinsa.