MAATEWOOSI 16:28 - Qullaawa Maxaafa

²⁸ Halaale kuleemmo'nena, Manchi Beetti Gashshootisi ayirrinyinni daanna la'a geeshsha konniicho uurrite noori giddonni reyitannokkiri no» yii.

MAATEWOOSI 16:28 ပူးပေါင်းရင်းမြစ်များ

MAATEWOOSI 10:23

Mittu katamira qarrissu'nero, wole katama xooqqe. Halaale kuleemmo'nena, Manchi Beetti galagale higa geeshsha Israeelete katamma baala dituqqinanni.

MAATEWOOSI 16:13

Yesuusi, Filiphoosi Qiisaariyaati yinanniwa dayi yannara rosaanosi, «Mannu Manchi Beetto ayeti yaanno?» yee xa'minsa.

MAATEWOOSI 24:3

Yesuusi Ejedhete Ilaali aana ofolle hee'reenna rosaanosi calluwinsa isiwa shiqqi yite, «Kuni coyi ikkannohu mamarooti? Ate daaranna diru goofimarchira malaatu maati?» yite xa'mitusi.

MAATEWOOSI 24:34

Halaale kuleemmo'nena, kuni baalu ikka geeshsha tini ilama disa'anno.

MAATEWOOSI 24:42

Kunnira, Mootichu ma barra daannoro affinoonnikki daafira, feeffattine agadhe.

MAATEWOOSI 26:64

Yesuusino, «Ati yiitto gedeeti. Ikkollana kunni ka'a Manchi Beetti Wo'manka Dandaanno Maganira qiniiteenni ofollinoha affinanni; hattono gordu gomichinni dukkisame daanna la'inanni» yiinsa.

MAATEWOOSI 8:20

Yesuusi qole, «Yeedaallate bale noonsa; buubbanno cearano minu noonsa. Manchi Beettira kayinni umo worannowi nafa dinosi» yee qolisi.

MAARQOOSI 13:26

Hakkunni gedensaanni, mannu Manchi Beetti gomichu giddo hee're, lowo wolqanninna ayirrinyunni daanna la"anno.

MAARQOOSI 8:38

Tenne fooranna cubbaataame ilama giddo, anenna qaale'ya fokkannoha baala, Manchi Beetti annisi ayirrinyinni qullaawa sokkaasine ledo daanno waro fokkannosi» yiinsa.

MAARQOOSI 9:1

Yesuusi qole, «Halaale kuleemmo'nena, konniicho uurritinori giddonni mitu mitu Maganu Gashshooti lowo wolqanni daanna la'a geeshsha reyitannokkiri no» yii.

LUQAASI 18:8

Kuleemmo'nena, keeshshikkinni yoo yaannonsa. Ikkollana, Manchi Beetti daanno woyite uullate aana amma'na afi'ra ikka?» yii.

LUQAASI 2:26

Isi Mootichunniha Buuramino Moote afikkinni reyannokkita Qullaawu Ayyaani kulinosi.

LUQAASI 9:27

Halaale kuleemmo'nena, konniicho noori giddonni Maganu gashshooti daanna la'a geeshsha mitu mitu reyitannokkiri no» yiinsa.

YOHAANNISI 21:22

Yesuusino, «Ani daammo geeshsha hee'riro atera mayi xiwihe? Ati hoode'ya amo!» yii.

YOHAANNISI 8:51

Halaale kuleemmo'nena, qaale'ya agadhannohu horonta direyanno» yiinsa.

YOHAANNISI 8:52

Ayihudootu, «Durriisu nooheta xa anfummo; Abirihaami reyino; himanaanono reyitino. Ati kayinni, ‹Qaale'ya agadhannohu horonta direyanno› yaatto.

SOQQAMAASINETE LOOSO 1:11

«Ki'ne Galiilu manna, iima higgine la'inanni kawiicho mayira uurritinoonni? Iima hige ha'ranna la'ini Yesuusi, iima hige ha'ranna la'ini garinni galagale daanno» yitunsa.

UMI QORONTOOSI 15:23

Kuni ikkannohuno bado badosinniiti: Umiha ikke Kiristoosi ka"anno; isi daanno woyite isire ikkitinori ka'anno.

UMI TESELONQE 1:10

Hattono Maganu reyotenni kayisinohunnita, daanno hanqinni gatisannonkehunnita, Beettisi Yesuusita gordunni daasi agadhitine heedhinoonnita farcidhanno.

IBIRAAWOOTA 2:9

Xa kayinni sokkaasinetewiinni shiima yanna geeshsha ajino. Xa kayinni reyote qarra adhino daafira, ayirrinyunna galatu ba'latto worroonnisiha Yesuusa la'neemmo; isi Maganu eltonni baalunku daafira reyino.

YAIQOOBI 5:7

Roduuwa'ya! Xaate Mootichu daa geeshsha cincatenni agadhe! Loosi'ranno manchi baattosi umihanna gedeni xeena afidha geeshsha cince agare, ikkado guma adhanno.

LAYINKI PHEEXIROOSI 1:16

Mootichinke Yesuusi Kiristoosi wolqanna layinkimeeshshi daasire kullummo'ne yannara, ayirrinyesi illenkenni la'neeti ikkinnina, mannu hayyonni kalanqoonni maatto hoode ha'ratenni di"ikkino.

UMI YOHAANNISI 2:28

Ooso! Xaate kunni ka'a isi daanno yannara komo yinummokkinni albisira addaxxine shinqeemmo gede, isinni heedhe.