MAATEWOOSI 16:16 - Qullaawa Maxaafa

¹⁶ Hatte yannara Simiooni Pheexiroosi qole, «Ati Heeshshote Magani Beetto Kiristoosaati» yii.

MAATEWOOSI 16:16 ပူးပေါင်းရင်းမြစ်များ

FAARSO 2:7

Kaaliiqi seera lallaweemmo; isino, «Ati beetto'yaati; ani techo iloommohe.

FAARSO 42:2

«Mamoote iilleemma? Magani'ya albano mamoote laeemma?» yite, lubbo'ya heeshshote Magano goodhanno.

DAANIEELI 6:26

Gashshooti'ya giddo hee'ranno manni baalu, Daanieeli Magano waajjanno gedenna, ayirrisanno gede lallawunni hajajoommo. Maganisi heeshshonnihonna hegerera hee'rannoho; isi hegere hegerera mootete; gashshootisirano gawalo dino.

MAATEWOOSI 1:16

Yaiqoobi Yooseefi ilino; Yooseefi Yesuusi Kiristoosa iltu Maariyaamira minaannaati.

MAATEWOOSI 14:33

Yowolote giddo noori baalu, «Halaalinta ati Maganu Beettooti!» yite Yesuusira kumbuultusi.

MAATEWOOSI 16:15

Yesuusino, «Ki'ne ane ayeti yitinannieyya?» yee xa'minsa.

MAATEWOOSI 26:63

Yesuusi kayinni mittoreno qolikkinni sammi yii. Qeesootu Roorrichi lede, «Heeshshote Magani su'minni xa'meemmohena Ati Maganu Beetto, Kiristoosa ikkoottoro kulie» yiisi.

MAATEWOOSI 27:54

Olantote roorrichinna isi ledo Yesuusa agarte noori uulla milli yitutanna ikkino coye baala la'e lowo geeshsha waajjite, «Kuni manchi halaalintanni Maganu Beettooti» yitu.

MAATEWOOSI 4:3

Hatte yannara jifannohu Yesuusiwa daye, «Hanni ati Maganu Beettootiro, tini kinna timma ikkitanno gede hajaji!» yiisi.

MAARQOOSI 14:61

Yesuusi kayinni mittoreno qolikkinni sammi yii. Qeesootu Roorrichi lede, «Maassamino Magani Beetti, Kiristoosi ateetini?» yee xa'misi.

LUQAASI 2:11

Kuneeti, techo Daawiti katamira Gatisaanchu ilamino'ne. Isi Mooticha Kiristoosaati.

YOHAANNISI 1:49

Hatto yiita Naatinaeeli, «Rosiisaancho'ya, ati Maganu Beettooti! Ati Israeelete Mooteeti!» yii.

YOHAANNISI 11:27

Iseno, «Ee Mooticha'ya ammaneemma; ati tenne gobba daanno yiniha Kiristoosa Maganu Beetto ikkoottota ammanoomma» yitusi.

YOHAANNISI 20:31

Ikkirono, Yesuusi Kiristoosi Maganu Beetto ikkinota ammantinanni gedenna ammantine isi su'minni hegere heeshsho afidhinanni gede konne borreessinoonni.

YOHAANNISI 6:57

Heeshshonnihu Annu soyinoe garinni, anino isinni heeshshonniha ikkoommonte gede, maala'ya itannohu baalu anenni heeshshonniha ikkanno.

YOHAANNISI 6:68

Simiooni Pheexiroosi, «Mooticha'ya, ayenkewa ha'neemmo? Atera hegere heeshsho qaali noohe.

YOHAANNISI 6:69

Ninkeno ati Qullaawu Magani Beetto ikkoottota anfoommo; ammannoommo» yii.

SOQQAMAASINETE LOOSO 14:15

«Manna, togo mayira assitinanni? Ninkeno ki'ne gedee mannaati. Ninke ki'ne kunni kaphu coyiwiinni faffine gordonna baatto, baaranna kuri giddo noore baala kalaqinohuwa Heeshshote Maganiwa higginara Hagiirru Duduwo kullammo'nera dangoommo» yitu.

SOQQAMAASINETE LOOSO 8:36

Hadhanni heedhe doogote wayi noowa iillitu. Manchino, «Kuneeti kawiicho wayi no; cuuama hoolannoeri nooni?» yii.

SOQQAMAASINETE LOOSO 8:37

Filiphoosi, «Wo'mu wodanikkinni amma'nittoro cuuama dandaatto» yiisi. Isino, «Yesuusi Kiristoosi Maganu Beetto ikkinota ammanoommo» yii.

SOQQAMAASINETE LOOSO 9:20

Keeshshikkinni Saawuli Demaasiqote, «Yesuusi Maganu Beettooti» yaanni xaadu mine rosiisi.

ROOMU SOKKA 1:4

Mootichinke Yesuusi Kiristoosi, qullaawa ikkasi ayyaaninni reyotenni ka"asinni, Maganu Beetto ikkasi wolqatenni leeltino.

LAYINKI QORONTOOSI 1:19

Ani, Silaasinna Ximootewoosi mereero'ne kullummohu Maganu Beetti Yesuusi Kiristoosi wo'manka woyite, «Ee» yinanniho ikkinnina, «Ee woy dee'ni» yinanniha di"ikkino.

LAYINKI QORONTOOSI 3:3

Ninke soqqanshonni dagginoonniri ki'ne, Kiristoosi sokka ikka'ne xawoho. Tenne sokka heeshshote Magani Ayyaaninni ikkinnina kuulunni diborreessinoonni. Mannu wodani giddo ikkinnina bocame kinchi aana diborreessinoonni.

LAYINKI QORONTOOSI 6:16

Maganunnihu Qullaawu Mini kaphu magani ledo mayi lase afi'rino? Ninke heeshshote Magani hee'ranno Mine Qullaawaho. Maganuno, «Insa giddo hee'reemmo; mereeronsa ha'rameemmo. Ani Maganonsa ikkeemmo; insano gosa'ya ikkitanno» yiino.

MARRO 5:26

Isi anfina, giirate giddo hee're coyi'ranna ninke macciishshinummonte gede, Heeshshote Magani huuro macciishshe lubbotenni hee'ra dandaanno manni wolu nooni?

UMI TESELONQE 1:9

Ki'newa dangummo yannara hiittoo garinni haadhinoonninkero, heeshshonnihuranna halaalaanchu Maganira soqqamate, kaphu magannawiinni baxxitine Maganunniwa ikkitine higginoonni gara hakku manninni farci'ranno.

UMI XIMOOTEWOOSI 3:15

Keeshshummoha ikkiro kayinni, heeshshote Magani beetekiristaanera halaalu heelliichonna safo ikkinohu Maganu mini manni assa hasiissannore afatto gedeeti.

UMI XIMOOTEWOOSI 4:10

Ninke manna baala, roorenka ammantinore baala gatisannoha heeshshote Magano hexxineemmore ikkinoommo daafira, daafurre loonseemmo; sharrammeemmo.

IBIRAAWOOTA 10:31

Heeshshote Magani anga rabbannite aana uwa lowo geeshsha waajjishshannote.

IBIRAAWOOTA 12:22

Ki'ne kayinni Tsiyooni Ilaaliwa dagginoonni. Kumu kumi sokkaasine hagiidhitannowa Heeshshote Magani katama gordu Yerusaalame dagginoonni.

IBIRAAWOOTA 3:12

Roduuwa'ya! Ki'ne mereero ayino heeshshote Maganiwiinni badannohu bushunna ammanannokki wodani hee'rannosikki gede qoropho.

IBIRAAWOOTA 9:14

Hatto ikkannoha ikkiro, hegere Ayyaani widoonni qole isonoo mishamme nookki kakkalo asse Maganoho shiqishinohunniti Kiristoosi mundee heeshshote Maganira soqqammeemmo gede, reyote loosiwiinni tiianke hiitto roorsite keereensa hoogganno!

UMI YOHAANNISI 4:15

Yesuusi Maganu Beetto ikkinota farci'rannohura baalaho Maganu giddosi hee'ranno; isino Maganu giddo hee'ranno.

UMI YOHAANNISI 5:20

Maganu Beetti dayinotanna halaale anfeemmo gede wodancha uyinonketa egenninoommo. Beettisi Yesuusi Kiristoosi widoonni halaalaanchu Magani ledo mittimma afi'noommo. Yesuusi Kiristoosino halaalaancho Maganootinna hegere heeshshoho.

UMI YOHAANNISI 5:5

Yesuusi Maganu Beetto ikkinota ammanannoha agurranna, tenne gobba qeelannohu ayeti?

YOHAANNIS AJUUJA 7:2

Heeshshote Magani sumuda anga haa'rinoha wole sokkaasincho soojjaatinni daanna afummo. Isi, baattonna baara gawajjitara roorre uyinoonninsariwa shoolente sokkaasinewa mare qoonqosi naggi asse,