MAATEWOOSI 16:13 - Qullaawa Maxaafa

¹³ Yesuusi, Filiphoosi Qiisaariyaati yinanniwa dayi yannara rosaanosi, «Mannu Manchi Beetto ayeti yaanno?» yee xa'minsa.

MAATEWOOSI 16:13 ပူးပေါင်းရင်းမြစ်များ

DAANIEELI 7:13

Hashsha ajuujatenni mannu ila lawannohu gomichunni dukkisame daanna afoommo. Isono hegerera hee'rannohuwa haa'ne abbini.

MAATEWOOSI 12:32

Manchi Beetti aana xonote qaale coyi'ranno baalira saosi agurrannisi. Qullaawa Ayyaana xonino baalira kayinni tenne alamerano ikko daggannotera saosi diagurrannisi» yiinsa.

MAATEWOOSI 12:40

Yoonaasi mittu jawu qulxu'michi godowi giddo sase barranna sase hashsha keeshshinte gede, Manchi Beettino waammate giddo sase barranna sase hashsha keeshshanno.

MAATEWOOSI 12:8

Manchi Beetti isinni Fooliishshote Barrira Mootichaho» yii.

MAATEWOOSI 13:37

Yesuusi qole, «Dancha wixa wixi'rinohu Manchi Beettooti.

MAATEWOOSI 13:41

Hatte yannara Manchi Beetti sokkaasinesi soyanno; insano manna cubbu giddora eanno gede assitannorenna bunshe loossannore baala Maganu Gashshooti giddonni xinqite fushshitanno.

MAATEWOOSI 15:21

Yesuusi hakkiinni kae, Xiroosinna Sidoonu katamma ha'ri.

MAATEWOOSI 16:27

Manchi Beetti Annisi ayirrinyinni sokkaasinesi ledo daanno woyite, mittu mittunkura loosisi garinni aanno.

MAATEWOOSI 16:28

Halaale kuleemmo'nena, Manchi Beetti Gashshootisi ayirrinyinni daanna la'a geeshsha konniicho uurrite noori giddonni reyitannokkiri no» yii.

MAATEWOOSI 25:31

Yesuusi lede, «Manchi Beetti sokkaasine baalatenni dukkisame ayirrinyunni daye ayirrinyu barcimira ofollanno.

MAATEWOOSI 8:20

Yesuusi qole, «Yeedaallate bale noonsa; buubbanno cearano minu noonsa. Manchi Beettira kayinni umo worannowi nafa dinosi» yee qolisi.

MAATEWOOSI 9:6

Manchi Beettira kayinni uullate aana cubbo agursiisate roorre noosita egentinanni gedeeti» yee, laanshaawa mancho, «Ka'e rerekki duqqite minikkira ha'ri» yiisi.

MAARQOOSI 10:45

Manchi Beettino soqqamaranna lowo manna wode gatisate lubbosi sayise aara dayino ikkinnina, soqqammasira didayino» yii.

MAARQOOSI 8:38

Tenne fooranna cubbaataame ilama giddo, anenna qaale'ya fokkannoha baala, Manchi Beetti annisi ayirrinyinni qullaawa sokkaasine ledo daanno waro fokkannosi» yiinsa.

YOHAANNISI 1:51

Halaale kuleemmo'ne; gordu fa'nameenna Maganu sokkaasine Manchi Beetti aanira gidditannanna dirritanna la'inanni» yii.

YOHAANNISI 12:34

Hatto yiita mannu, «Seeru giddo, ‹Kiristoosi hegere geeshsha hee'ranno› yine borreessinoonni. Ati kayinni, ‹Manchi Beetti sutama hasiissannosi› mayira yiitto? Kuni Manchi Beettino ayeti?» yii.

YOHAANNISI 3:14

Muse halalla hamashsho sutinte gede, Manchi Beettino hatto ikke sutama hasiissinosi.

YOHAANNISI 5:27

Beettu, Manchi Beetto ikkino daafira, yoo yaanno gede roorre uyinosi.

SOQQAMAASINETE LOOSO 10:38

Qoleno Maganu Naaziretete Yesuusa Qullaawu Ayyaaninni buurinotanna wolqa uyinosita affinoonni. Maganu isi ledo noo daafira danchare assanninna Sheexaanu amadino manna baala hursanni gobba duucha tuqino.

SOQQAMAASINETE LOOSO 7:56

Kunnira, «Kuneeti, gordu fa'nameenna Manchi Beetti Maganu qiniiteenni nooha la"anni noommo» yii.