MAATEWOOSI 15:27 - Qullaawa Maxaafa

²⁷ Ise qolte, «Mooticha, hatti halaaleho; ikkirono woshshuno mootoollesi ittanna uwino giggilo xinqi'rannowe» yitu.

MAATEWOOSI 15:27 ပူးပေါင်းရင်းမြစ်များ

KALAQAMA 32:10

Ani borojjichikki kageeshshi geeshsha maaronna shaqqille leellishattoera hasiisannoeha di"ikkoommo; Yordaanoosi Waa fulummo waro, siqqicho'ya calla anga adhe noommo. Xa kayinni 2 tayishsha ikkoommo.

HIZIQEELI 16:63

Assootta sao baala agureemmohe; ati kayinni hattenne baala sao qaagatenni lowo geeshsha saalfatattahura mittoreno coyi'ra didandaatta. Konne coye coyi'roommohu ani Mootichu Kaaliiqaati» yii.

DAANIEELI 9:18

Magano'ya! Eeggatena kawa higge huuccattonke macciishshi! Shettonkenna su'mikkinni woshshamanno katamira iillitino bao baala lai. Atewa hinge huucci'neemmohu ati shaqqado ikkootto daafiraati ikkinnina danchummanke hexxine di"ikkino.

MAATEWOOSI 15:26

Yesuusi qole, «Oosote sagale haa'ne woshshaho tuga digaraho» yii.

MAATEWOOSI 15:28

Hatte yannara Yesuusi, «Tee mancho, amma'nakki jawate; kunni daafira hasi'roottari ikkohe» yiise. Beettoseno hakkawoyintenni hurtu.

MAATEWOOSI 5:45

Hatto assitiniro gordoho hee'ranno Anni'nera oososi ikkitinanni. Isi bushuullehonna danchuulleho arrishsho fushshanno; keeraanotenna cubbaataammaho xeena gananno.

MAATEWOOSI 8:8

Xibbe Olanto Roorrichi kayinni, «Mooticha, ani mini'yara eatto gedeeha di"ikkoommo. Mitto qaale coyi'roottoro kayinni soqqamaanchi'ya huranno.

MAARQOOSI 7:28

Ise qolte, «Mooticha'ya, hattenne woyite halaaleho; ikkirono, ooso ittanna uwino giggilo buttu'lu xinqi're itannowe» yitu.

LUQAASI 16:21

Kuni buxichi dureessu ite duuweenna gatanno giggilo yoranno. Woshshuno daye madasi laaxanno.

LUQAASI 18:13

«Qaraxaasinchu kayinni fafe uurre, iima gordo hige la"ara nafa diuggino. Ikkollana angasinni gagaso ga'nanni, ‹Magano'ya, ani cubbaataamohona cubbo'ya aguri!› yee huucci'ri.

ROOMU SOKKA 10:12

Mittu Mootichi wo'munkuha ikkino daafira, Ayihudetenna dagate mereero badooshshu dino. Isi huuccidhannorira baalaho atootesi batise aanno.

ROOMU SOKKA 3:19

Seeru hajajo Seeru anga galtannorira ikkitinota egenninoommo. Kunni daafira mannu ku'le gatannore hooge sammi yaanno; alame baala Maganu yoo angara higganno.

ROOMU SOKKA 3:29

Woy Maganu Ayihudenniha calla ikkinoni? Dagannihano di"ikkino? Ee, Maganu wo'munkuho.

ROOMU SOKKA 3:4

Horontanni digatissanno! «Coyi'ratto coyinni kainohunni halaalaancho ikkatto; baarigaarakki yoote darga garatto» yine borreessinoonninte gede, mannu baalunku kaphaancho ikkirono, Maganu kayinni halaalaanchoho.

EFESOONI SOKKA 3:19

konne gudinse afa dandiinannikkiha Kiristoosi baxille affinaranna gudisantine Maganu suudinni wo'mitinanni gede huucci'reemmo.

EFESOONI SOKKA 3:8

Ani Maganu manni baalaho woriidiha ikkummorono, dannu nookkita Kiristoosi jiro Dagate kuleemmo gede tenne elto uyinoonnie.