MAATEWOOSI 15:19 - Qullaawa Maxaafa

¹⁹ Hakkuri: busha hedooti, manna shaate, foorrete, baashaawate, moorate, beebba coyi'rate, mannu su'ma hunate; kuri baalu mannu wodani giddonni fulanno.

MAATEWOOSI 15:19 ပူးပေါင်းရင်းမြစ်များ

KALAQAMA 6:5

Kaaliiqi mannu bunshe baattote aana batidhinota, wodaninsa hedonna yortonsa duuchanka woyite horonta busha ikkitinota afi.

KALAQAMA 8:21

Kaaliiqi shilqonniha dancha foole su'niissi'ri; wodanisinnino, «Manchu wodani hedo anjesinni kayisse bushate; ikkirono isinni kainohunni baatto dirumeemmo; xa assummo gede lubbo nooha baala layinkimeeshsho dihuneemmo.

FAARSO 119:113

Lamu wodaninni heedhannore giwoommo; seerakki kayinni baxoommo.

LAWISHSHA 22:15

Oosote wodanira hambe heedhanno; seejjo kayinni hambe giddonsanni fushshite huntanno.

LAWISHSHA 24:9

Hawanyu malanno mali cubbo callaho; haariimaancho mannu baalu giwanno.

LAWISHSHA 4:23

Wodanu heeshshote buichootina, wo'munkurinni roorsite iso agadhi.

LAWISHSHA 6:14

Wodaninsanni busha maltannori, martuwa baala gibbo wixxanno.

ISAYAASI 55:7

Bushu manchi bunshete doogonni higo; xagaraamuno xagarrosi aguro. Maarosi bati'ra ikkitino daafira cubbosi agurannosina, Maganinke Kaaliiqiwa higo.

ISAYAASI 59:7

Lekka'ne cubbo loosate doddanno; keeraancho manna shaate rakkanno. Wodani'nenni bunshe heddinanni; martiniwa baala diigginanninna huntinanni hadhinanni.

ERMIYAASI 17:9

Mannu wodani baalunkurinni roore xagaraamoho; diinofayyannoho; giddosireno afannohu dino.

ERMIYAASI 4:14

Yerusaalame, gata hasi'rittaro wodanikki giddonni bunshe huni; sao giddo wodhite mageeshshi geeshsha keeshshatta?

KIIRO 22:29

Beleaamino harrichote daware, «Godo'loottae daafiraatiwe! Anga'ya bise heedhoommero dargaho qocci asse agureemmohehu gatino» yiise.

MAATEWOOSI 15:20

Manna lageessannori koreeti ikkinnina hayishshi'noonnikki anganni ita dilageessitanno» yii.

MAATEWOOSI 5:28

Ani kayinni, ‹Meyata lae yorinoha baala wodanisinni ise ledo foorinohu gede assine kiirranni› yeemmo'ne.

MAATEWOOSI 9:4

Yesuusi giddonsata afe, «Konne busha coye wodani'nenni mayira heddinanni?

SOQQAMAASINETE LOOSO 8:22

Tenne bunshekkira gaabbite aagintaawi; miteekke wodanikki bunshe agurannoheha ikkannona Magano huucci'ri.

ROOMU SOKKA 7:18

Ane giddo woy mannimma'ya heeshsho giddo horonta danchu coyi nookkita egennoommo. Dancha assate halcho nooe; dancha assate kayinni wolqa diafi'roommo.