MAATEWOOSI 15:14 - Qullaawa Maxaafa

¹⁴ Insa illiweelte heedhe illiweeloota massaggannoreetina agurre. Illiweelu illiweelo massagiro lamunku balete ubbanno» yiinsa.

MAATEWOOSI 15:14 ပူးပေါင်းရင်းမြစ်များ

ISAYAASI 31:3

Gibitsootu mannaho ikkinnina Magano di"ikkitino; faradinsano saadate ikkinnina ayyaana di"ikkino. Kaaliiqi hanqunnita angasi diriirsanno yannara, Gibitse gufidhanno; insawiinni kaa'lo agadhitannorino ubbanno; lamunku mitteenni ba'anno.

ISAYAASI 42:19

Soqqamaanchi'yanni roore ballichu nooni? Soqqeemmo sokkaancho agurranna macciweelu wolu ayeti? Ani, ‹Kaaliiqira aamamoommo soqqamaanchooti› yaannoha agurranna ballichu hiikko no?

ISAYAASI 56:10

Qoleno Kaaliiqi, «Israeelete gashshaano ballootaho; egennono diafidhinoreeti. Insa baalunku dutannokki woshshi gede, sammi yite goxxe haaqee calla haaqiidhanno; wo'manka woyite goxano calla baxxanno.

ISAYAASI 9:16

Konne manna massaggannori baalu so'risiissannoreeti; mannuno doogotenni fule raataawino.

ERMIYAASI 5:31

Himanaano kaphu himana coyidhanno; qeesootuno insa yiture assitanno; manni'yano insa yitannore baxanno. Qarru daanno barra kaa'lote mamira martannoyya?» yii.

ERMIYAASI 6:15

Konne battete coye baala assansanni saaltinoni? Horo hanukkino diyitino; saalu maatirono diegentino. Kunnira wolootu ubbu gede insano ubbanno; qorichisheemmonsa yannara, hakkiichi gawalonsa ikkanno. Konne coye coyi'roommohu ani Kaaliiqaati» yii.

ERMIYAASI 8:12

Manni'ya, konne tiyyi'nanniha, battete coye baala assi geeshsha, saalfate egenninoni? Saalfatannire agurina hanukki nafa diyiino; saalu maatirono diegennino. Kunnira wolootu ubbu gede insano ubbanno; qorichisheemmonsa yanna gawalonsa ikkitanno. Konne coyi'roommohu ani Kaaliiqaati» yii.

HOOSEI 4:17

Israeelete manni kaphu magano magansi'ratenni amadamino daafira, hasi'rinore assona agurre.

MILKIYAASI 2:8

«Xa ki'ne qeesootu halaalaancho doogowiinni wirri yitinoonni; rosiissinanni coyinni lowo manna so'risiissinoonni. Ani Olantote Mootichi Kaaliiqi Leewi ledo eoommo gondooro diigginoonni.

LUQAASI 6:39

Yesuusi masalsanni lede, «Illiweelu illiweelo massaga dandaannoni? Massagannoha ikkiro lamunku mimmito haadhe balete ubbanno.

YOHAANNISI 9:39

Yesuusino, «La'annokkiri la'anno gede, la'annori ballitanno gede, ani tenne gobba yoo yaammora dayommo» yii.

UMI XIMOOTEWOOSI 6:5

Wodanu soorraminohunna halaalu baino manni wo'manka woyite yekkeeramanno. Hattoo mannira, Magano magansi'ra woxe afi'nanni doogo labbannonsa.

LAYINKI PHEEXIROOSI 2:1

Ikkollana albi yannara kaphaano himanaano mannu giddo noonte gede, ki'ne giddono kaphu rosiisaano heedhanno. Insa wodinonsa Mootichira nafa badhe wodhite, rakke huntanno bao uminsa aanira goshooshidhanni, huntanno huluullo luuxisse eessitanno.

LAYINKI PHEEXIROOSI 2:17

Kuni manni wayi nookki ballaati; hombobolatte haadhe hadhanno gomichuwaati; beebbu tunsichi agare nooreeti.

YOHAANNIS AJUUJA 19:20

Ikkollana moyichu amadami; isi albaanni malaatta loosanni noohu kaphaanchu himanaanchino amadami. Isi moyichu malaati noonsarenna isi misile magansidhanni noore malaatta loosanni so'risiisanni no. Insa lamenka ruqanunnihura giirate baarira lubbotenni heedheennanni tungi.

YOHAANNIS AJUUJA 22:15

Woshshu suudiri, bittannori, foortannori, manna shitannori, kaphu maganna magansidhannori, kapho baxxannorinna kaphu looso loossannori baalu katamaho gobbaanni gattanno.