18 Yesuusino, «Hakkonnenni anewa abbe!» yii.
Insa qolte, «Ninkera noonkehu onte timaatinna lame qulxu'me callaho» yitu.
Hakkunni gedensaanni manna hayissote aana ofollanno gede hajaji. Ontenka timanna lamenka qulxu'me haa're gordo hige lae galatu huuccatto asse, timma hiiqqaqqe rosaanosira uyi; insano mannaho beekku.
Yesuusi mannu uulla ofollanno gede hajaje, lamalanka tima haa're, galatu huuccatto assi. Timmano hiiqqaqqe, mannaho iillishshanno gede rosaanosira uyi; insano mannaho iillishshu.
Yesuusino rosaanosi, «Manna gaamo gaamo assitine daffitino hayisso aana ofollanno gede asse» yee rosaanosi hajaji. Kiiro onte kume ikkanno manni hayissote aana ofolli.
