MAATEWOOSI 13:44 - Qullaawa Maxaafa

⁴⁴ Yesuusi, «Gordu Gashshooti, loosu giddo maanxoonni jiro lawanno. Mittu manchi tenne jiro afi're kae wirri asse maaxi. Lowo geeshsha hagiidhino daafira ha're noosire baala hire mare hakkonne bayicho hidhi» yii.

MAATEWOOSI 13:44 ပူးပေါင်းရင်းမြစ်များ

IYYOOBI 28:13

Egenno tenne gobbara heedhannokki daafira, maricho kaa'litannoro mannu diafino.

LAWISHSHA 16:16

Culkunkunni egenno afi'ra, birrunkunni wodancha afi'ra roortanno.

LAWISHSHA 17:16

Egenno afi'ra'ra hasi'rannokki daafira, gowwaho angasi noo woxi ma kaa'lannosi?

LAWISHSHA 18:1

Baxxara hasi'rannohu umosi calla baxanno; halaalaancho coye baala giwanno.

LAWISHSHA 23:23

Halaale afi'ri ikkinnina hu'nitooti; egenno, afanna wodanchano hooggooti.

ISAYAASI 55:1

Kaaliiqi, «Ki'ne goodhinoonniri baalu wayinniwa amme! Woxu noo'nekkiri daggine calla hidhitine itte! Daggine mittoreno uyitinikkinni, woxiweello adonna woyinete xajje hidhe.

MAATEWOOSI 13:24

Yesuusi lede wole lawishsha kulanninsa, «Gordu Gashshooti gatesi dancha wixa wixi'rino mancho lawanno.

MAATEWOOSI 13:46

Daddalaanchu lowo geeshsha ayirrado uduunnicho afi're, ha're noosire baala hire hakkonne ayirrado uduunnicho hidhi» yii.

MAATEWOOSI 13:47

Yesuusi lede, «Gordu Gashshooti baaru giddo tungoonni woshshaado lawanno. Woshshaado addi addi dani qulxu'me baala gamba assite amaddanno.

MAATEWOOSI 19:21

Yesuusi qole, «Co'onta guuta ikka hasi'rittoro, hadhe afi'roottore baala hirte woxe buxanete beehi; gordoho jiro afi'rattona. Hakkunni gedensaanni hoode'ya amo!» yiisi.

MAATEWOOSI 19:27

Hatte yannara Pheexiroosi, «Kuneeti, ninke baalankare agurre ate hoode ha'nanni hee'noommo; afi'neemmori maatiyya?» yii.

MAATEWOOSI 19:29

Ane daafira yee minna woy labbaa roduuwa woy meyaa roduuwa woy ama woy anna woy ooso woy gate agurannohu baalu xibbe ero adhanno; hegere heeshshono afi'ranno.

MAATEWOOSI 6:21

Jiro'ne noowa wodani'neno hakkiicho hee'ranno» yii.

LUQAASI 14:33

Hattonni ki'ne giddo ayino afi'rinore baala ane daafira yee agura hoogiro, ane rosaancho ikka didandaanno» yii.

YOHAANNISI 6:35

Yesuusino, «Ani heeshshote sagaleeti; anewa daannohu horonta dihudi'ranno; ane ammanannohu horonta digoo'ranno.

ROOMU SOKKA 15:4

Umo assine Qullaawa Maxaaffa giddo borreessinoonnire baala rosiisankera borreessinoonni. Qullaawa Maxaaffa widoonni afi'neemmo cincanna jawaante hexxo uyitannonke.

QOLASIYAASI SOKKA 2:3

Hayyotenna egennote jiro dahaabbe noohu Kiristoosiwaati.

QOLASIYAASI SOKKA 3:16

Maganu qaali wo'me hee'ro'ne; egenno baalatenni mimmito'ne rosiissenna seejje. Faarsotenni, guwishshunninna, geewotenni, Magano wodani'nenni galattinanni faarse.

IBIRAAWOOTA 10:34

Ki'ne gordoho woyyaabbinotinna hegere jiro noo'neta affinoonni daafira, usuranyootu ledo qarrantinoonni. Jajja'neno wolqatenni adhinanna cincitine hagiirrunni sa'inoonni.

YOHAANNIS AJUUJA 3:18

Dureessa ikkatto gede giiratenni daashshinoonni culka, teedakki diphate waajjo uddanonna la"a dandaatto gede illete xagichono anewiinni hidhattora seejjeemmohe.