MAATEWOOSI 13:39 - Qullaawa Maxaafa

³⁹ Santaata wixinohu baarigaaru Sheexaaneho. Gide murrannihu alamete goofimarchiraati; murtannori Maganu sokkaasineeti.

MAATEWOOSI 13:39 ပူးပေါင်းရင်းမြစ်များ

DAANIEELI 7:10

Giirate buichono ayirradu barcimiwiinni fultanno; isira kumunni kiirranni soqqamaano noosi; albasiinni uurritannori tonne higge tonne kumeeti. Yoono hananfi; maxaaffano fanni.

IYUEELI 3:13

Insa bunshe lowo geeshsha batidhino; kunni daafira, insa iillino gide mindannihu gede assitine midde. Kooffichoho wonshine kandanni woyine gede assitine kadde.

MAATEWOOSI 12:32

Manchi Beetti aana xonote qaale coyi'ranno baalira saosi agurrannisi. Qullaawa Ayyaana xonino baalira kayinni tenne alamerano ikko daggannotera saosi diagurrannisi» yiinsa.

MAATEWOOSI 13:22

Utu mereero uwino wixi masalo: Maganu qaale yannate geeshshira calla macciishshanno manchooti. Tenne gobba hedonna jirote baxilli wodanisi giddora e"e, macciishshino qaale beeshshe amadanno daafira gumiweele gatanno.

MAATEWOOSI 13:25

Ikkollana mannu baalu goxihu gedensaanni baarigaaru daye qamadete wixi giddo santaata wixe ha'ri.

MAATEWOOSI 13:28

«Isi qole, ‹Konne assinohu baarigaaraho› yiinsa. Loosaasine, ‹Marre santaata giddonni xinqine hoollammora hasi'rattoni?› yite xa'mitusi.

MAATEWOOSI 13:40

Santaata gamba assine giirranninte gede, alamete goofimarchirano hatto assinanni.

MAATEWOOSI 13:49

Alamete goofimarchino hattooha ikkanno. Sokkaasine dagge cubbaataamma keeraanotewiinni baddanno.

MAATEWOOSI 24:3

Yesuusi Ejedhete Ilaali aana ofolle hee'reenna rosaanosi calluwinsa isiwa shiqqi yite, «Kuni coyi ikkannohu mamarooti? Ate daaranna diru goofimarchira malaatu maati?» yite xa'mitusi.

MAATEWOOSI 25:31

Yesuusi lede, «Manchi Beetti sokkaasine baalatenni dukkisame ayirrinyunni daye ayirrinyu barcimira ofollanno.

MAATEWOOSI 28:20

Hajajoommo'nere baala assitanno gede rosiissensa! Kuneeti, gobbate goofimarchi geeshsha ani ki'ne ledo noommo» yiinsa.

UMI QORONTOOSI 10:11

Kuni coyi insa aana ikkinohu, ninke jiilleemmo gedeeti. Borreessinoonnihuno diru goofimarchira hee'noommorira ninkera seejjo ikkankeraati.

LAYINKI QORONTOOSI 11:3

Hamashshu Heewani xagare so'risiisinte gede, miteekkite ki'ne hedono ba'eenna Kiristoosira noo'neta taalonna xalala ammanama'ne agurtinanni yee waajjeemmo.

LAYINKI QORONTOOSI 2:17

Lowo manni Maganu qaalinni dadda'le qiniite afi'rara hasi'ranno. Ninke kayinni Maganu soyino manni gede taalotenni Kiristooosinni hee'ne Maganu albaanni coyi'neemmo.

EFESOONI SOKKA 2:2

Hakka waro tenne gobba bunshe ha'runsitinanni heedhinoonni. Iima bubbete aana heedhanno durriissara roorricha ikkinohura hajajantinanni heedhinoonni. Hakku ayyaani xa Maganoho hajajantannokkire gashshanno.

IBIRAAWOOTA 1:2

Xa kayinni kunni goofimarchu barrinni baalankare ragi'ranno gede assinohu Beettisi widoonni qole ninkerano coyi'rinonke. Kalqe baala kalaqinohuno isinniiti.

IBIRAAWOOTA 9:26

Hatto ikkoommero, alame kalaqantunkunni kayise batinye hige qarra adha hasiisse hoogginosi. Xa kayinni yannate goofimarchira cubbo hunate isonoo kakkalo asse layinkita lendannikki garinni leellino.

UMI PHEEXIROOSI 5:8

Jilbunni heedhe; balala gede ikkitinoonte! Diini'ne Daawuloosi egemmannoha hasi'ranni ittananno doobbichi gede qooxeessi'nera doyanni no.

YIHUDA 1:14

Addaaminni kayise lamalki ilama ikkinohu Heenooki, «Kune Mootichu kumu kumi sokkaasine qullaawate ledo daanno.

YOHAANNIS AJUUJA 12:9

Lowo dhudhuufi woro hige tugami; isi Daawuloosiiti woy Sheexaaneho yinannihu kalqe baala so'risiisannohu bi're albi hamashshooti. Iso uullara tungi; sokkaasinesino isi ledo tugantu.

YOHAANNIS AJUUJA 13:14

Umi moyichira albaanni leellishara fajjinoonnisi malaatinni kainohunni, baattote aana hee'ranno manna so'risiisanno. Bagadu madiisseenna gatino moyichi dani misile seekkitanno gede baattote aana noo manna hajajanno.

YOHAANNIS AJUUJA 19:20

Ikkollana moyichu amadami; isi albaanni malaatta loosanni noohu kaphaanchu himanaanchino amadami. Isi moyichu malaati noonsarenna isi misile magansidhanni noore malaatta loosanni so'risiisanni no. Insa lamenka ruqanunnihura giirate baarira lubbotenni heedheennanni tungi.