MAATEWOOSI 13:23 - Qullaawa Maxaafa

²³ Shaqqado baattora uwino wixi masalo kayinni, qaale macciishshite wodanchitannore kulanno. Kunni garinni mittu 100, mittu 60, mittu 30 guma laalanno» yii.

MAATEWOOSI 13:23 ပူးပေါင်းရင်းမြစ်များ

HIZIQEELI 18:31

Busha looso'ne baala agurtine, haaro surrenna haaro wodana kalaqidhe; ki'ne Israeele reyo mayira hasidhinanni?

HIZIQEELI 36:26

Haaro wodananna haaro ayyaana eemmo'ne; boo'na wo'mitinoha kinchu wodana fushshe, owaata hajajamanno wodana eemmo'ne.

MAATEWOOSI 12:33

Yesuusi lede, «Haqqicho baala gumisenni anfanni daafira, haqqicho dancha assidhe; gumiseno dancha ikkanno'ne. Haqqicho busha ikkituro kayinni, gumiseno busha ikkanno.

MAATEWOOSI 13:8

Wolu gumi dancha shaqqado baattora uwe mu'ri. Lophe dancha guma laali; mittu 100, mittu 60, mittu 30 laali.

MAATEWOOSI 3:10

Meesane haqqe rumushshunkunni murtara qixxeessineenna no. Kunnira, dancha guma laalannokki haqqa baala karre giirate tunganni.

MAATEWOOSI 3:8

Xaate aagintaawa'ne leellishanno looso loosse.

MAARQOOSI 10:15

Halaale kuleemmo'nena, Maganu Gashshoote qaaqqu gede ikke adhannokkihu baalu horonta dieanno» yii.

MAARQOOSI 4:20

Shaqqado baattora uwino wixi masalo kayinni, qaale macciishshite wodanchitannore kulanno. Kunni garinni mittu 30, mittu 60, mittu 100 guma laaltanno» yiinsa.

LUQAASI 13:9

daanno dirira laalo uyituro danchaho. Laalo aa gibburo kayinni murantanno› yiino» yii.

LUQAASI 8:15

Shaqqado baattora uwino wixi masalo kayinni, danchu wodaninni qaale macciishshite agadhitinoreeti; insa qaalunni kaajjite guma laaltannoreeti» yii.

LUQAASI 8:8

Wolu gumi dancha shaqqado baatto aana uwe mu'ri. Lophe xibbe ero laalino» yee lawishsha kulinsa. Yesuusi lede, «Macca noohu macciishsho!» yiinsa.

YOHAANNISI 15:16

Anilla ki'ne dooroommo'ne ikkinnina, ki'ne ane didoodhitinoonnie. Hadhine batinye guma laaltinanni gede, gumi'neno ba"annokki gede shoomoommo'ne. Kunnira ane su'minni huuccidhinannire baala Anni'ya aanno'ne.

YOHAANNISI 8:47

Maganunnihu Maganu yaannore macciishshanno. Ki'ne Maganu qaale macciishshitinannikkihu Maganunnire ikka hoogginoonnihuraati» yiinsa.

SOQQAMAASINETE LOOSO 16:14

Macciishshanni noo meenti giddo Liidiya yinanniti Tiyaxirooni Katamira duume uddano daddaltanno mancho no. Ise Magano magansidhannote. Maganu wodanase faneenna Phaawuloosi coyi'ranno coye macciishshitu.

SOQQAMAASINETE LOOSO 17:11

Beeriyaho noo Ayihudooti Teselonqe noorinni roore wodana hala'ladda ikkitinohura, qaale hagiirrunni adhitu. Kulloonninsa qaali halaale ikkinota buuxidhara yite, barru barrunkunni qullaawa borro seekkite la'u.

LAYINKI QORONTOOSI 9:10

Wixi'rannohura wixa, itannohura tima halashshe aanno Magani wixidhinanni wixano fakkanche aanno'ne. Keeraanchimma'ne gumano halashshanno'ne.

FILIPHISIYUSI SOKKA 1:11

Kunni garinni heeshsho'ne Yesuusi Kiristoosi aanno'nehu keeraanchimmate gumi wo'minore ikkitine Maganoho ayirrinyenna galata abbitinannire ikkitinanni.

FILIPHISIYUSI SOKKA 4:17

Hatto yeemmo'ne woyiteno, ki'newiinni mitore yore ikkikkinni, uyitinoonnie afanshi daafira maasso lexxitanno'ne gede halcheeti.

QOLASIYAASI SOKKA 1:10

Qolleno, Mootichaho maltino heeshsho heedhinanni, baalunku coyinni dancha guma laaltinanninna Maganu egennonni lophitinanni wo'mante doogonni hagiirsiissinannisi gede huuccatto assineemmo'ne.

QOLASIYAASI SOKKA 1:6

Ki'ne Dancha Duduwo macciishshitinihunna Maganu elto halaale ikkitinota huwattinihunni kayise giddo'ne hee'rinte gede, kuni Danchu Duduwi alame baalateno guma laalanninna lophanni no.

UMI TESELONQE 4:1

Roduuwa'ya, Magano hagiirsiisate hiitto ikkine hee'ra hasiissannoro ninkewiinni rossinoonni; xa heedhinoonnihu hakko garinniiti. Leddine leddine hatte heeshsho heedhinanni gede Mootichu Yesuusi su'minni huucci'neemmo'nenna amaalleemmo'ne.

LAYINKI TESELONQE 2:10

Ba'annore so'risiisannohu, addi addi bunshe assatenniiti. Kuni manni ba"annohu, gatote iillishanno halaale baxe adha giwino daafiraati.

IBIRAAWOOTA 4:2

Dancha Duduwo insa macciishshitu gede, ninkeno macciishshinoommo. Insa macciishshitino qaale ammanatenni adhitinokki daafira, dikaa'linonsa.

IBIRAAWOOTA 6:7

Lowo yanna ise aana dirranno xeena agganno baatto, kaashsho kaasi'ranno manchira guma uyitanno daafira Maganu maassi'rannose.

IBIRAAWOOTA 8:10

«Tenne yanna gedensaanni Israeelete ledo e"eemmo gondoori konneeti» yaanno Mootichu. «Seera'ya giddonsa woreemmo; wodaninsarano borreesseemmo. Ani Maganonsa ikkeemmo; insano manna'ya ikkitanno.

LAYINKI PHEEXIROOSI 3:18

Roorenka, Mootichinkenna Gatisaanchinke Yesuusi Kiristoosi eltonninna egennonni lophe; isira xaano hegere geeshsha ayirrinyu ikkosi! Hamii'ni.

UMI YOHAANNISI 5:20

Maganu Beetti dayinotanna halaale anfeemmo gede wodancha uyinonketa egenninoommo. Beettisi Yesuusi Kiristoosi widoonni halaalaanchu Magani ledo mittimma afi'noommo. Yesuusi Kiristoosino halaalaancho Maganootinna hegere heeshshoho.