MAATEWOOSI 13:19 - Qullaawa Maxaafa

¹⁹ Doogote gama uwi wixi masalo: Maganu gashshooti qaale macciishshe wodana assannokki manchooti. Hakkawoyintenni Sheexaanu daye wodanisi giddo winxoonni qaale xinqe adhanno.

MAATEWOOSI 13:19 ပူးပေါင်းရင်းမြစ်များ

LAWISHSHA 1:7

Kaaliiqa waajja egennote umoho. Hawanyootu egennonna seejjo mishshanno.

LAWISHSHA 17:16

Egenno afi'ra'ra hasi'rannokki daafira, gowwaho angasi noo woxi ma kaa'lannosi?

HIZIQEELI 31:18

«Haqqicho Gibitsete mootenna mannisi baalu lawishshaati. Edeni Gennetete noo haqqe giddo nafa hojjanna biinfille ise ikkitannoti dino. Xa kayinni, Edeni Gennetete noo haqqe gede, jeennaate dirritanno. Hakkiichono Maganiweelootu ledonna olunni shinoonniri baalu ledo karsantanno. Ani Mootichu Kaaliiqi konne coye coyi'roommo» yiie.

MAATEWOOSI 12:26

Sheexaanu Sheexaane fushshannoha ikkiro, isi isiniiwa babbadami yaate. Kunni garinni gashshootisi hiitto ikke kaajje uurrannoyya?

MAATEWOOSI 13:20

Carete aana uwino wixi masalo: qaale macciishshe hakkawoyintenni hagiidhe adhanno manchooti.

MAATEWOOSI 13:38

Gatu tenne alameeti; danchu wixi Maganu Gashshooti oosooti; santaatu Sheexaanu oosooti.

MAATEWOOSI 4:23

Yesuusi Ayihudete xaadi mine rosiisanninna gordu Gashshootiha Dancha Duduwo kulanni, addi addi dhibbinni amadamino manna hursanni Galiilu gobba baala tuqi.

MAATEWOOSI 5:37

Kunnira, coyidhinanniri addahoro «Ee», kaphohoro «Dee'ni» yiiyye. Hakkuyi ka'i coyi bushuwiinni daannoho› yeemmo'ne» yiinsa.

MAARQOOSI 4:15

Mitu mitu manni, doogote gama uwi wixi lawishshaati; qaale macciishshitanni heedheennanni Sheexaanu daye wodaninsa giddonni macciishshitino qaale xinqe adhanno.

LUQAASI 10:9

Hakko katami giddo noo dhiwamaasine hurse; mannahono, «Maganu gashshooti ki'newa gamba yiino» yitine kulle.

LUQAASI 9:2

Gordu Gashshooti gamba yiinota manna baalaho kultanno gedenna dhiwantinore hursitanno gede soyinsa.

YOHAANNISI 18:38

Philaaxoosino, «Halaalu maati?» yee xa'mi. Hattenne giddo hee're Ayihudootunniwa mare, «Kuni manchi assino so'ro ani diafoommo.

YOHAANNISI 8:43

Ani yeemmori mayira leella giwi'ne? Coyi'reemmore buuxa dandiitinannikki daafiraati.

SOQQAMAASINETE LOOSO 17:32

Reyotenni ka"annire macciishshite mitu mitu haariintino; mitu mitu kayinni, «Konne coye wole yannara kulattonkena» yitino.

SOQQAMAASINETE LOOSO 18:15

Qaaleho, su'muwatenna seeri'ne daafira coyi'rama ki'ne hajaati. Ani kunni coyira mittoreno diyeemmo» yii.

SOQQAMAASINETE LOOSO 20:25

«Xaa geeshsha ki'ne mereero Maganu gashshootire kulanni keeshshoommo. Kunni ka'a kayinni ki'ne giddonni mittuno afannoekkita afoommo.

SOQQAMAASINETE LOOSO 28:23

Xaaddanno barra amaxxite hadhe, kiirono lexxite isi noowa ka'e daggu. Isino soodinni hawarro geeshsha Maganu gashshootire farci'ranni hedosi xawise kulinsa. Insa ammanchiishate Muse Seerinna himanaanote borro giddo noo coye kulanni Yesuusire egensiisinsa.

ROOMU SOKKA 1:28

Mannu Magano afate hasi'rinokki daafira, saalsiisanno coye assanno gede, tidhitinokki hedo giddo facci asse agurinsa.

ROOMU SOKKA 14:17

Maganu Gashshooti, Qullaawu Ayyaani aanno keeraanchimmaati, keereetinna hagiirreeti ikkinnina, itunna agu haja di"ikkino.

ROOMU SOKKA 2:8

Uminsare calla hasidhanno haxawarrootira, halaalaancho coye facci assite agurtannoriranna bunshe hassannori aana kayinni Maganu, hanqonna aara dirrisanno.

EFESOONI SOKKA 3:8

Ani Maganu manni baalaho woriidiha ikkummorono, dannu nookkita Kiristoosi jiro Dagate kuleemmo gede tenne elto uyinoonnie.

LAYINKI TESELONQE 2:12

Kuni ikkannohu halaale ammana gibbe bunshetenni hagiidhitannori baalu qorichishantanno gedeeti.

IBIRAAWOOTA 2:1

Kunnira, miteekkine macciishshinoommo coyiwiinni shalanqe umbeemmokki gede, roorsine qoropha hasiisannonke.

UMI YOHAANNISI 3:12

Bushunniha ikkinohu Qaayeeli rodoosi shiino; ninke hattoore ikkinoonke. Isi rodoosi mayira shii? Loosisi bushinohuraatinna rodiisi loosi dancha ikkinohuraati.

UMI YOHAANNISI 5:18

Maganu ila ikkinohu baalu cubbo diloosanno; Maganu Beetti agarannosi daafira, bushuno digawajjannosi.

UMI YOHAANNISI 5:20

Maganu Beetti dayinotanna halaale anfeemmo gede wodancha uyinonketa egenninoommo. Beettisi Yesuusi Kiristoosi widoonni halaalaanchu Magani ledo mittimma afi'noommo. Yesuusi Kiristoosino halaalaancho Maganootinna hegere heeshshoho.