MAATEWOOSI 13:11 - Qullaawa Maxaafa

¹¹ Isi qole, «Ki'nera gordu gashshooti maana afate hayyo uyinoonni'ne. Insara kayinni diuyinoonninsa.

MAATEWOOSI 13:11 ပူးပေါင်းရင်းမြစ်များ

FAARSO 25:14

Ayirrissannosirira baalaho Kaaliiqi jaalansaati; gondoorosino egentanno gede assannonsa.

ISAYAASI 29:10

Kaaliiqi jalli assino'ne daafira goxano adhite ba'ino'ne. Himanaanonna ajuuja la'annori mannaho ille ikka hasiissinonsa; Kaaliiqi kayinni illensa beeshshino.

ISAYAASI 29:11

Tini baalanti ajuuja ki'nera go'lite cunfe agurroonni maxaafi gede ikkitanno'ne. Egennino manchiwa massidhine, «Nabbawinke» yitineennano, «Cufame noo daafira didandeemmo» yee dawaranno'ne.

ISAYAASI 35:8

Hakkiicho, Jawa doogo heedhanno; iseno, «Qullaawa Doogooti» yinanni. Tini doogo Kaaliiqi mannira ikkitanno; keeraa'minokkihu hakkaanni hige diha'ranno; hawanyu hakkaanni hige sa"ara diuyinannisi.

MAATEWOOSI 13:10

Hakkunni gedensaanni rosaanosi Yesuusiwa shiqqe, «Mannaho masalsitanni coyi'rattohu mayiraati?» yite xa'mitusi.

MAATEWOOSI 16:17

Yesuusino, «Yoona Beetto Simiooni, ba'raa'rootto! Konne coye gordoho hee'rannohu Anni'ya xawisinohe ikkinnina mannu dikulinohe.

MAATEWOOSI 19:11

Yesuusi kayinni, «Kuni coyi aamaminonsarira ikkinnina baalaho didandaamanno.

MAATEWOOSI 20:23

Yesuusino, «Addanka ani adheemmo qarra adhitinanni. Ikkollana, manna qiniite'yaanninna gura'yaanni ofollanno gede asseemmohu ane di"ikkoommo. Konne darga uyinannihu Anni'ya qixxeessino manniraati» yii.

MAARQOOSI 10:40

Ikkollana, qiniite'yaanninna gura'yaanni ofolla qixxaabbinorite ikkinnina ofoshshiisheemmohu ane di"ikkoommo. Hatto assannohu Maganoho; hakko ofoshshiishannonsarino qixxaabbinoreeti» yii.

MAARQOOSI 4:11

Yesuusi daware, «Ki'nera go'linoha Maganu gashshooti coye afate hayyo uyinoonni'ne. Gobbaanni noorira kayinni masalsatenni kullanninsa.

LUQAASI 8:10

Yesuusi daware, «Ki'nera go'linoha Maganu gashshooti coye afate hayyo uyinoonni'ne. Gobbaanni noorira kayinni la'anni heedhe buuxxannokki gede, macciishshitanni heedhe wodanchitannokki gede masalsatenni kullanninsa» yiinsa.

YOHAANNISI 6:65

Yesuusi lede, «Anni'ya fajjinoha agurranna anewa daa dandaannohu dino yoommohu kunniraati» yii.

YOHAANNISI 7:17

Soyinoehu hedo wonsha hasi'rannohu, kuni rosi Maganunnihoronna ani umi'yanni coyi'reemmohoro afanno.

SOQQAMAASINETE LOOSO 16:14

Macciishshanni noo meenti giddo Liidiya yinanniti Tiyaxirooni Katamira duume uddano daddaltanno mancho no. Ise Magano magansidhannote. Maganu wodanase faneenna Phaawuloosi coyi'ranno coye macciishshitu.

ROOMU SOKKA 11:25

Roduuwa'ya, egennaamma ikkitinoonniha lawoonke'ne. Mitto go'le noo halaale kuleemmo'ne: Hakkuno, Israeelete mokkookka wo'mu woyitita ikkitukkinni, wo'ma Daga Maganunniwa dagga geeshshaati.

ROOMU SOKKA 16:25

Maganoho galata uyino. Ani Yesuusi Kiristoosire kuleemmohu Danchu Duduwiranna lowo diro maaxame keeshshe xa xawo fulino halaalira, Maganu amma'natenni jawaattine uurritinanni gede assa'nera dandaanno.

UMI QORONTOOSI 13:2

Himana coyi'rummoro, go'lino coye afeemmoha ikkummorono, egenno baala heedhuerono, ilaalla darginni kayissanno geeshshi ammana heedhuerono, baxillu hoogiero kayinni haafaho.

UMI QORONTOOSI 15:51

Mitto go'le noo halaale kuleemmo'nena macciishshe: Ninke baalunku direyineemmo; goofimarchu xurumba ufuunfanni woyite, baalunku mitte hinge illete lipheessi giddo soorrammeemmo. Xurumba ufuunfanni woyite, reyitinori ba"annokki biso uddidhe ka'anno. Ninkeno soorrammeemmo.

UMI QORONTOOSI 2:14

Ayyaana afi'rinokki manchi kayinni, tenne gowwimmate kiiranno daafira Maganu Ayyaani aanno elto adha didandaanno. Maganu Ayyaaninni xiinxallinanni coye ikkino daafira, buuxa didandaanno.

UMI QORONTOOSI 2:7

Ninke kayinni, bi're balaxe ayirrinyinkera qixxeessinota go'lite keeshshitinota Maganu halaali egenno kulleemmo.

UMI QORONTOOSI 4:1

Mannu ninke Kiristoosi soqqamaanonna go'le nooha Maganu coye mannaho xawinse kulleemmore asse hedankera hasiisanno.

UMI QORONTOOSI 4:7

Ati wolu mannira aliidiha assinohehu ayeti? Noohere baala uyinohehu Magano di"ikkino? Uyinoonnisikkihu gede ikkite umokki mayira bokkeessattoyya?

EFESOONI SOKKA 1:18

Woshshino'ne hexxo hiittootero qullaawu manni ragi'rannohu ayirradu iqqi mageeshshi geeshsha lowohoro affinara wodani'ne ille xabbanno gede huucci'reemmo.

EFESOONI SOKKA 1:9

Kiristoosi widoonni qole wonshara balaxe hedinoha dahaawe noo coye anfeemmo gede assino.

EFESOONI SOKKA 5:32

Kuni lowo geeshsha go'le noo halaaleeti. Hatto yeemmo woyite, Kiristoosirenna beetekiristaanennire coyi'reemmo.

EFESOONI SOKKA 6:19

Qoleno Danchu Duduwiha go'lino coye ruxxi yuummokkinni coyi'rate, hasiisino qaale aannoe gede anerano huucce"e.

QOLASIYAASI SOKKA 2:2

Sharrameemmohuno wodaninsa diggi yaaranna baxillunni usurante, wo'ma wodancha afi'ratenni Maganu daho ikkinoha Kiristoosa affanno gedeeti.

UMI XIMOOTEWOOSI 3:16

Amma'nonke halaali, huluullo nookkiha jawaho. Hakku halaalino, «Manna ikke leellinohu; halaalaanchimmasi Qullaawu Ayyaaninni egennantinohu; sokkaasinete leellinohu; manna baalaho kulloonnihu; alamete aana noo manni ammaninosihu; ayirrinyunni gordo ha'rinohu» yaannoho.

UMI XIMOOTEWOOSI 3:9

keeraanchu tii"inni ammanate halaale agara dandiitannore ikkitona;

YAIQOOBI 1:5

Ki'ne giddo egenno xe'inosihu hee'riro, Magano huucci'ro; Maganuno aannosi. Isi ayeno mishikkinni baalunkura elate shooshaqa Maganooti.

UMI YOHAANNISI 2:20

Ki'ne kayinni Qullaawu buurino'ne; kunnira ki'ne duuchankare egentinoonni.

UMI YOHAANNISI 2:27

Isiwiinni adhitinoonnihu buuranno Ayyaani giddo'ne hee'ranno daafira, wole rosiisaancho dihasiisanno'ne; isi Ayyaani duuchankare rosiisanno'ne. Rosiisanno'neri halaaleho ikkinnina kapho di"ikkino; ki'neno rosiisino'ne garinni isinni heedhe.