MAATEWOOSI 12:34 - Qullaawa Maxaafa

³⁴ Ki'ne hamashshu ooso, bushuulle ikkitine heedhine dancha coye coyi'ra hiitto dandiitinanni? Mannu wodanisira wo'me gatinoha coyi'ranno.

MAATEWOOSI 12:34 ပူးပေါင်းရင်းမြစ်များ

FAARSO 53:1

Hawanyootu wodaninsanni, «Maganu dino» yitanno; baalunku battaabbino; hashakki'nanni cubbo assitanno; dancha coye assannohu dino.

FAARSO 64:3

Arrawonsa bisete gede gamaxidhanno; harfaamu afiinni maxxu gede qassanno.

FAARSO 64:5

Busha hedonsa wonshate, mimmitonsa jawaachishshanno; «Afannonkehu dino» yite, woshshaado wortanno darga maltanno.

LAWISHSHA 16:23

Egennaamu manchi wodani giddonni egenno fultanno; hasaawisino manna gamba assanno.

LAWISHSHA 4:23

Wodanu heeshshote buichootina, wo'munkurinni roorsite iso agadhi.

ISAYAASI 32:6

Hawanyootu haware coyidhanno; wodaninsa bunshe malanno. Kaaliiqi coye kaphoho soorrite so'ro halashshitanno; hudidhinorira sagale diuyitanno; goodhinorira waa dihayikkissanno.

ISAYAASI 59:14

Ninkewiinni halaalu xeerti'rino; keeraanchimmano ninkewa shiqqi diyitanno. Halaalu gudumaaleho darga hooge xiiwamanno; ammanamano bayicho diafidhino.

ISAYAASI 59:4

Yoote shiqqinannita ikkinnina halaalu difulanno'ne; gartinara yitine kapho coyidhinanni; woloota gawajjate ma'litinanni.

ISAYAASI 9:17

Kunnira, Mootichu wedellansa qorichishanno; galte shii'rino meentonna annanna ama afidhinokki ooso dimararanno; baalunku Kaaliiqira badhe wodhino. Afiinsanni fulanno coyi baalu xagarrote. Insa qorichishate angasi ka'inowiinni dihiggino; tenne giddoonnino hanqisi diqiidino.

MAATEWOOSI 12:35

Danchu manchi danchu miinjisi giddonni dancha coye fushshanno; bushu manchi bushu miinjisi giddonni busha coye fushshanno.

MAATEWOOSI 15:18

Afuunni fulannohu kayinni wodanu giddonni fulanno; manna lageessannohuno hakkonneeti.

MAATEWOOSI 23:33

Ki'ne hamasu! Buutete ooso gaannaamete qorichiwiinni hiitto ikkitine gattina ikka?

MAATEWOOSI 3:7

Yohaannisi kayinni lowo Farisootinna Saduqootu cuuantara isiwa dagganna lae, «Ki'ne buutete ooso, daanno hanqinni gattinanni gara ayi kuli'ne?

LUQAASI 3:7

Lowo manni cuuamara Yohaannisiwa dayita, «Ki'ne buutete ooso, daannohu Maganu hanqinni gattinanni gede ayi kuli'ne?

LUQAASI 6:45

Danchu manchi danchu wodanisi giddonni dancha coye fushshanno; bushu manchi bushu wodanisi giddonni busha coye fushshanno. Mannu wodanisira wo'me gatinore coyi'ranno.

YOHAANNISI 8:44

Ki'ne anni'ne Daawuloosi oosooti. Anni'ne hedinore wonshitinara hasidhinanni. Isi bi're hundanni manna shiinoho. Halaalu isiwa hoongohura, halaalu ledo horonta xaadu dinosi. Isi kaphaanchonna kaphu anna ikkinohura, kapho coyi'ranno woyite rosinorella assanno.

EFESOONI SOKKA 4:29

Afii'nenni bushu coyi fuloonke. Wole manna hasiisinonsa garinni dhaawatenna macciishshitannorira qiniite ikkanno gede dancha coye coyidhe.

EFESOONI SOKKA 5:4

Maganoho galata aa agurranna, saalu coyi woy balallete hasaawi woy afimala haariimo heedhoonke. Hattoo coyi ki'nera xaado diafi'rinoho.

YAIQOOBI 3:2

Ninke baalunku wo'manka woyite so'neemmo; arrawosi eemadhannohu, isonoo qee'linoho; guuta manchooti.

UMI YOHAANNISI 3:10

Maganu oosonna Daawuloosi ooso bande anfannihu kunninniiti; keeraanchimma assannokkihunna rodoosi baxannokkihu baalu Maganu ila di"ikkino.

UMI SAAMUEELI 24:13

Albi yannara, ‹Bunshe bushu mannilla loosanno› yinanni daafira, xaano anga'yanni ate dikiseemmohe.